Nyanra Njekawkulege 22:5 - Nouveau Testament en Gulay 2004

⁵ Maw njèkuje nyan-mese se ngatɔgege malang d’an nyange ke ndɔ ke m’ra kété nga se kum de. Ei asikum kedi sei tà’n. E dé kuwe á ndɔ ke m’taa magtub ji de’t m’aw’n ra ngakon jéige ke kêm ɓee-bò ke Damas. M’aw le tuwe njétaakêm-Kristge ke ndii nú le tɔ de se sul ree se de Jérusalem kade kure nyan ra de ɔde kum de.

Nyanra Njekawkulege 22:5 ပူးပေါင်းရင်းမြစ်များ

Tà ke Maje ke Luc ndang 22:66

Loo ke loo ar yerer ɓá ɓaa, dooge ke kum de unju dann Juipge se maw njékuje nyan-mesege se njékɔrgir gute-nduge ɔsi nja nan nam-nam. Ei adi dé ree se Jésu non de’t loo gangtà’t.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 13:26

– Ngakonmge ke girkà’t le Abraham, sei ke sei Juipge lé ke i ɓeli Nube, ooi maje: Tà kaje nè nga Nube ule’n ade jèi malang.

Nyanra Njekawkulege 2:29

Pierre tel tam ede nè: – Ngakonmge se kon nannemge, adi m’ede sei tà ke ɔje dè njèyo kà jéi David nga ndàt m’ade ooi. E wei ade ndɔ ke dé dubu’n. Dè ɓade’n tò dann jéi’t laa sár tee kêm ndɔ ke ɓila ɓai.

Nyanra Njekawkulege 22:1

– Ngakonmge se bɔmge, uri mbi si ooi tà le’m ke m’a m’tam dè ram’t ɗarinè nga.

Nyanra Njekawkulege 23:1

Paul an kum njégangtàge le Juipge sêw-sêw ɓaa, è ede nè: – Ngakonmge, man m’njiye non Nube’t se tàgir ke maje ɔr njêt sár tee ɓila.

Nyanra Njekawkulege 23:6

Paul ger mbak titeke njégangtàge nga, njé ke nange ei Saddusienge a, njé ke nange ei Pharisienge a tɔ. Gir’n ke nè á è tam’n tà se ndu’n ke bòi beng non de’t ede nè: – Ngakonmge, man m’ee Pharisien, ngonn koje Pharisien. Ɓila m’nda non njégangtàge’t. E tede tà ke rang lé, nè è tede kunde ke m’unde kêm tchên titeke dooge ke weii à undei loo teei dann njé ke koo’t.

Nyanra Njekawkulege 26:10

E ke nè á è nyanra’m ke ndɔ ke m’ra Jérusalem. E maw njékuje nyan-mesege kuwe á unni ndu de adi man. Titeke bè á ndɔ ke man kuwe m’tuwe njétaakêm-Kristge ngain m’um de dangai’t se loo-loo. Loo ke ndɔ ke d’ade tɔl de géa, m’um se de nan’t bɔk a tɔ.

Nyanra Njekawkulege 26:11

Nja bule, m’aw se kêm kei kebe nange karé-karé malang, m’ra se de nyan ke tur. Taɓai m’unde tɔge dè de’t le kade d’inye go ri Jésu. Wong ra’m dè de’t ngain gée ade m’ɔr de kororoi sár m’tee se de heb se dè ɓee, dè ɓee.

Nyanra Njekawkulege 26:12

Titeke bè á, ndɔ karé bè kàde nda dann ɓee. M’ndi m’a m’aw ke kêm ɓee-bò ke Damas. E maw njékuje nyan-mesege kuwe á unni ndu de adi m’aw m’ra’n kule.

Nyanra Njekawkulege 28:17

Ndɔ ke njèkon’t mute, Paul ule kule ɓar njékɔr non Juipge le kade reei ingei nin. Loo ke ei ɔsi nja nan reei ingei nin ɓá ɓaa, è ede de ede nè: – Ngakonmge, m’ra nyan karé bè m’ute’n kosdooge éké nyangirkà le kà jéige mbeng lé. Nè né è bè géa, d’uwe’m d’ile’m dangai’t Jérusalem nú sár ɗarinè d’ule’m ji dooge ke Rome nè ta.

Nyanra Njekawkulege 28:21

Juipge ilei Paul dè’t edi nè: – Jè ɓaa, j’inge magtub karé ke in Judée ɔje dèi lé. Taɓai ngokon jé karé ke in nú ree ɔr ser nyanrai ke maje éké ke majelé ade j’oo lé a tɔ.

Nyanra Njekawkulege 3:17

Ngakonmge, man m’ger mbak titeke nyan ke sei se ngar-ɓeege le si i rai ɗarinè nga, i rai dè mbe’t karè.

Nyanra Njekawkulege 4:5

Barè lookar’n, njékɔr non Juipge se ngatɔgege se njékɔrgir gute-nduge kebi nan káng-káng kêm ɓee-bò ke Jérusalem.

Nyanra Njekawkulege 5:21

Loo ke njékawkulege ooi tà ke doo ke danrán ede de nè nga bè ɓaa, ei ɔti awi kêm kei le Nube se ndɔgé ɓat unni gir ndói dooge nyan. Nè maw njèkuje nyan-mese se njé ke ei se’n reei ɔsi nja njégangtàge le Juipge se ngatɔgege le kosdooge ke Israel malang. Go’t gugu ulei kule kei dangai’t adi dé ree se njékawkulege.

Nyanra Njekawkulege 9:14

Maw njékuje nyan-mesege unni ndu de adii le kade tuwe dooge malang ke ɓari rii le tɔ de. E ke nè á è gir ree le’n.

Nje Ke Galatie 1:13

Sei ooi ser nyanra’m se pa njiye’m kété ke m’nain’n dann girkàge’t le Juipge ɓai nga mbak. Njékebe nange le Nube nga ndɔ ke m’ɔr de kororoi m’ade al dè loo’n a, m’sanrin de sakte-sakte a tɔ.

Nje Ke Philippes 3:6

Ra’m ɔlé pêl-pêl dè kɔr njékebe nange le Nube kororoi. Nyanra ke se dè naje’n ke gute-ndu ɔje nga, doo karé bè asekum kile’n tà dèm’t lé sár.

1 Timothee 4:14

Nyan-noje ke Ndil-Kem̂nda uwe’n sei noje nga i tɔse kumi dè’t maje. Nyan-noje nè nga ndɔ ke inge se go tà ke in tà Nube’t loo ke ndɔ ke ngatɔgege kebi nan ilei ji de dèi’t.