Nyanra Njekawkulege 26:18 - Nouveau Testament en Gulay 2004

¹⁸ M’a m’ulei kade i teen kum de ade undei loo teei dann tilkus’t teli reei dann lookar’t. M’a m’ulei ra de’t le kade ɔr de ji tɔgmong’t le Sú le tel ree se de ra Nube’t. Ke nè á d’unde kêm de dèm’t ɓaa, d’a d’inge kêm tin mbit dè kaiyage’t le de a, d’a d’inge loo ndi de dann njé ke ei le Nube’t a tɔ.»

Nyanra Njekawkulege 26:18 ပူးပေါင်းရင်းမြစ်များ

Matthieu 4:10

Jésu tel ede sú ede nè: – Ɔte tam’t kɔke tede dé ndang kêm magtub’t d’ede nè: «Kuwe-ɓee Nube lei nga, i a kɔse keji nang nonn’t a, è kuwe karé bere luk-luk á i a ra ɓer le’n a tɔ.»

Matthieu 4:16

Kosdooge ke ndii dann tilkus’t, An-in! lookar ke bò, Njé ke ndii gir tɔgmong’t le yo géa, loo unn gir kar dè de’t a tɔ.

Tà ke Maje ke Luc ndang 1:77

E ade balkum kosdooge le’n à geri titeke Nube aje de a, à ade kêm’n à tin mbit dè kaiyage’t a tɔ.

Tà ke Maje ke Luc ndang 1:79

Lookar nè nga à ndogó dè njé ke ndii dann tilkus’t se njé ke ndii tà yo’t. Lookar nè nga à ɔr non jéi dè rebe ndi se kêmlom dann nan’t a tɔ.

Tà ke Maje ke Luc ndang 2:32

Njèkaje dooge nga, è lookar le kade dooge malang ke dè nang nè dé geri a, à è riɓar le kosdooge ke ei ngannkà Israel a tɔ.

Tà ke Maje ke Luc ndang 24:45

E ade kum de uje kade dé ger’n gir Magtub le Nube njai.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Jean 17:17

Bɔ’m, i tɔr de unde de se ninn’n se go ngarankum tà tede tà lei è ngarankum tà.

Jean 3:19

An-in! tà ke uwe dè dooge á tò nè: lookar ree dè nang nè, nè dooge ndigi tilkus tá ngain dum lookar tede nyanra dege majelé.

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Jean 9:39

Jésu unn tà tam ede nè: – Man nga m’ree dè nang nè le kɔr ninn dooge gai-gai: Njé ke kété an-in loo à teli njé kum libege a, le kade njé ke kété ei njé kum libege teli an-in loo a tɔ.

Jean 9:5

Ndɔge malang ke m’nain’n dè nang nè ɓai nga, m’ee lookar le dooge ke dè nang nè.

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 13:47

Tede Kuwe-ɓee unn ndu’n ade jè titeke bè ede nè: «M’undei m’ade i lookar le dooge ke ei Juipge lé, le kade i unn tà kaje nè aw’n se loo-loo sár ɔse’n ngei nang bere mbak.»

Nyanra Njekawkulege 15:9

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 20:32

Ɗarinè, m’um sei ji Nube’t a, m’um sei dann tà kêmnoje’t le’n a tɔ. Tà kêmnoje le Nube nga asekum ra se sei kade ingei nyange malang ke Nube uwe dè nja unde konn tede le njétaakêm-Kristge malang.

Nyanra Njekawkulege 26:19

Unn gir kêm ndɔn’t nè nga, ngar Agrippa, m’altà tà nyanpinde ke in danrán nga lé.

Nyanra Njekawkulege 26:23

Njéribe-dè-tàge ke tà Nube’t se Moise nga, ndɔ ke tami edi nè: Krist nga, nyankêmkon à ra’n, è doo ke desêin sàk-sàk ke unde loo tee dann njé ke koo’t. Gar-gar à ile mber lookar kade kosdooge le jéi se njé ke rang.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

1 Nje Ke Corinthe 1:2

jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

2 Nje Ke Corinthe 6:14

Uwei made nan se dooge ke ei njétaakêm-Krist lé nga lé. Dé nga, dé njémade-loo-kawge ke tuwe sei ɗêw lé. Njè ra nyan se dè naje’n se njè ra nyan ke se dè naje’n lé nga, ké à ɓei nan’t titeke bain wa? Eké lookar se tilkus à ɓei nan’t titeke bain wa?

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Nje Ke Galatie 3:14

Krist ra titeke bè le kade dooge ke ei Juipge lé ingei ndutɔr ke ndɔ ke Nube unn’n ndu’n ade Abraham. Ndutɔr nè nga dooge ke ei Juipge lé ingei takul Jésu-Krist. Ndil-Kem̂nda ke ndɔ ke unn ndu’n le kade jéi nga, j’ingei takul kundekem̂.

Nje Ke Galatie 3:2

Tà karé bere ke m’ndige le koo tà si’t á nè: Ké sei ingei Ndil-Kem̂nda nga takul kule rage ke ɔje dè gute-ndu éké takul Tà ke Maje ke ooi á undei kem̂ si dè’t nga wa?

Nje Ke Ephese 1:11

Takul’n è á j’inge’n gaje nyan-ndube ke ɔje dè jé tede Nube tɔr jè kété mari se go nyan ke è ɔje. Nube ra nyan malang ade aw loon’t deĵ se go nyan ke è ɔje se go kem̂ndige le’n.

