Nyanra Njekawkulege 24:24 - Nouveau Testament en Gulay 2004

²⁴ Mbɔr go’t gugu baa, Félix se neen’n Drusille reei Césarée. Drusille nga è Juip. E ule kule ɓar Paul ade ree inge’n. E deje’n le kade ede’n tà ke ɔje dè kundekêm dè Jésu-Krist’t.

Nyanra Njekawkulege 24:24 ပူးပေါင်းရင်းမြစ်များ

Marc 6:20

Hérode Antipas ile koje dè Jean’t ngain. E ger’n ke doo ke njè ra nyan se dè naje’n a, se doo ke tò se ninn’n a tɔ. E an dè Jean sêw-sêw, nè loo ke è oo tà le’n ɓaa, tàgir le’n aw yo-yo, nè-nè. Nè né è bè géa, Hérode Antipas ur mbi’n oo’n tà le Jean se ranel.

Tà ke Maje ke Luc ndang 19:3

Zachée sang rebe le kan ké nan á è Jésu nga wa? Nè è asekum kan’n lé tede doobulege d’utu’n loo tede è doo ke gɔje.

Tà ke Maje ke Luc ndang 23:8

Loo ke Hérode Antipas an Jésu ɓaa, ra’n nel’n ngain. E ndige le kan Jésu mari-mari tede ndɔ ke oo tàge ke dé tam d’ɔje’n dè’n. E ɔje kêm’n tchên tede kade Jésu ra nyankɔbe karé ade an.

Nyanra Njekawkulege 16:31

Paul se Silas ilei nin dè’t edi nè: – Unde kêmi dè Kuwe-ɓee Jésu’t ɓaa, d’a d’aji i se njénojege lei.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 24:25

Paul unn gir tam tà ede nè: – Nube ndige kade dooge rai nyan se dè naje’n a, kade undei kumkunju dè ra de’t a tɔ, ɔji dè tà ke Nube à gang dè de’t ndɔ ke rang. Ɓel unde Félix ndàt gang’n ade tel ede Paul ede nè: – Ɔte aw ɗarinè ɓanm. Ndɔ ke m’inge kurloo ndêin ɓaa, m’a m’tel ɓari gugu rang ɓai.

Nyanra Njekawkulege 26:22

Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

Nje Ke Galatie 2:16

Nè né è bè géa, jè ger maje titeke Nube ɔr tà dè doo’t se go kule rannge ke ɔje dè gute-ndu nga lé. Nè è ɔr tà dè doo’t se go kundekem̂ dè Jésu-Krist’t. Gir’n ke nè á jè Juipge géa, j’unde’n kem̂ jé dè Jésu-Krist’t le kade Nube ɔr’n tà dè jé’t takul kem̂ jé ke j’unde dè Jésu-Krist’t nga. Nube ɔr tà dè jé’t se go kule ra jége ke ɔje dè gute-ndu nga lé. Ḿ-m̀, Nube à ɔr tà dè doo karé’t se go kule rage ke ɔje dè gute-ndu nga lé.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Nje Ke Galatie 3:2

Tà karé bere ke m’ndige le koo tà si’t á nè: Ké sei ingei Ndil-Kem̂nda nga takul kule rage ke ɔje dè gute-ndu éké takul Tà ke Maje ke ooi á undei kem̂ si dè’t nga wa?

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.

Lookilera’n 14:12

Gir’n ke nè á, maje kade dooge le Nube ke ilei koje dè ndukunnge le’n nga oréi tà de njak dè kunde kem̂ de dè Jésu’t.