Nyanra Njekawkulege 21:7 - Nouveau Testament en Gulay 2004

⁷ J’ɔr son kaw mba le jé se rebe ke manné kêm ɓee-bò ke Tyr. J’in Tyr j’aw kêm ɓee-bò ke Ptolémais. Jè ra lapya njétaakêm-Kristge ke tutu, jè ndi se de ndɔ karé ɓita j’in ɓai.

Nyanra Njekawkulege 21:7 ပူးပေါင်းရင်းမြစ်များ

Matthieu 5:47

Ke nè á i rai lapya ngakon sige kuwe se kar de bere ɓaa, ké è nyan ke deri á sei rai wa? Dooge ke geri Nube lé géa rai titeke bè tɔ lé wa?

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 12:20

Wong ra ngar Hérode ngain dè dooge ke ndii kêm ɓee-bò ke Tyr se Sidon. Dooge nè umi tà le de nan’t bɔk le ree kingei nin. Nè d’aw d’inge Blastus, paja le ngar Hérode d’ile’n go de’t pa ɓita d’aw ra Hérode’t dé deje’n kêmlom ɓai. Dé deje’n kêmlom titeke bè tede è se tà rebe ɓeekon le’n nè á nyankinge se nyankusege in-in tutu reei kêm ɓee-bòge ke Tyr se Sidon.

Nyanra Njekawkulege 18:22

E ree rise nanga kêm ɓee-bò ke Césarée. E aw ra lapya njékebe nange le Nube ke kêm ɓee-bò ke Jérusalem ɓita in aw kêm ɓee-bò ke Antioche ɓai.

Nyanra Njekawkulege 21:10

Jè ndi se Philippe ndɔ bule. Njèribe-dè-tà ke tà Nube’t karé bè ri’n nè Agabus in kêm ɓeekon ke Judée ree ra jé’t.

Nyanra Njekawkulege 21:17

Loo ke jè tee Jérusalem ɓá ɓaa, njétaakêm-Kristge uwei jè ke ra de’t se ranel.

Nyanra Njekawkulege 21:19

Loo ke Paul ra de lapya ɓá ɓaa, è unn gir kɔr ser nyange karé-karé malang ke Nube ade ra dann dooge ke ei Juipge lé nga ade d’oo.

Nyanra Njekawkulege 21:3

Nè loo ke j’an dè goré loo ke Chypre non jé’t dil ɓaa, j’inye’n dè jigel jé’t, j’aw kum jé ke ɓeekon ke Syrie j’aw jè rise nang kêm ɓee-bò ke Tyr. Jè nda nang loo’t nè j’ade d’ɔr nyange ke kêm bato’t nang.

Nyanra Njekawkulege 25:13

Ase ndɔ bule go’t gugu, ngar Agrippa se Bérénice reei Césarée le rai lapya Festus.

Nyanra Njekawkulege 28:12

J’in loon’t nè, j’aw jè rise nang kêm ɓee karé ke ri’n nè Syracuse. Jè ndi tutu ndɔ jé mute.

Hebreuge 13:24

I rai lapya njékɔr non sige se njétaakem̂-Kristge malang adi man. Njétaakem̂-Kristge ke kem̂ ɓeekon ke Italie rai sei lapya.