Nyanra Njekawkulege 22:14 - Nouveau Testament en Gulay 2004

¹⁴ Ananias ede’m ede nè: «Nube le kà jéige ɔri kété mari bere le kade i ger nyan ke kêm’n ndige. E ɔri le kade an njèra nyan se dè naje’n karé bere se kumi a, le kade oo tà tànn’t a tɔ.

Nyanra Njekawkulege 22:14 ပူးပေါင်းရင်းမြစ်များ

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Nyanra Njekawkulege 13:17

Nube le kosdooge ke Israel nga, kété ɔr kà jéige. E ade kà jéige oji nan nyanmi-nyanmi loo ke ndɔ ke nain-in ɓee mba’t Egypte. Go’t gugu, è ade undei loo teei kêm ɓeekon ke Egypte se go tɔgmong le’n è kuwe.

Nyanra Njekawkulege 22:15

Gar-gar a i njèkɔrgo tà le’n. Nyan ke an se kumi a, oo tà’n se mbi a tɔ nga, ɔrgir ade dooge malang.

Nyanra Njekawkulege 22:18

«I tee kalang kêm ɓee-bò ke Jérusalem kɔke. Dookêmɓeege à taai tà le’m ke a ede de nga lé.»

Nyanra Njekawkulege 24:14

Nè né è bè géa, nyan karé ke m’ger á tò nè: M’ra kule m’ade Nube le kà jéige. E tede kum ke ɓila m’um nan’t bɔk se Jésu nè á dé ngakonm Juipge d’ute’m mbeng. Tàge malang ke kêm magtub gute-ndu’t se tàge ke njéribe-dè-tàge ke tà Nube’t ndangi nga, m’um kêm’m dè’t kuwe.

Nyanra Njekawkulege 26:16

Nè ɔse nang in dɔ, i nda dè njai’t. An! gir nyan ke m’tee’n dèi’t pan nga: man m’ɔri ke ngonn njèndi le’m a, ke njèkile mber ɔje dè nyange ke ɓila an se kumi. A i njèkile mber ɔje dè nyange ke ndɔ ke rang m’a m’tɔji ɓai a tɔ.

Nyanra Njekawkulege 5:30

Jésu ke sei adi dé ɓer’n kàde kage’t dé tɔl’n nga, Nube le kà jéige ade unde loo tee dann njé ke koo’t kɔke.

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nyanra Njekawkulege 9:17

Ananias in aw kêm kei go Saul’t ɓaa, è unde ji’n dènn’t ede’n ede nè: – Ngokon’m Saul, Kuwe-ɓee Jesu ke kété tee dèi’t pan rebe ke a i ree’n nga ule’m le kade i tel an loo a, le kade Ndil-Kêmnda taa kêmi pel-pel a tɔ.

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

1 Nje Ke Corinthe 11:23

Nyan ke m’ndó sei nga, m’inge ra Kuwe-ɓee’t. Dann ndɔ ke d’a d’ule Kuwe-ɓee Jésu ji dooge’t kade tɔli nin nga, è unn mapa karé uwe jinn’t.

1 Nje Ke Corinthe 15:3

Krist wei ɓá tede majelége le jéi titeke Magtubge ke tooi se ninn de tami nga. E ke nè á è nyan-ndó ke desêin ke m’inge á m’tel’n m’ade sei.

1 Nje Ke Corinthe 15:8

Man ke m’ee tite ngonn ke d’ɔr’n bè dann de’t nga géa, m’an’n m’utu’n go de malang.

1 Nje Ke Corinthe 9:1

Ké m’di dè’m pal le ra nyan ke kêm’m ndige lé wa? Ké man nga m’ee njèkawkule lé wa? Jésu Kuwe-ɓee le jéi nga, ké ndɔ ke m’an’n se kum’m lé wa? Ké sei sei kann kule ke m’ra m’ade Krist nga lé ɓai wa?

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Nje Ke Galatie 1:12

Tà ke Maje nè nga, m’inge ra doo karé’t lé a, doo karé á ndó’m lé a tɔ. Nè Jésu-Krist á ribe dè ade’m.

Nje Ke Galatie 1:15

Nè né è bè géa, Nube ɓar’m unde’m se ninn’n se go kem̂noje le’n loo ke ndɔ ke m’nain’n kem̂ konm’t ɓai.

2 Timothee 1:1

Man Paul njèkawkule le Jésu-Krist se go kem̂ndige le Nube. Man nga Nube um kule kile mber tà ke ɔje dè ndikumgajer ke è unn’n ndu’n kété mari nga. Ndikumgajer nè j’ingei takul kum ke j’umi nan’t bɔk se Jésu-Krist.

Tite 1:1

Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.

1 Pierre 2:22

Loo naje’n goto. Krist nga ndɔ ke ra kaiya karé bè lé a, tà libe kum doo tee tànn’t ndɔ karé bè lé a tɔ.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.