Nje Ke Ephese 1:14

Ndil-Kem̂nda ke Nube ade jèi nga, è tàpitem nyan-ndube ke è unde konn tede le kosdooge le’n. J’a j’ingei nyange ke Nube unde konn nè nga bere mbak ndɔ ke j’à j’ɔri dè jéi gir tɔgmong’t le ɓer. Adi j’ɔsi pa j’ulei ndubra dè Nube’t a tɔ.

Nje Ke Ephese 1:18

M’deje Nube le kade ade kum ɓengre si gang tchat. Titeke bè á a i geri nyan kundekem̂ tchên dè’t ke è ɓar sei tede nga. Taɓai sei a geri bò ndubra le’n se bò nyan-ndube ke uwe dè nja unde konn tede le njé ke tooi se ninn de.

Nje Ke Ephese 1:7

Takul Krist ke wei ade mese’n an-in nang á j’ingei nyankuge dè jéi ɓee ɓer’t a, Nube ade kem̂’n tin’n mbit dè kaiyage’t le jéi a tɔ. E kem̂noje ke bò ke gar’n goto á Nube uwe se jéi!

Nje Ke Ephese 2:8

E takul kem̂noje le Nube á sei ingei kaje se go kundekem̂ le si. Kem̂noje nè nga in ra si’t lé, nè è nyan-noje ke in ra Nube’t kuwe.

Nje Ke Ephese 4:18

Tà gir le de tel tuge ndul bigm; dé mbate kum se Nube bɔk ɔje dè ndikumgajer le’n ke è ade dooge. Dé ger nyan lé tede kem̂nder urkei dè ɓengre de’t.

Nje Ke Ephese 5:11

Umi nan’t bɔk se ngannge le loondul dè nyanra de’t lé. Nè è soo’t kade in-in se de dè’t tede kule ra de nga è kule ke maje’n goto.

Nje Ke Ephese 5:14

Nyan malang ke loo unju dè’t nga tel è lookar tɔ. Gir’n ke nè á dé tam’n d’ede nè: «I ke i tò ɓi nga, i teen kumi, unde loo i tee dann njé ke koo’t ɓaa, Krist à ndoin non-in’t.»

Nje Ke Ephese 5:8

Tede kété sei ngannge le loondul, nè ɗarinè ɓaa sei ngannge le lookar takul kum ke umi nan’t bɔk se Kuwe-ɓee nga. Bè ɓaa, i njiyei tite ngannge le lookar bè.

Nje Ke Ephese 6:12

Ḿ-m̀, rɔ ke jè rɔi nga, jè rɔi se dooge ke dè nang nè lé, nè jè rɔi se tɔgmong-ge le ndilge ke majelé ke danrán, se njékonɓeege, se tɔgmong-ge le njèkonɓee tilkus’t a tɔ.

2 Timothee 2:26

Titeke bè á, bainléa tàgir ke maje à tel ree dè de’t le kade dé pusuru’n ra de d’ɔr’n tu gum’t le sú ke njè kuwe de ɓer kade dé ra’n nyan ke kem̂’n ndige.

Hebreuge 10:10

Jésu-Krist ra nyan ke kem̂ Nube ndige. E inye danra’n ade dé tɔl nja karé bere luk-luk ke ngang’n. Gir’n ke nè á è ɔr’n se-kaiyage ra jéi’t kɔke tel’n jèi dooge ke tooi se ninn de ta.

Hebreuge 10:14

Njé ke Krist unde de se ninn’n gai nga, è tel de ke dooge ke maji ɔri njêt sár se non takul danra’n ke è unn ade ke nyankuje-mese nja karé bere luk-luk.

Hebreuge 11:6

Ke nè á kundekem̂ goto ɓaa, doo asekum taa kum Nube ndan lé. Doo ke age ngɔr ke ra Nube’t tede kum se’n nan’t bɔk nga, gar-gar maje kade ger titeke Nube ndi tutu. Nube à uge dè ji njé ke sangi nin se kem̂nda káng nga.

Hebreuge 9:15

Gir’n ke nè á Krist ee’n njè nda dann dooge se Nube ɔje’n dè mann-ra ke kige nè nga. E wei uge dè dooge ke ali tà kété mari gir mann-ra ke desêin’t. Titeke bè á dooge ke Nube ɓar de à asi kingei nyan-majege ke tooi se non ke ndɔ ke è unn’n ndu’n le kade de nga.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

1 Pierre 1:4

Jè ndii jè nginei nyan-majege ke Nube uwe dè nja unde konn tede njé ke le’n. E nyan-majege ke à jɔri lé a, à mite lé a, a ndolè lé a tɔ. Nyan-majege nè nga Nube uwe dè nja unde konn tede le si kem̂ Konɓee ke danrán nú.

1 Pierre 2:25

Kété sei tooi asinan se batege ke ndemi awi yo-yo, nè-nè bè. Nè ɗarinè, dé tel se si ke ra è ke njèkul si se njèkan dè ngarankum ra si a tɔ.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

1 Jean 1:9

Nube à inye go ndukunnge le’n lé. E njè ra nyan se dè naje’n. Ke nè á j’ɔri gir majelége le jéi ke nata ɓaa, è à ade kem̂’n à tin mbit dè majelége’t le jèi. Nube à inye go nyanrage ke se dè naje’n lé le jèi nga bere mbak kɔke.

1 Jean 2:12

Ngannemge, m’ndang magtub nè m’ade sei tede kem̂ Nube tin mbit dè majelége’t le si ɓá ta takul ri Jésu-Krist ke undei kem̂ si dènn’t nga.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.

Lookilera’n 21:27

Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.