Nyanra Njekawkulege 23:6 - Nouveau Testament en Gulay 2004

⁶ Paul ger mbak titeke njégangtàge nga, njé ke nange ei Saddusienge a, njé ke nange ei Pharisienge a tɔ. Gir’n ke nè á è tam’n tà se ndu’n ke bòi beng non de’t ede nè: – Ngakonmge, man m’ee Pharisien, ngonn koje Pharisien. Ɓila m’nda non njégangtàge’t. E tede tà ke rang lé, nè è tede kunde ke m’unde kêm tchên titeke dooge ke weii à undei loo teei dann njé ke koo’t.

Nyanra Njekawkulege 23:6 ပူးပေါင်းရင်းမြစ်များ

Matthieu 10:16

An-in! man m’ule sei titeke doo ule’n batege dann bise-kɔrge’t bè. Undei kumkunju dè ra si’t asenan se lige bè a, adi kêm si nda káng-káng tite der-ndage bè a tɔ.

Matthieu 22:23

Kêm ndɔn’t nè nga Saddusienge ke njé tam kede nè: dooge à undei loo teei koo ndan lé nga reei ra Jésu’t. Ei deji nin tà karé edi nè:

Matthieu 3:7

Loo ke Jean an Pharisienge se Saddusienge bule reei rann’t le kade ule de manné njonm ɓaa, è tam se de ede nè: – Sei ke i tooi asinan se li jênênnge, ké nan tɔje sei rebe kan-in wong le Nube ke ndi à ree nga wa?

Nyanra Njekawkulege 22:3

– Man m’ee Juip. D’oje’m kêm ɓee-bò ke Tarse, ɓeekon ke Cilicie, nè koto á d’oto’m kêm ɓee-bò ke Jérusalem nè. M’ndó nyan ra Gamaliel’t ade m’ger’n loo kan dè gute-ndu le kà jéige sêw-sêw. Ra’m olé pêl-pêl dè nyan’t le Nube tite si sei malang ɗarinè tɔ.

Nyanra Njekawkulege 22:30

Njèkan dè njérɔge ke aru dɔg ndige le ger nyan ke gete ke Juipge ilei tà dè Paul’t. Gir’n ke nè á barè lookar’n ɓaa, è ade dé tutu sul ke rann’t ke dé tɔɔ’n kɔke. Taɓai è unn ndu’n ade maw njékuje nyan-mesege se njégangtàge le Juipge malang kebi nan. Go’t gugu, è ade dé ree se Paul d’unde’n nang non de’t.

Nyanra Njekawkulege 22:5

Maw njèkuje nyan-mese se ngatɔgege malang d’an nyange ke ndɔ ke m’ra kété nga se kum de. Ei asikum kedi sei tà’n. E dé kuwe á ndɔ ke m’taa magtub ji de’t m’aw’n ra ngakon jéige ke kêm ɓee-bò ke Damas. M’aw le tuwe njétaakêm-Kristge ke ndii nú le tɔ de se sul ree se de Jérusalem kade kure nyan ra de ɔde kum de.

Nyanra Njekawkulege 23:1

Paul an kum njégangtàge le Juipge sêw-sêw ɓaa, è ede nè: – Ngakonmge, man m’njiye non Nube’t se tàgir ke maje ɔr njêt sár tee ɓila.

Nyanra Njekawkulege 23:15

Maje kade sei se njégangtàge umi tà le si nan’t ɓaa, i deji njèkan dè njérɔge ke aru dɔg le kade ade dé ree se Paul non si’t. I rai gos titeke a i nderi gir tà le’n rang le ger njai. Jè ɓaa, j’ade ndi dè nja jé’t tchên le tɔl’n se rebe.

Nyanra Njekawkulege 23:20

Basa nè nga tam ede nè: – Juipge umi tà le de nan’t le deji nin kade barè i ree se Paul non njégangtàge’t. A rai gos titeke ayé nderi gir tà le’n rang le geri njai.

Nyanra Njekawkulege 23:7

Loo ke Paul tam tà nè nga bè ɓaa, tà naje in dann Pharisienge se Saddusienge ke kebi nan nè nga ade kayai nan danné loo joo.

Nyanra Njekawkulege 24:15

Nube à ade njé ra nyan se dè najennge se njé ra nyan majelége à undei loo teei dann njé ke koo’t gar-gar. M’um kêm’m dè tà’t nè nga bɔk-bɔk. Dé njé sêkemge nè nga, d’um kêm de dè tà’t nè tɔ.

Nyanra Njekawkulege 24:21

Kêm ndɔ’n nè nga, nyan karé luk-luk ke m’ra ɓaa, è tà ke m’in m’nda’n dɔ dann de’t m’tam se ndu’m ke bòi beng m’ede nè: «E tede tà ke ɔje dè kunde loo tee dann njé ke koo’t á ɓila m’nda’n loo gangtà’t non si’t.»

Nyanra Njekawkulege 28:20

Gir’n ke nè á m’ɓar’n sei le kan’n sei a, le kede’n sei tà’n a tɔ. E tede nyan ke kosdooge ke Israel undei kêm de tchên ke dè’t á ɓila m’nda’n se sulge jim’t yew-yew.

Nje Ke Philippes 3:5

D’oje’m m’ra ndɔ sɔsɔ ɓaa, d’uje tà mɔte’m. Man m’ee girkoje Israel ke kon’m ɓéee, man m’ee girkà le Benjamin. Man m’ee Hébreu ke koje kei se go gute-ndu le Pharisien.

Nje Ke Colosses 1:5

Sei undei kem̂ si tchên dè nyan ke Nube uwe nja tede le si kem̂ ɓeekon ke danrán. Mber ngarankum Tà ke Maje ke ndɔ ke d’ile d’ade sei nga á è gir kundekem̂ tchên le si kuwe.

Hebreuge 6:19

Kundekem̂ tchên nè nga tò asenan se nar nyan dɔɔ bato nang ke ngiring ngiring-ngiring ke jè tɔi ra jéi’t. Kundekem̂ tchên nè nga aw sár al gide kubu gang gile loo ke tò se ninn’n.