Nyanra Njekawkulege 25:5 - Nouveau Testament en Gulay 2004

⁵ Maje kade dooge le si ke bò-bò awi se’m nan’t Césarée. Ke nè á doo nè nga ra majelé ɓaa à sêki nin.

Nyanra Njekawkulege 25:5 ပူးပေါင်းရင်းမြစ်များ

Nyanra Njekawkulege 18:14

Loo ke Paul ayé tam tà ɓaa, Gallion ede Juipge ede nè: – Hai! Juipge, ke nè á è tà ke ɔje dè nyanra ke se dè naje’n lé éké nyanra ke majelé ɓá ɓaa, né m’a m’ur mbi’m koo’n tà sêke le si.

Nyanra Njekawkulege 23:30

Doo karé bè ree ede’m titeke Juipge ɔri nan tà dènn’t le tɔli nin. Gir’n ke nè á m’in’n ke loon’t nè m’ule’n se’n rai’t. Njékile tà dènn’t nga, m’ede de kade awi sêki nin noin’t nú ta.

Nyanra Njekawkulege 24:8

E unn ndu’n ade njé kile tà dènn’t le kade awi sêki nin rai’t.] I kuwe i deje tà doo nè ɓaa, a i ger titeke tàge malang ke jè sêke’n nga è kum kuwe.

Nyanra Njekawkulege 25:16

M’tel m’ile de dè’t m’ede nè: Kile doo dangai’t nal kade tam tà dè rann’t tàkum njé sêkennge’t nga, è kule ra girkoje dooge ke Rome lé sár.

Nyanra Njekawkulege 25:25

Man ɓaa, m’an nyan karé bè ke ndête kade wei’n lé. Nè titeke è kuwe deje le kade ngar Auguste César tá gangtà le’n ɓaa, man m’ɔje le kule se’n kade’n kuwe tɔ.

Nyanra Njekawkulege 25:4

Nè Festus ile de dè’t ede nè: – Paul nga, dé ngonm’n dangai’t Césarée nú. Man géa, nain ngɔr ɓaa m’a m’tel kaw gugu nú.

Nyanra Njekawkulege 25:6

Festus ra se de ndɔ sɔsɔ éké ndɔ dɔg ɓita è tel ree Césarée ɓai. Barè lookar’n, è ndi loo gangtà’t. E unn ndu’n ade dé ree se Paul.