Nyanra Njekawkulege 23:9 - Nouveau Testament en Gulay 2004

⁹ Dé kɔl nan heyei. Njékɔrgir gute-ndu ke nange ke ei dann Pharisienge ɔsi nang in-in naji tà nè nga utei mbeng-mbeng edi nè: – Doo nè nga, jè j’an majelé karé ke è ra lé. Bainléa è ndil éké è doo ke danrán karé á ede’n tà, jè ger lé.

Nyanra Njekawkulege 23:9 ပူးပေါင်းရင်းမြစ်များ

Marc 2:16

Njékɔrgir gute-nduge le Pharisienge ke nange géa ndii tutu tɔ. Loo ke an-in dooge ke d’an de ke njé ra majelége a, se njétaa tirge a tɔ, tà nyankuse’t se Jésu ɓaa, ei deji njékuwe-girnge edi nè: – Ké bain á n’gang keng ke dann dooge’t nè nga n’use se de nyan wa?

Tà ke Maje ke Luc ndang 23:22

Pilate deje de ke njèkon’t mute ede nè: – Ké ri á è majelé ke doo nè ra wa? Man m’an nyan karé ke ase kade inge’n yo weii’n lé. M’a m’ade d’a d’ɔje’n kumkunju se ndêin ɓita m’a m’ade d’inye’n dɔ ɓai.

Tà ke Maje ke Luc ndang 23:4

Ngar Pilate ede maw njékuje nyan-mesege se dooge ke kebi nan ede nè: – Doo nè nga man m’an tà karé bè ke uwe dè’n lé.

Tà ke Maje ke Luc ndang 5:30

Pharisienge se njékɔrgir gute-nduge le de murin tà a, deji njékuwe-gir-Jésuge edi nè: – Ké bain usei se an-in nyan nan’t se njétaa tirge a, se dooge ke njé ra majelége a tɔ wa?

Jean 12:29

Doobulege ke ndai loon’t nè ooi ɓaa, njé ke nange tami edi nè: – E ndi á ndang. Njé ke rang tami edi nè: – E doo ke danrán á ɔje seyé tà.

Nyanra Njekawkulege 11:17

Dooge nè nga, Nube uwe se de noje titeke ndɔ ke uwe’n se jéi noje, jèi ke j’undei kêm jéi dè Kuwe-ɓee Jésu-Krist’t nga tɔ. A ɓaa, ké man m’ee nan á m’ase kɔge Nube dè kuwe se de noje’t wa?

Nyanra Njekawkulege 22:6

M’aw sár m’unde dè ɓee-bò ke Damas ngɔr. Kàde nda dann ɓee. Nyan ndogó in danran ndogó gan dè’m wàk.

Nyanra Njekawkulege 22:7

Ke loon’t nè kuwe, m’gudu nang bɔlɔk, m’oo ndu Jésu ɓar’m ede nè: «Saul, Saul, ké bain á ɔr’m kororoi bè wa?» M’tel m’deje’n m’ede nè:

Nyanra Njekawkulege 23:29

Man m’an titeke Juipge ilei tà dènn’t ɔje dè gute-ndu le de ei kuwe. Nè man ɓaa, m’an majelé karé bè ke ra ke kum tɔl’n éké kuwe’n dangai lé.

Nyanra Njekawkulege 23:8

Saddusienge ɓaa tami edi nè: dooge à undei loo teei dann njé ke koo’t ndan lé a, dooge ke danran éké ndilge géa gotoi a tɔ. Nè Pharisienge ɓaa umi kêm de dè’t mbak.

Nyanra Njekawkulege 25:25

Man ɓaa, m’an nyan karé bè ke ndête kade wei’n lé. Nè titeke è kuwe deje le kade ngar Auguste César tá gangtà le’n ɓaa, man m’ɔje le kule se’n kade’n kuwe tɔ.

Nyanra Njekawkulege 26:31

Loo ke ei ɔri ra de ndai gai ɓá ɓaa, ei edi nan edi nè: – Doo nè nga, ra nyan karé ke ndête kade wei’n éké ndête kile’n dangai’t lé.

Nyanra Njekawkulege 27:23

Nube ke m’ɗɔi’n nga ule doo le’n ke danrán ade ree ram’t ndɔɔ laa ede’m ede nè:

Nyanra Njekawkulege 5:39

Nè ke nè á nyan ke ɔji le rai éké ke ndii à rai nè nga in ra Nube’t ɓaa, sei asikum tuju’n ndan lé. An-in! maje nè a kin-in kilei kate kum Nube’t. Njégangtàge malang taai tà le Gamaliel.

Nyanra Njekawkulege 9:4

E gudu nang bɔlɔk ɓaa, è oo ndu doo ɓar’n deje’n ede nè: – Saul, Saul, ké bain á ɔr’m kororoi bè wa?

1 Nje Ke Corinthe 10:22

Ké j’à gunde Kuwe-ɓee nan’t bè tá kade jang ra’n wa? Ké tɔg jéi ase kile kate kum Kuwe-ɓee Nube’t wa?