Nyanra Njekawkulege 22:3 - Nouveau Testament en Gulay 2004

³ – Man m’ee Juip. D’oje’m kêm ɓee-bò ke Tarse, ɓeekon ke Cilicie, nè koto á d’oto’m kêm ɓee-bò ke Jérusalem nè. M’ndó nyan ra Gamaliel’t ade m’ger’n loo kan dè gute-ndu le kà jéige sêw-sêw. Ra’m olé pêl-pêl dè nyan’t le Nube tite si sei malang ɗarinè tɔ.

Nyanra Njekawkulege 22:3 ပူးပေါင်းရင်းမြစ်များ

Tà ke Maje ke Luc ndang 10:39

Marthe aw se ngokon’n ke dinye ke girn’t ri’n nè Marie. Marie ndi nang nja Kuwe-ɓee’t ur mbi’n oo’n tà le’n.

Tà ke Maje ke Luc ndang 2:46

Ndɔ ke njèkon’t mute ɓita d’inge’n kêm kei le Nube. Jésu ndi dann njékɔrgir gute-nduge ur mbi’n oo tà ndó le de a, tel deje de tà dè’t a tɔ.

Tà ke Maje ke Luc ndang 8:35

Dooge malang ke tà nè oso mbi de’t nga teei som-som le kawi kan-in nyan ke tee nè nga se kum de. Loo ke dé tee ra Jésu’t ɓaa, d’inge dingem ke ndilge ke majelé undei loo teei kêmn’t nga. Dè’n tel tò maje ade tule kubuge rann’t ndii’n nang ngêrêng nja Jésu’t. Ɓel unde dooge ndàt gang de.

Nyanra Njekawkulege 11:25

Go’t gugu, Barnabas in aw kêm ɓee-bò ke Tarse le sang Saul.

Nyanra Njekawkulege 15:23

Dé ndang magtub d’ade de ji de’t se tàge ke nè d’ede nè: «Jè njékawkulege se ngatɔgege a, se njétaakêm-Kristge a tɔ, jè ndang magtub nè j’ade sei njétaakêm-Kristge ke sei Juipge lé ke i ndii kêm ɓee-bò ke Antioche, ɓeekon ke Syrie se Cilicie. Jè ner sei.

Nyanra Njekawkulege 15:41

E aw se loo-loo kêm ɓeekonge ke Syrie se Cilicie ule dingem kêm njékebe nange’t le Nube.

Nyanra Njekawkulege 21:20

Loo ke ngatɔgege ooi tàge nè nga bè ɓaa, ei ulei ndubra dè Nube’t, taɓai edi Paul edi nè: – Ngokon jé an! Juipge aru dɔg loo bule teli ei njétaakêm-Kristge. Nè né è bè géa, ei malang uwei gute-ndu ji de joo.

Nyanra Njekawkulege 21:39

Paul tam ede nè: – Man m’ee Juip ke ɓee-bò ke Tarse, ɓeekon ke Cilicie. Man nga m’ee doo ke kêm ɓee-bò ke ri’n ɓar ngain. Kɔkerɔ karè, inye loo ade m’ede kosdooge tà.

Nyanra Njekawkulege 23:34

Loo ke njèkonɓee tute magtub nè ɓá ɓaa, è deje Paul ede nè: – Ké i nga i doo ke ɓeekon ke ra wa? Paul ilé dè’t ede nè: – Man doo ke beekon ke Cilicie.

Nyanra Njekawkulege 23:6

Paul ger mbak titeke njégangtàge nga, njé ke nange ei Saddusienge a, njé ke nange ei Pharisienge a tɔ. Gir’n ke nè á è tam’n tà se ndu’n ke bòi beng non de’t ede nè: – Ngakonmge, man m’ee Pharisien, ngonn koje Pharisien. Ɓila m’nda non njégangtàge’t. E tede tà ke rang lé, nè è tede kunde ke m’unde kêm tchên titeke dooge ke weii à undei loo teei dann njé ke koo’t.

Nyanra Njekawkulege 26:5

Man m’ee Pharisien ke njè ra ngang dum ɔje dè rebe manm Nube le jé jèi. Ke nè á Juipge ndigi ɓaa à edi nin titeke è kum kuwe, tede geri man mari bere.

Nyanra Njekawkulege 26:9

Kerɔte kuwe, man nga kété m’gir kêm’t le tuju ri Jésu ke Nazareth nè nga gar-gar kɔke.

Nyanra Njekawkulege 5:34

Nè Pharisien karé bè è njèndó dooge gute-ndu, ri’n nè Gamaliel. E doo ke kosdooge malang ilei koje dènn’t. E ɔse nang in dɔ dann njégangtàge’t. E unn ndun’n le kade d’ade njékawkulege undei loo teei nata ndêin ɓita.

Nyanra Njekawkulege 6:9

Kêm ndɔn’t nè nga, Juipge ke nange ke kêm ɓee-bò ke Cyrène, Alexandrie se njé ke kêm ɓeekon ke Cilicie a, se Asie a tɔ reei kêm kei kebe nan’t . Kei kebe nan nè nga d’ede nè è kei kebe nan le ɓerge ke teli ndii dè de pal. Juipge nè nga malang in-in naji tà se Etienne.

Nyanra Njekawkulege 9:1

Njékuwe-gir Kuwe-ɓeege nga, Saul ebe ra’n dè ra de kade ra de tur de’t lé ɓai a, è aw kum’n ke kété-kété dè tɔl de’t a tɔ. E an-in hant aw ra maw njèkuje nyan-mese’t,

Nyanra Njekawkulege 9:11

Kuwe-ɓee tel ede Ananias ede nè: – In dɔ, ɔte ɗarinè aw dann rebe ke dé ɓar’n Rebe ke danné sêw. Aw kêm kei le Judas i deje’n dingem karé ke ri’n nè Saul. Doo nè nga ɓee koje’n è Tarse. An! doo nè nga ndi à ɔje tà se Nube ɗarinè.

Nyanra Njekawkulege 9:30

Nè loo ke njétaakêm-Kristge ooi tà nè bè ɓaa, ei ɔri non Saul awi se’n kêm ɓee-bò ke Césarée adi tel aw ɓee le’n Tarse.

Nje Ke Rome 11:1

A ɓaa, ké m’a tam kede nè: Ndɔ ke Nube mbate kosdooge le’n njing wa? Ḿ-m̀, è bè lé! Man Paul géa m’ee gir ɓee ke Israel a, m’ee ke girkà’t le Abraham a, m’ee girkoje’t le Benjamin a tɔ.

2 Nje Ke Corinthe 11:22

Dooge nè nga, ke nè á ei Hébreuge ɓaa, man géa m’ee Hébreu tite de bè tɔ. Ke nè á dooge nè ei Israel ɓaa, man géa m’ee Israel tɔ. Ke nè á ei ngannkà Abraham ɓaa, man géa m’ee ngonnkà Abraham tite de bè tɔ.

Nje Ke Galatie 1:14

M’aw kum’m ke kété-kété dè nyangirkàge’t le Juipge m’dum njé dèkasenange le’m bule ke girkoje’t. Ra’m ɔlé pêl-pêl dè nyangirkàge’t le kàmge dum njé dèkasenange le’m malang.

Nje Ke Galatie 1:21

Go’t gugu, m’in m’aw kem̂ ɓeege’t le ɓeekon ke Syrie se ɓeekon ke Cilicie.