Nyanra Njekawkulege 26:16 - Nouveau Testament en Gulay 2004

¹⁶ Nè ɔse nang in dɔ, i nda dè njai’t. An! gir nyan ke m’tee’n dèi’t pan nga: man m’ɔri ke ngonn njèndi le’m a, ke njèkile mber ɔje dè nyange ke ɓila an se kumi. A i njèkile mber ɔje dè nyange ke ndɔ ke rang m’a m’tɔji ɓai a tɔ.

Nyanra Njekawkulege 26:16 ပူးပေါင်းရင်းမြစ်များ

Tà ke Maje ke Luc ndang 1:2

se gonan-gonan titeke njé ke an-in se kum de ɔri adi jéi. Njé ke kété an-in nyange nè se kum de nga, ɓila teli ei njékile mber Tà ke Maje le Nube.

Nyanra Njekawkulege 1:17

Judas nga kété dé tute’n dann jéi’t kuwe. Kule ke jè ndi j’ade rai nga géa, d’ade’n gaje’n ke ɔje dè’n se jéi nan’t tɔ.

Nyanra Njekawkulege 1:25

Doo ke a ɔr’n nga, à è njè taa gute Judas loo kaw kule’t ke inye ɔte aw loo le’n ke ɔje dè’n è kuwe.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 21:19

Loo ke Paul ra de lapya ɓá ɓaa, è unn gir kɔr ser nyange karé-karé malang ke Nube ade ra dann dooge ke ei Juipge lé nga ade d’oo.

Nyanra Njekawkulege 22:10

M’tel m’deje m’ede nè: «Kuwe-ɓee, ke ri á i ndige kade m’ra gar-gar wa?» Kuwe-ɓee tel ede’m ede nè: «Ɔse nang in aw Damas ɓaa, d’a d’edi nyange malang ke Nube unn’n ndu’n le kade i ra nga ɓai.»

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nyanra Njekawkulege 26:15

M’tel m’deje’n m’ede nè: «Kuwe-ɓee, ké i nan wa?» Kuwe-ɓee tel ile’m dè’t ede nè: «Man m’ee Jésu ke i ɔr’n kororoi nga.

Nyanra Njekawkulege 6:4

Nè jè ɓaa, j’à j’aw kum jé ke kété de kɔje tà se Nube’t a, se dè kile mber tà’t le Nube a tɔ.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

Nje Ke Rome 15:16

Nube tel’m ke ngonn njèkule le Jésu-Krist tede le dooge ke ei Juipge lé. Nube ɔr’m unde’m se ninn’n tede kade m’ile mber Tà ke Maje le’n m’ade dooge ke ei Juipge lé. Titeke bè á Ndil-Kêmnda à ɔr’n njé ke ei Juipge lé kunde’n de se ninn de kade taai kum Nube.

2 Nje Ke Corinthe 4:1

Nube ade jè ra kule nè nga se go kêmkanm le’n. Gir’n ke nè á j’ade kêm jé tête’n mann lé.

2 Nje Ke Corinthe 5:18

Nyan malang in ra Nube ke j’umi nan’t bɔk se’n tàkul Krist. E kuwe á ade jè kule kum dooge nan’t bɔk se’n a tɔ.

Nje Ke Galatie 1:12

Tà ke Maje nè nga, m’inge ra doo karé’t lé a, doo karé á ndó’m lé a tɔ. Nè Jésu-Krist á ribe dè ade’m.

Nje Ke Galatie 2:2

M’tel m’aw Jérusalem se go nyan ke Nube tɔje’m. Loo ke m’tee nú ɓaa, m’kebe njétaakem̂-Kristge m’ɔr gir Tà ke Maje ke m’ile m’ber’n m’ade dooge ke ei Juipge lé nga se ngang’n-ngang’n m’ade ooi. Dooge ke ei njékɔr non dege géa m’kebe de gai m’ɔr gir Tà ke Maje ke m’ile mber’n nè nga m’ade de. M’ra titeke bè tede kade Tà ke Maje ke kété éké ke ɗarinè ke m’ndi m’an-in ngɔde’n nga, tel è nyan ke raikarè lé.

Nje Ke Ephese 3:3

Nube ribe dè nyan ke tò loo ɓɔyɔn’t ade m’ger titeke m’ndang’n tà’n ndêin m’ade ooi ɗarinè.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

Nje Ke Colosses 1:25

M’tel m’ee ngonn njèkule le njékebe nange le Nube nè nga se go kule ke Nube um jim’t tede le si: Kɔr son kile mber tà le Nube nga è kule ke deri ke Nube um jim’t.

Nje Ke Colosses 1:7

Epaphras ɓer kule le Jésu-Krist made jé ke jè tár’n ngain ndó sei Tà ke Maje nè nga kété ɓá. E ngonn njèkule le Krist ke get tede tà le si.

1 Nje Ke Thessalonique 3:2

Gir’n ke nè á jè j’ule’n ngokon jéi Timothée ra si’t. Timothée nga è njè njèkule le Nube made jé ke ile mber Tà ke Maje le Krist. Jè j’ule’n le kade ule dingem kem̂ si’t a, le kade ndeje sei a tɔ, tede kade kundekem̂ dè Nube’t le si ɓeɓere’n.

1 Timothee 1:12

Kuwe-ɓee le jéi Jésu-Krist ke ade’m tɔg’m nga, m’ra’n oiyo. M’ra’n oiyo tede è an’m ke doo ke ase kade um kem̂’n dèm’t á unde’m dè kule’t le’n.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

2 Timothee 4:5

Nè né è bè géa, i ɓaa, unde kumkunju dè rai’t ɔje dè nyange malang. Oré tài njak dè nyankem̂konge’t, i ra kule ra njèkile mber Tà ke Maje. I ra kule lei ɔr son’n njêt a tɔ.