Nyanra Njekawkulege 22:25 - Nouveau Testament en Gulay 2004

²⁵ Nè loo ke dé tɔ Paul d’ile’n nang le kunde’n ɓaa, è deje njèkan dè njérɔge ke aru karé ke nda à ra kule kêm ndɔn’t nè ede nè: – Doo ke è ngonn ɓee ke Rome ke dé gangtà dènn’t lé ɓai nga, ké d’unn ndu de kade undei nin se ndêin maru wa?

Nyanra Njekawkulege 22:25 ပူးပေါင်းရင်းမြစ်များ

Matthieu 10:17

I ndai kêm si se dooge lé, tede à ulei sei ji njégangtàge’t a, à tundei sei se ndêin maru kêm kei kebe nange’t a tɔ.

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 8:8

Njèkan dè njérɔge ke aru karé nè nga tel ile Jésu dè’t ede nè: – Kuwe-ɓee, i i doo ke bò. Man m’ase kade ile njai kêm kei le’m lé. Né i tam tà karé kuwe ɓaa, ratur à ɔr dè ngonn njèndi’t le’m nè nga karè.

Nyanra Njekawkulege 10:1

Dingem karé bè ndi kêm ɓee-bò ke Césarée, ri’n nè Corneille. E njèkan dè njérɔge ke aru karé. Njérɔge nè nga ei njérɔge le ɓeekon ke Italie.

Nyanra Njekawkulege 16:37

Nè Paul ede njékan dè njérɔge ke d’ule de ede nè: – Jè nga, jè dooge ke ɓeekon ke Rome, nè d’ade i tundei jè i gangi ra jé dàp-dàp se ndêin maru tàkum dooge’t malang anje gangtà dè jé’t. Taɓai d’unn ndu de d’ade umi jè dangai’t. A ɓaa, ké bain á ɗarinè dé ndige kinye jé dɔ se go ngein wa? Ḿ-m̀ è bè lé! Maje kade dé kuwe dé ree se ra de d’inye jè dɔ gar-gar.

Nyanra Njekawkulege 22:26

Loo ke njèkan dè njérɔge ke aru karé oo tà nè bè ɓaa, è tel aw ra njèkan dè njérɔge ke aru dɔg ede’n ede nè: – Ké a i ra ri se rai ta wa? Doo nè nga è ngonn ɓee ke Rome.

Nyanra Njekawkulege 23:17

Paul ɓar njèkan dè njérɔge ke aru karé ede’n ede nè: – Ngonn ke basa nè nga aw se tà karé le kede njèkan dè njérɔge ke aru dɔg. Aw se’n rann’t.

Nyanra Njekawkulege 23:27

Doo nè ke man m’ule’n m’adi se’n nga, Juipge in-in se dè de uwei nin le tɔli nin. Nè loo ke m’oo tà’n kété titeke è ngonn koje ɓee ke Rome ɓaa, m’ɔi njérɔge le’m dèm’t m’tee’n pan, m’uwe’n wont m’ɔr’n ji de’t.

Nyanra Njekawkulege 25:16

M’tel m’ile de dè’t m’ede nè: Kile doo dangai’t nal kade tam tà dè rann’t tàkum njé sêkennge’t nga, è kule ra girkoje dooge ke Rome lé sár.

Nyanra Njekawkulege 27:1

D’ɔje njáng le kade d’aw se jé kêm ɓeekon ke Italie se bato. D’um Paul se dangaige ke nange ke rang ji njèkan dè njérɔge ke aru karé ke ri’n nè Julius. E njèkan dè njérɔge le César Auguste.

Nyanra Njekawkulege 27:3

Barè lookar’n, jè nda nang kêm ɓee-bò ke Sidon. Julius ra kêm-maje se Paul; è inye’n ade aw ra njétaakêm-Krist madennge’t kade rai se’n dè nyange ke aw ndoo de.

Nyanra Njekawkulege 27:43

Nè Julius, njèkan dè njérɔge ke aru karé ɔje kêm’n le kaje Paul. E ɔge de dè nyan ke d’ɔje le ra. E unn ndu’n ade njé ke geri kalèi mann le kade alèi mann teei nata kété.