Nyanra Njekawkulege 24:14 - Nouveau Testament en Gulay 2004

¹⁴ Nè né è bè géa, nyan karé ke m’ger á tò nè: M’ra kule m’ade Nube le kà jéige. E tede kum ke ɓila m’um nan’t bɔk se Jésu nè á dé ngakonm Juipge d’ute’m mbeng. Tàge malang ke kêm magtub gute-ndu’t se tàge ke njéribe-dè-tàge ke tà Nube’t ndangi nga, m’um kêm’m dè’t kuwe.

Nyanra Njekawkulege 24:14 ပူးပေါင်းရင်းမြစ်များ

Matthieu 10:32

Nanan ke tam ndàt non dooge’t ede nè: n’ee le’m ɓaa, man géa m’a m’tam ndàt non Bɔ’m ke danrán titeke doo nè nga è le’m man kuwe.

Matthieu 22:40

Ndukunnge ke joo nè nga ei gir gute-ndu bere mbak ke Moise ndang a, se magtubge le njéribe-dè-tàge ke tà Nube’t a tɔ.

Matthieu 7:12

Nyan malang ke sei i ndigi kade dooge ke rang rai tede le si nga, sei géa i rai titeke bè tede le de tɔ. E ke nè á è tà ke ndɔ ke Moise se njéribe-dè-tàge ke tà Nube’t ndooi dooge.

Tà ke Maje ke Luc ndang 1:70

E tam tà nè nga kété mari se go rebe ke ra njéribe-dè-tàge’t le’n ke tooi se ninn’n ede nè:

Tà ke Maje ke Luc ndang 16:16

Gute-ndu Nube ke Moise ndang se magtubge ke njéribe-dè-tàge ke tà Nube’t ndangi a tɔ nga, dé ndó dooge sár d’ade Jean ke njèkule dooge manné njonm ree’n. Nè unn gir ndɔ ree le Jean sár tee ɓila nga, m’ile mber Tà ke Maje m’ade dooge. Gir’n ke nè á nanan géa uwe’n ra’n mong le kum nan’t bɔk se Nube.

Tà ke Maje ke Luc ndang 16:29

Abraham tel edé ede nè: «Magtub gute-ndu ke Moise ndang se magtubge le njéribe-dè-tàge ke tà Nube’t tooi tutu. Gar-gar è tà le kade d’ile koje dè tàge’t le de.»

Tà ke Maje ke Luc ndang 24:27

Go’t gugu, Jésu ɔr gir nyange malang ke dé ndang d’ɔje’n dè’n kêm Magtub’t le Nube. E unn gir dè magtubge’t le Moise sár tee’n dè le njéribe-dè-tàge ke tà Nube’t.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 1:45

Philippe aw inge Nathanael ede’n ede nè: – Doo ke magtub gute-ndu le Moise se magtubge le njéribe-dè-tàge ke tà Nube’t tami tà ɔjii dè’n nga, j’inge’n ɓá ta. Doo nè nga è Jésu ke Nazareth ngonn le Joseph.

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 13:15

Dooge tutei magtub gute-ndu Nube ke ndɔ ke Moise ndang a, tutei magtubge le njéribe-dè-tàge ke tà Nube’t a tɔ. Go’t ɓaa, njékan dè kei kebe nan ulei kule ra de’t edi de edi nè: – Ngakon jége, ke nè á awi se tà ndeje ke nange tede le kosdooge nè nga ɓaa, i tami edi de ɗarinè ta.

Nyanra Njekawkulege 15:5

Nè Pharisienge ke nange ke teli njétaakêm-Kristge in-in tami edi nè: – Gar-gar è ta le kade j’adi njétaakêm-Kristge ke ei Juipge lé ujei tà mɔte de a, j’unni ndu jéi j’adi an-in dè gute-ndu le Moise nga sêw-sêw a tɔ.

Nyanra Njekawkulege 19:23

Kêm ndɔge’t nè nga, tà ke bò asetam oso ade dooge awi de nan’t ngater-ngater ɔje dè tà le Kuwe-ɓee Jésu.

Nyanra Njekawkulege 19:9

Nè njé ke nange ei njékêmnderge se njé kunn mbi dè tàge’t. Ei tami tà ke majelé dè rebe’t le Kuwe-ɓee tàkum doobulege’t. Paul ɔr ra’n ra de’t kɔke ɓaa, è ɔr kum njétaakêm-Kristge gai ɔje de tà se ndɔ karé-karé kêm kei ndó nyan’t le Tiranus.

Nyanra Njekawkulege 22:14

Ananias ede’m ede nè: «Nube le kà jéige ɔri kété mari bere le kade i ger nyan ke kêm’n ndige. E ɔri le kade an njèra nyan se dè naje’n karé bere se kumi a, le kade oo tà tànn’t a tɔ.

Nyanra Njekawkulege 24:22

D’ede Félix tà ke ɔje dè Jésu-Krist ade ger maje. Gir’n ke nè á è unde’n gangtà le de dɔ ede nè: – Loo ke Lysias, njèkan dè njérɔge ke aru dɔg à ree ɓita m’a tel nder gir tà le si rang koo ɓai.

