Nyanra Njekawkulege 24:8 - Nouveau Testament en Gulay 2004

⁸ E unn ndu’n ade njé kile tà dènn’t le kade awi sêki nin rai’t.] I kuwe i deje tà doo nè ɓaa, a i ger titeke tàge malang ke jè sêke’n nga è kum kuwe.

Nyanra Njekawkulege 24:8 ပူးပေါင်းရင်းမြစ်များ

Tà ke Maje ke Luc ndang 23:14

Go’t gugu è ede de ede nè: – Sei reei se doo nè ram’t, i tami edi nè è njètur kum kosdooge. M’deje’n tà non si’t malang nè m’an tà karé bè ke uwe dè’n ɔje dè nyange ke sei ilei tà dènn’t nga lé.

Nyanra Njekawkulege 23:30

Doo karé bè ree ede’m titeke Juipge ɔri nan tà dènn’t le tɔli nin. Gir’n ke nè á m’in’n ke loon’t nè m’ule’n se’n rai’t. Njékile tà dènn’t nga, m’ede de kade awi sêki nin noin’t nú ta.

Nyanra Njekawkulege 23:35

Njèkonɓee Félix ede Paul ede nè: – Ndɔ ke njé sêkige à reei ɓita m’a tel koo tà lei ɓai. E unn ndu’n le kade dé ngonm Paul kêm kei ndi Ngar Hérode ke bò.

Nyanra Njekawkulege 24:7

Nè Lysias, njèkan dè njérɔge ke aru dɔg tee pan, uwe’n wont ɔr’n ji jé’t aw se’n.

Nyanra Njekawkulege 24:9

Juipge osoi gir Tertullus’t edi nè tà le’n è kum kuwe.

Nyanra Njekawkulege 25:5

Maje kade dooge le si ke bò-bò awi se’m nan’t Césarée. Ke nè á doo nè nga ra majelé ɓaa à sêki nin.