Nyanra Njekawkulege 26:29 - Nouveau Testament en Gulay 2004

²⁹ Nè Paul ede nè: – Nain ngɔr éké kò’n tò géa, m’kɔ Nube kade teli ke njètaakêm-Krist tite’m man bè, i se kari bere lé, nè sei malang ke ooi tà le’m ɓila, anje sulge ke dé tɔɔ’m nè kuwe se kar de bere.

Nyanra Njekawkulege 26:29 ပူးပေါင်းရင်းမြစ်များ

Jean 5:34

Man ɓaa, m’aw ndoo kade doo tá ɔrgo tà le’m lé. Nè man m’ede sei tà nyan nè nga le kade d’aje’n sei.

Nyanra Njekawkulege 12:6

Barè lookar’n Hérode ayé tee se’n nata le gangtà dènn’t tàkum kosdooge’t malang. Kêm ndɔ’n nè nga, dé tɔ ji Pierre se sul ɓita too’n ɓi dann njérɔge joo. Tabai d’ade njérɔge ke rang ndai à ngonmi tà kei dangai.

Nyanra Njekawkulege 21:33

Njèkan dè njérɔge ke aru dɔg age ngɔr ke ra Paul’t ade d’uwe’n. E unn ndu’n ade dé tɔ’n se sul joo ɓita, go’t gugu è deje ede nè: – Ké doo nè nga è nan wa? Ké ra ri wa?

Nyanra Njekawkulege 25:14

Agrippa se Bérénice rai ndɔge bule kêm ɓee-bò ke Césarée. Festus ɔr tà le Paul unde non ngar Agrippa’t ede nè: – Félix inye dingem karé bè dangai’t laa.

Nje Ke Rome 10:1

Ngakonmge, nyan ke m’ndinge dè ɓengrem’t nga, è le kade Juipge malang aji. M’deje Nube kade aje de ade’m.

1 Nje Ke Corinthe 4:8

Sei an-in titeke ingei nyan malang ke awi ndoo’n nga ɓá ta! Sei an-in titeke sei baw-nyankingege ade i ndii deŝ ɓá ta! Sei teli ngarge ɓá ta! Ke nè á sei ngarge kerɔte ɓaa, jè géa j’ayé k’ee ngarge se si tɔ.

1 Nje Ke Corinthe 7:7

Man ɓaa, m’ndige kade dooge malang kuwe ndii suwe tite man bè. Nè nanan géa Nube ade’n nyan-noje ke ɔje dè’n-dè’n. Gir’n ke nè á, doo karé inge’n nyan-noje ke ɔje dè ndi suwe a, doo karé ke rang inge nyan-noje ke ɔje dè taa dinye a tɔ.

2 Nje Ke Corinthe 11:1

M’ndinge kade ilei kêm si pon dèm’t. Tà ke m’a m’ede sei nga, ke nè á è tà mbe géa, ilei kêm si pon dèm’t.

Nje Ke Ephese 6:20

E tede Tà ke Maje á ɓila m’ndii’n se sulge njam’t. Ɔji tà se Nube tede kade m’ile’n mber Tà ke Maje le’n nga se kem̂nda káng.

Nje Ke Colosses 1:28

E Krist nè nga kuwe á j’ile mber tà le’n j’ade dooge malang. Jè j’ede nanan a, jè ndó nanan a tà le’n se kumkunju ke deri le kade nanan géa ra’n tɔge dè kum nan’t bɔk se Krist a tɔ.