Nyanra Njekawkulege 24:5

Dingem nè nga, j’an’n tò asenan se yo-kos ke tee kêm ɓee’t bè. E njè tule Juipge nan’t ade tà oso’n se kêm ɓee-ɓee. E á è ngol njé le Jésu ke Nazareth, doo nyan le doo nga.

Nyanra Njekawkulege 25:8

Paul tam tà dè rann’t ede nè: – Man m’ra nyan karé ke majelé m’al’n tà tà gute-ndu’t le Juipge, éké m’al’n tà tà ngar César’t lé. M’ra nyan karé m’nede’n kei le Nube le jéi nga lé a tɔ.

Nyanra Njekawkulege 26:22

Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

Nyanra Njekawkulege 26:27

Ngar Agrippa, tàge ke njéribe-dè-tàge ke tà Nube’t tami nga, ké um kêmi dè’t kuwe wa? Oiyo, m’ger mbak titeke um kêmi dè’t kuwe.

Nyanra Njekawkulege 26:4

Nyan ra’m ke m’ra Jérusalem se basa’m dann girkoje’t le’m nga, Juipge malang geri.

Nyanra Njekawkulege 26:6

Ɗarinè, m’nda loo gangtà’t tede kunde ke m’unde kêm’m dè ndukunn ke Nube unn ade kà jéige kété nga.

Nyanra Njekawkulege 28:22

Nè maje ngain le kade i kuwe ɔrgir tà nè nga se tài ade j’oo. Oiyo, tà ke ɔje dè Jésu, doo nyan le doo nè nga ɓaa, jè ger titeke dooge utei nin mbeng se loo malang.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

Nyanra Njekawkulege 5:30

Jésu ke sei adi dé ɓer’n kàde kage’t dé tɔl’n nga, Nube le kà jéige ade unde loo tee dann njé ke koo’t kɔke.

Nyanra Njekawkulege 7:32

«E man Nube le kài Abraham, Isaac, se Jacob.» Loo ke Moise oo tà nè nga bè ɓaa, ɓel ndebe nginn-nginn ade ngur tel ter loo ke tu nyan’t nè ra’n lé ta.

Nyanra Njekawkulege 9:2

deje’n magtubge tede kaw’n kêm kei kebe nange’t kêm ɓee-bò ke Damas. Saul ra titeke bè tede kade ke nè á inge dingemge éké dinyege ke nange ke unni rebe le Kuwe-ɓee Jésu ɓaa, ayé tuwe de, tɔ de ree se de kêm ɓee-bò ke Jérusalem.

Nje Ke Rome 1:9

Tede Nube ke m’ndi m’ra kule m’ade’n se ngarankêm’m bere mbak loo kile mber Tà ke Maje’t le Ngonn’n nga, ger titeke m’tam ngarankum tà. Loo ke m’ɔje tà se Nube ɓaa, m’ɓar ri si se ndɔge malang nonn’t.

Nje Ke Rome 3:21

Nè ɗarinè Nube tɔje jèi rebe ke è ɔr’n tà dè dooge’t. E ɔr tà dè de’t nal kade dé ra nyan ke gute-ndu ɔje. Magtub gute-ndu le Moise se le njéribe-dè-tàge ke tà Nube’t tami tà nè nga bè tɔ:

1 Nje Ke Corinthe 11:19

Tà tin nan ke tò dann si’t nga, è nyan ke maje tede kade jè geri ngarankum ngann le Nube ke ndai njáng dè Tà ke Maje’t nga.

Nje Ke Galatie 5:20

Polé mage, ra nan se kuge, kɔr nan njêt, ra jang se nan, kɔl nan, ra kem̂kein, ra wong, ra nan tà, tà tin nan, kai nan, kɔr kum nan.

2 Timothee 1:3

Nube ke m’ndi m’ra kule m’ade’n titeke ndɔ ke kàmge rai se go tàgir ke unju nyang-nyang nga, m’ra’n oiyo ngain. M’ebe ra’m dè kɔje tà se Nube tede lei lé. M’ade kem̂’m olé dèi’t ndɔ a, kada a tɔ.

Tite 3:10

Tà ndóge nè nga, doo ke tɔr dann ke nange um kɔke ade njétaakem̂-Kristge tin-in nan nga, ute’n mbeng dann njékebe nange’t le Nube. Nè kété ɓita kade ute’n mbeng ɓaa, maje kade in se’n ase nja karé éké joo pa ɓita.

1 Pierre 1:11

Ndil Krist ndi kem̂ de’t ede tà nyankem̂konge ke ayé ra Krist se ndubra ke ayé kutu go nyankem̂kon nè nga kade ooi. Dé ter loo le ger ké ndɔ ke ra á nyan nè nga à tee wa? Njéribe-dè-tàge ke tà Nube’t teri loo le geri ké nyan nè nga à tee titeke bain wa?

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.