Nyanra Njekawkulege 25:7 - Nouveau Testament en Gulay 2004

⁷ Loo ke Paul ree tee pan ɓaa, Juipge ke in-in Jérusalem an-in dè’n girm. Ei têti tàge gai-gai ke tooi ɓel undei tànn’t. Nè è tàge ke se dè naje’n lé kuwe malang.

Nyanra Njekawkulege 25:7 ပူးပေါင်းရင်းမြစ်များ

Matthieu 15:1

Pharisienge se njéndang magtubge in-in Jérusalem reei ra Jésu’t deji nin edi nè:

Tà ke Maje ke Luc ndang 23:10

Maw njékuje nyan-mesege se njékɔrgir gute-nduge ke ndai loon’t nga in-in se tà de jik-jik têti tà undei tà Jésu’t.

Tà ke Maje ke Luc ndang 23:2

Ke loon’t nè kuwe d’unn gir tête tà kunde tànn’t d’ede nè: – Doo nè nga j’inge’n dè ndi ke è ndi tur kum kosdooge le jé. E ede de le kade d’ɔge tir ngar César. Taɓai è ede nè: nè kuwe karé bere n’ee Krist ngar ke Nube ule se’n ade jéi.

Nyanra Njekawkulege 21:28

Juipge tami tà beng edi nè: – Sei ngannkà Israel ke dingem, i din-in jè! An-in! doo ke njè kaw se loo-loo ndó dooge nyan le kade utei jéi kosdooge le Nube se gute-ndu’n éké kêm kei le Nube mbeng nga á nda nè. Taɓai dooge ke ei Juipge lé géa ɔr de ree se de kêm kei ke tò se ninn’n le Nube ade telii ke nyan ke mine.

Nyanra Njekawkulege 24:13

Dooge nè nga asikum kɔri gir nyan ke get ke ilei tà dèm’t nga lé.

Nyanra Njekawkulege 25:24

Ke loon’t nè kuwe, Festus unn tà tam ede nè: – Ngar Agrippa se sei malang ke i ndii se jé nan’t nè. Dingem ke an-in nin nè nga, kos Juipge malang reei sêki nin ram’t Jérusalem a, ɓéee nè a tɔ. Ei deji man se ndu de ke bòi edi nè: Doo nyan le doo nè nga ndête kade ndi kumgajer lé.

1 Nje Ke Thessalonique 2:16

D’ɔge jè loo kile mber le kade dooge ke ei Juipge lé ingei kaje. Dé ra titeke bè d’ile’n kaiyage le de dè made’t se ndɔge malang. Nè loo tɔl tà’n ɓaa, wong le Nube oso dè de’t ɓai.