Nyanra Njekawkulege 23:11 - Nouveau Testament en Gulay 2004

¹¹ Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nyanra Njekawkulege 23:11 ပူးပေါင်းရင်းမြစ်များ

Matthieu 14:27

Ke loon’t né kuwe, Jésu ede de ede ne: – I ndai kêm si káng, i ɓeli lé è man kuwe.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Matthieu 9:2

An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Tà ke Maje ke Luc ndang 16:28

Ngakonmge ke ndêin mi ndii tutu ɓai. Ade aw ede de kade turi hal de nè bainléa à reei ndii dann loo nyantosowur’t titeke man m’ndii’n danné nè bè tɔ.»

Jean 14:18

M’a m’inye sei se kar si tite ngann halge lé, nè m’a m’tel ree ra si’t ɓai.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Nyanra Njekawkulege 18:9

Ndɔ karé bè, Kuwe-ɓee ede Paul dann ndɔɔ se nyanpinde ede nè: – I tam tà kumi ke kété-kété m i ɓel lé!

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 2:25

Gir’n ke nè á, ndɔ ke David tam tà ɔje’n dè’n ede nè: «M’an Kuwe-ɓee nda nonm’t se ndɔge malang, è nda dè jikonm’t tede kade nyan karé géa à yei’m lé.

Nyanra Njekawkulege 20:22

An-in! m’ee dangai le Ndil-Kêmnda. Gar-gar m’a m’aw loo ke è ndige kɔr non’m kaw se’m tutu. Gir’n ke nè á ɗarinè m’ndi m’aw’n ke Jérusalem nal ger nyan ke à tee dèm’t tutu.

Nyanra Njekawkulege 22:15

Gar-gar a i njèkɔrgo tà le’n. Nyan ke an se kumi a, oo tà’n se mbi a tɔ nga, ɔrgir ade dooge malang.

Nyanra Njekawkulege 22:18

«I tee kalang kêm ɓee-bò ke Jérusalem kɔke. Dookêmɓeege à taai tà le’m ke a ede de nga lé.»

1 Nje Ke Corinthe 9:1

Ké m’di dè’m pal le ra nyan ke kêm’m ndige lé wa? Ké man nga m’ee njèkawkule lé wa? Jésu Kuwe-ɓee le jéi nga, ké ndɔ ke m’an’n se kum’m lé wa? Ké sei sei kann kule ke m’ra m’ade Krist nga lé ɓai wa?

Nje Ke Philippes 1:13

Njé ke kem̂ kei le ngar ke bò se dooge ke rang malang nga, doo karé ke nal ger titeke è tede tà le Krist á m’ndii’n se sulge jim’t nè nga goto.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.