Nyanra Njekawkulege 26:22 - Nouveau Testament en Gulay 2004

²² Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

Nyanra Njekawkulege 26:22 ပူးပေါင်းရင်းမြစ်များ

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Tà ke Maje ke Luc ndang 16:28

Ngakonmge ke ndêin mi ndii tutu ɓai. Ade aw ede de kade turi hal de nè bainléa à reei ndii dann loo nyantosowur’t titeke man m’ndii’n danné nè bè tɔ.»

Tà ke Maje ke Luc ndang 24:27

Go’t gugu, Jésu ɔr gir nyange malang ke dé ndang d’ɔje’n dè’n kêm Magtub’t le Nube. E unn gir dè magtubge’t le Moise sár tee’n dè le njéribe-dè-tàge ke tà Nube’t.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Tà ke Maje ke Luc ndang 24:46

Gir’n ke nè á è ede de ede nè: – An-in! dé ndang kêm magtub’t d’ede nè: Man Krist ke Nube ule’m nga, gar-gar d’a d’ade nyantosowur à ra’m kuwe. Nè d’a d’ade m’a m’unde loo tee dann njé ke koo’t ndɔ ke njèkon’t mute.

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 1:45

Philippe aw inge Nathanael ede’n ede nè: – Doo ke magtub gute-ndu le Moise se magtubge le njéribe-dè-tàge ke tà Nube’t tami tà ɔjii dè’n nga, j’inge’n ɓá ta. Doo nè nga è Jésu ke Nazareth ngonn le Joseph.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Jean 5:46

Ke nè á ndɔ ke umi kêm si dè Moise’t ɓaa, né a umi kêm si dè’m man’t tɔ. Tede è ndang magtub kété ɔje’n dè’m.

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 13:29

Loo ke dé ra se Jésu nyange malang ke dé ndang kêm Magtubge’t d’ɔje’n dè’n ɓá ɓaa, d’ɔr ninn’n kade kage-ke-dese’t d’aw’n dé dubu be-ɓade’t.

Nyanra Njekawkulege 24:14

Nè né è bè géa, nyan karé ke m’ger á tò nè: M’ra kule m’ade Nube le kà jéige. E tede kum ke ɓila m’um nan’t bɔk se Jésu nè á dé ngakonm Juipge d’ute’m mbeng. Tàge malang ke kêm magtub gute-ndu’t se tàge ke njéribe-dè-tàge ke tà Nube’t ndangi nga, m’um kêm’m dè’t kuwe.

Nyanra Njekawkulege 26:17

Man m’ɔri dann kos Juipge se dann njé ke ei Juipge lé. Ma m’tel kulei ra de’t gugu ɗarinè.

Nyanra Njekawkulege 26:6

Ɗarinè, m’nda loo gangtà’t tede kunde ke m’unde kêm’m dè ndukunn ke Nube unn ade kà jéige kété nga.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nje Ke Rome 3:21

Nè ɗarinè Nube tɔje jèi rebe ke è ɔr’n tà dè dooge’t. E ɔr tà dè de’t nal kade dé ra nyan ke gute-ndu ɔje. Magtub gute-ndu le Moise se le njéribe-dè-tàge ke tà Nube’t tami tà nè nga bè tɔ:

1 Nje Ke Corinthe 15:3

Krist wei ɓá tede majelége le jéi titeke Magtubge ke tooi se ninn de tami nga. E ke nè á è nyan-ndó ke desêin ke m’inge á m’tel’n m’ade sei.

1 Nje Ke Corinthe 15:4

Krist nga dé dubu’n. Ndɔ ke njèkon’t mute, Nube ade unde loo tee dann njé ke koo’t titeke ndɔ ke Magtubge ke tooi se ninn de tami kété nga.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.

Lookilera’n 11:18

Girkoje dooge ke se dè ɓee-dè ɓee adi wong ra de, nè ɗarinè wong ke lei in sei tɔ ta. Ɓila è ndɔ gangtà dè njé ke koo’t. Ndɔ kuge dè ji ɓer kulege lei ke ei njéribe-dè-tàge lei nga ase ɓila ta. Dooge ke bòi se njé ke ngannge ke ei leige a, ke ilei koje dèi’t a tɔ nga, ndɔ kuge dè ji de ase ɓila ɓá ta. Dooge ke njé nuju dè nang nè nga géa, ndɔ kade i tuju de ase deĵ ɓá a tɔ.»

Lookilera’n 15:3

Ei ɔsi pa le Moise ɓer kule le Nube a, le Ngonn bate a tɔ, edi nè: «Kuwe-ɓee Nube ke njètɔgmong, nyange malang ke i ra nga ei nyange ke bò-bò ke dum kum! Ngar le girkoje dooge malang, rebe nyange lei ke ɔje nga ei se dè naje’n a, se go rebe’n kuwe a tɔ.

Lookilera’n 20:12

M’an njé ke weii, dooge ke bò se ngann dooge ndai non kutu-ngar’t nè nga. D’uwe tà magtubge dé teen. Magtub karé ke ɔje dè ndikumgajer nga géa, dé teen tà’n tɔ. Go’t gugu, dé gangtà dè njé ke koo’t ɔje’n dè kule ra de, ra de, se go nyange ke dé ndang tà’n kem̂ magtub’t nè nga.