Nyanra Njekawkulege 26:10 - Nouveau Testament en Gulay 2004

¹⁰ E ke nè á è nyanra’m ke ndɔ ke m’ra Jérusalem. E maw njékuje nyan-mesege kuwe á unni ndu de adi man. Titeke bè á ndɔ ke man kuwe m’tuwe njétaakêm-Kristge ngain m’um de dangai’t se loo-loo. Loo ke ndɔ ke d’ade tɔl de géa, m’um se de nan’t bɔk a tɔ.

Nyanra Njekawkulege 26:10 ပူးပေါင်းရင်းမြစ်များ

Nyanra Njekawkulege 7:58

Dé d’ɔr’n ndalang-ndalang d’aw se’n gide ɓee-bò’t nata, dé tile’n se kuberi her mbás-mbás. Njé ke ndai loon’t an-in se kum de nga, ei tɔri kubuge le de umi nang nja basa karé bè ke ri’n nè Saul.

Nyanra Njekawkulege 8:1

Nè Saul ndige se de dè tɔl ke dé tɔl Etienne. Kêm ndɔn’t nè kuwe, d’unn gir kɔr njékebe nange le Nube ke kêm ɓee-bò ke Jérusalem kororoi. Njétaakêm-Kristge malang yali nan karé-karé se kêm ngann ɓeege ke ɓeekonge ke Judée se Samarie a tɔ. Nè njékawkulege kuwe á nain-in kêm ɓee-bò ke Jérusalem.

Nyanra Njekawkulege 8:3

Nè Saul ra kum njékebe nange le Nube ndoo, yal de karé-karé. E toso kêm keige malang tɔr njétaakêm-Kristge ke dingemge se njé ke dinyege nata ndát-ndát ɓuku de dangai’t.

Nyanra Njekawkulege 9:21

Dooge malang ke ooi tà le Saul nga, ndil de tee an-in soin-soin ade edi nè: – Ké è n’ee ke n’nda nè nga kuwe á n’ee njè ra kum njétaakêm-Kristge ke Jérusalem ndoo nè lé wa? Ké n’ree tede le tuwe de tɔ de kaw se de kade de maw njékuje nyan-mesege lé wa?

Nyanra Njekawkulege 9:26

Loo ke Saul tel tee kêm ɓee-bò ke Jérusalem ɓá ɓaa, è sang le kum nan’t bɔk se njékuwe-gir-Jésuge. Nè ei malang ɓeli gide’n m an-in nin ke njèkuwe-gir-Jésu ke get lé bai.

Nyanra Njekawkulege 9:32

Pierre aw se kêm ɓee-ɓee. Ndɔ karé bè è aw ɓee le njétaakêm-Kristge ke ndii kêm ɓee ke Lidda le kan de tɔ.

Nyanra Njekawkulege 9:41

Pierre ule ji’n ade Tabitha uwe in’n dɔ. Pierre tel ɓar njétaakêm-Kristge se njékei-kingege ule’n ji de’t kumgajer.

1 Nje Ke Corinthe 15:9

Man nga m’ee tà-mba le njékawkulege. M’tuwe kade dé ɓar’m njèkawkule lé tede m’ra kum njékebe nange le Nube ndoo ngain gée.

Nje Ke Galatie 1:13

Sei ooi ser nyanra’m se pa njiye’m kété ke m’nain’n dann girkàge’t le Juipge ɓai nga mbak. Njékebe nange le Nube nga ndɔ ke m’ɔr de kororoi m’ade al dè loo’n a, m’sanrin de sakte-sakte a tɔ.

Nje Ke Ephese 1:1

Man Paul, njèkawkule le Jésu-Krist se go kem̂ndige le Nube. M’ndang magtub nè m’ade njé ke tooi se ninn de se njé ke awi kum de ke kété-kété de kundekem̂ dè Jésu-Krist’t [ke ndii kem̂ ɓee-bò ke Ephèse].

Lookilera’n 17:6

Mese dooge le Nube ke tooi se ninn de se mese njé ke dé tɔl de tede kem̂ de ke undei dè Jésu’t ra dinye nè nga tite yibe bè. Loo ke m’an’n bè ɓaa, ndil’m tee an-in soin-soin.