Nyanra Njekawkulege 22:16 - Nouveau Testament en Gulay 2004

¹⁶ Ɗarinè ké a i ngine ri ɓai wa? Ɔse nang in dɔ ade d’ulei manné njonm se ri’n ɓaa a inge kêm tin mbit dè kaiyage’t lei.»

Nyanra Njekawkulege 22:16 ပူးပေါင်းရင်းမြစ်များ

Jean 13:8

Pierre ede Jésu ede nè: – Ḿ-m̀, i a i togo nja’m ndan lé. Jésu ede Pierre ede nè: – Ke nè á m’togo njai lé ɓaa, tà bande le jé jè sei à gang nan’t lé njing ta.

Nyanra Njekawkulege 2:21

Nanan ke ɓar ri Kuwe-ɓee kêm ndɔn’t nè ɓaa, d’a d’aje’n.» Pierre tel tam ede nè:

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 7:59

Loo ke d’ade tile Etienne se kuberi her le tɔl’n ɓaa, è non ɓar Kuwe-ɓee ede nè: – Kɔkrɔ karè, Kuwe-ɓee Jésu, i taa ndil’m ke rai’t.

Nyanra Njekawkulege 9:14

Maw njékuje nyan-mesege unni ndu de adii le kade tuwe dooge malang ke ɓari rii le tɔ de. E ke nè á è gir ree le’n.

Nyanra Njekawkulege 9:18

Ke loon’t nè kuwe, ginde nyan tee kum Saul’t toso nang tite ngɔ nyan bè ade tel an loo njai-njai. E ɔse nang in dɔ ade d’ule’n manné njonm ke loon’t nè.

1 Nje Ke Corinthe 1:2

jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.

1 Nje Ke Corinthe 12:13

Oiyo, né Juipge se njé ke ei Juipge lé, né ee’n ɓerge éké njé ndi dè palge géa, ndɔ ke d’ule jéi manné njonm d’ade j’umi nan’t bɔk se Ndil-Kêmnda ke karé nè kuwe. Jèi malang jè teli jèi danra ke karé bere ke j’an-in mann ke an-in kutch-kutch ke in ra Ndil-Kêmnda’t.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Galatie 3:27

Sei malang d’ulei sei manné njonm se ri Krist nga, sei teli taai nan se Krist.

Nje Ke Ephese 5:26

Krist ndogo mann njékebe nange le Nube tchák-tchák. E ɔr se-kaiyage le de se go ngarankum tà le’n, unde de se ninn’n ade ei le Nube kuwe ɗarinè.

Tite 3:5

Nube aje jèi tede nyanra jé ke se dè naje’n ke ndɔ ke jè ra nga lé. Nè è aje jè se go kem̂kanm le’n. E tel jè ke dooge ke koje kige se koje ke Ndil-Kem̂nda tel oje jè rang.

Hebreuge 10:22

Bè ɓaa, j’agi ngɔr ke ra Nube’t se kem̂nda káng a, se kundekem̂ ke deri tede Jésu togo se-tàgir ke majelé ke dè ɓengre jéi’t. E togo danra jéi se mann ke unju nyang-nyang ɓá a tɔ.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.