Nyanra Njekawkulege 22:1 - Nouveau Testament en Gulay 2004

¹ – Ngakonmge se bɔmge, uri mbi si ooi tà le’m ke m’a m’tam dè ram’t ɗarinè nga.

Nyanra Njekawkulege 22:1 ပူးပေါင်းရင်းမြစ်များ

Tà ke Maje ke Luc ndang 12:11

Loo ke d’ade kali sei kaw se si gangtà dè si’t kêm kei kebe nange’t éké non ngar ɓeege’t, éké non njékonɓeege’t géa, adi kêm si tò kekek dè gos ke a ɔri tà le taai dè si, éké dè tà ke kum tam’t nga lé a tɔ.

Tà ke Maje ke Luc ndang 21:14

adi kêm si tò kekek dè tà ke sei uwei dè nja kété dè ɓengre si’t le taa’n dè si nga lé.

Nyanra Njekawkulege 13:26

– Ngakonmge ke girkà’t le Abraham, sei ke sei Juipge lé ke i ɓeli Nube, ooi maje: Tà kaje nè nga Nube ule’n ade jèi malang.

Nyanra Njekawkulege 19:33

Juipge ɔsi Alexandre balang-balang ade unde loo tee dann doobulege’t nè nga. Doobulege ileii non de’t kété umi nan goon’t. Alexandre yei ji’n: è ndige tam tà dè rann’t tàkum doobulege’t nè nga.

Nyanra Njekawkulege 23:1

Paul an kum njégangtàge le Juipge sêw-sêw ɓaa, è ede nè: – Ngakonmge, man m’njiye non Nube’t se tàgir ke maje ɔr njêt sár tee ɓila.

Nyanra Njekawkulege 23:6

Paul ger mbak titeke njégangtàge nga, njé ke nange ei Saddusienge a, njé ke nange ei Pharisienge a tɔ. Gir’n ke nè á è tam’n tà se ndu’n ke bòi beng non de’t ede nè: – Ngakonmge, man m’ee Pharisien, ngonn koje Pharisien. Ɓila m’nda non njégangtàge’t. E tede tà ke rang lé, nè è tede kunde ke m’unde kêm tchên titeke dooge ke weii à undei loo teei dann njé ke koo’t.

Nyanra Njekawkulege 24:10

Loo ke Félix, njèkonɓee ute dè’n ɗêi ade Paul kade tam tà ɓaa, Paul ede’n ede nè: – M’ger mbak, ase loge bule i njègangtà le girkoje dooge le jéi nga se dè naje’n. Gir’n ke nè á man m’tam’n tà se kêmnda káng dè ram’t noin’t ɓila.

Nyanra Njekawkulege 25:16

M’tel m’ile de dè’t m’ede nè: Kile doo dangai’t nal kade tam tà dè rann’t tàkum njé sêkennge’t nga, è kule ra girkoje dooge ke Rome lé sár.

Nyanra Njekawkulege 25:8

Paul tam tà dè rann’t ede nè: – Man m’ra nyan karé ke majelé m’al’n tà tà gute-ndu’t le Juipge, éké m’al’n tà tà ngar César’t lé. M’ra nyan karé m’nede’n kei le Nube le jéi nga lé a tɔ.

Nyanra Njekawkulege 26:24

Paul nda à ɔdenan tam tà dè rann’t. Festus ede’n se ndu’n ke bòi ede nè: – Paul, nyanger lei ke ngain ile bile dèi’t.

Nyanra Njekawkulege 28:17

Ndɔ ke njèkon’t mute, Paul ule kule ɓar njékɔr non Juipge le kade reei ingei nin. Loo ke ei ɔsi nja nan reei ingei nin ɓá ɓaa, è ede de ede nè: – Ngakonmge, m’ra nyan karé bè m’ute’n kosdooge éké nyangirkà le kà jéige mbeng lé. Nè né è bè géa, d’uwe’m d’ile’m dangai’t Jérusalem nú sár ɗarinè d’ule’m ji dooge ke Rome nè ta.

Nyanra Njekawkulege 7:2

Etienne unn tà tam ede nè: – Sei bɔmge se ngakonmge, ooi tà lem maje: kété ɓita kade kà jéi Abraham in kêm ɓeekon ke Mésopotamie aw ndi kêm ɓee ke Haran ɓai nga, Nube ke njè ndubra tee dènn’t pan

Nje Ke Rome 2:15

Dooge nè nga tɔji jèi titeke nyan ke gute-ndu ɔje nga ei ndangi dè ɓengre de’t a, tàgir ke kêm de’t ɔrgir ke nata a tɔ. Tàgir le de ke ile tà éké ɔr tà dè de’t loo ke nange nga tɔji jèi titeke d’aw se gute-ndu ke ɔje dè de tɔ.

1 Nje Ke Corinthe 9:3

E ke nè á è tà ke m’tam dè ram’t non njé kile tà dèm’tge.

2 Nje Ke Corinthe 12:19

Sei giri kêm si’t mari edi nè tàge ke j’ɔr nga, j’ɔr le taa’n dè jé tàkum si’t karè. Ḿ-m̀, jè j’ede sei tàge nè nga non Nube’t se go kêmndige le Krist. E tede kade kundekêm le si ɓeŠber’n kuwe karé á jè tam’n tàge nè malang.

2 Nje Ke Corinthe 7:11

Kumndoo ke se go kêmndige le Nube nga oje nyange nè malang dann si’t ade an-in ɓá. Kumndoo nè nga á ade in-in kalang ɔri tà i taai dè’m. E ade kum si gang dè majelé’t ade i turi hal si a, i ɓeli Ndil Nube a tɔ. Kumndoo nè nga ade ngur kan’m ra sei pênn-pênn. Kumndoo nè nga ade ilei kêm si dè njé ra majelége’t. E tel sei ke njé ra nyan ke se dè najennge. Nyanra si malang tɔje jè titeke tà karé géa uwe dè si lé.

Nje Ke Philippes 1:17

Njé ke ilei mber le Krist se ra jang nga ilei mber se kem̂nda káng lé. Ndii’m se sulge jim’t nè nga, d’an ke nyantosowur lé ɓai á dé gir le kile made dè’t kade’m.

Nje Ke Philippes 1:7

Gir ke m’gir dè si’t malang bè nga, è loon’t kuwe. M’ndige sei dè ɓengrem’t. Kété ndɔ ke m’nain se si ɓai nga, m’an-in ngang Tà ke Maje gar-gar m’ade tò loo toon’t njáng. Ɗarinè ke m’tò dangai’t nè nga géa, sei malang oréi se’m nan dè noje ke Nube uwe sem’t nga.

2 Timothee 4:16

Tà ke desêin ke ndɔ ke m’ɔr dè ram’t loo gangtà’t nga, doo karé bè géa nda se’m tutu lé. Dé malang dé sure’m d’inye’m tutu. Maje kade Nube ade tà’n uwe dè de lé.

1 Pierre 3:15

Krist kuwe karé bere á è Kuwe-ɓee le si. Undei nin se ninn’n dè ɓengre si’t. Uwei dè nja ra si le kade nanan ke deje sei tà ɔje dè kundekem̂ tchên’t le si ɓaa, ɔri gir adi nin.