Nyanra Njekawkulege 21:40 - Nouveau Testament en Gulay 2004

⁴⁰ Loo ke njèkan dè njérɔge ke aru dɔg inye loo ade Paul ɓaa, Paul in nda dè ɗinger loo’t, è yei ji’n ade kosdooge le kade ebi’t. Ká loo tel pa sibik. Paul ede dooge tà se tà hébreu ede nè:

Nyanra Njekawkulege 21:40 ပူးပေါင်းရင်းမြစ်များ

Tà ke Maje ke Luc ndang 23:38

Taɓai ei ndangi tà nè tà kage-ke-dese’t dènn’t dɔ edi nè: – E nè nga è ngar le Juipge.

Jean 19:13

Loo ke Pilate oo tàge nè bè ɓaa, è ade dé tee se Jésu d’aw se’n nata. Pilate al aw ndi dè ɗinger loo gangtà ke d’ube se her. Loo nè nga ri’n ke se tà hébreu è «Gabbatha.»

Jean 19:17

Jésu kuwe unn kage-ke-dese le’n oto. E unde loo tee’n kêm ɓee-bò ke Jérusalem aw’n ngang loo’t nata. E loo «Ngó-non-dooge» ke dé ɓar’n «Golgotha» se tà hébreu.

Jean 19:20

Loo ke dé ɓer Jésu kàde kage-ke-dese’t tutu nga, è ngɔr se ɓee ke Jérusalem. Gir’n ke nè á, Juipge ngain asikum tutei tà ke Pilate ndang ade dé ɓer dɔ dè Jésu’t nè nga. Tà nè nga, è ndang se tà hébreu a, se tà latin a, se tà grec a tɔ.

Jean 5:2

Mann-gar karé tò Jérusalem ngɔr se tàbit kei rebe le batege. Mann-gar nè nga dé ɓar’n se tà hébreu d’ede nè: Béthesda. Dé ra palge mi tà mann’t nè.

Nyanra Njekawkulege 1:19

Tà nè nga oso mbi dooge’t malang ke ndii kêm ɓee-bò ke Jérusalem. Gir’n ke nè á dé ɓar loo-ndɔr nè nga se tà koje de ke le de d’ede nè: «Hakeldama», tel se tà koje jéi ɓaa «è dè nang mese».

Nyanra Njekawkulege 12:17

Pierre yei de ji’n le kade d’ebe’t tam tà. E ɔr ser kɔr ke Kuwe-ɓee ɔr’n dangai’t ade d’oo. Pierre tel ede de ede nè: – Ɔri ser nyan nè nga adi Jacques se njétaakêm-Kristge ke rang ooi. Go’t gugu, è unde loo tee aw loo ke rang’t.

Nyanra Njekawkulege 13:16

Paul ɔse nang in dɔ, yei de ji’n le kade dé ndi jêke^. E ede de ede nè: – Sei dooge ke Israel, sei malang ke i ɓeli Nube, i neli mbi si maje ooi tà le’m.

Nyanra Njekawkulege 19:33

Juipge ɔsi Alexandre balang-balang ade unde loo tee dann doobulege’t nè nga. Doobulege ileii non de’t kété umi nan goon’t. Alexandre yei ji’n: è ndige tam tà dè rann’t tàkum doobulege’t nè nga.

Nyanra Njekawkulege 21:35

Loo ke Paul ree tee dè ɗinger loo ke tà kei’t ɓaa, njérɔge unni nin dɔ tede doobulege awi se’n kaber-kaber le tɔl’n.

Nyanra Njekawkulege 22:2

Nè loo ke d’oo titeke è ede de tà se tà hébreu ɓaa, ká loo tel pa sibik dum ke kété. Paul ede de ede nè:

Nyanra Njekawkulege 26:14

Jè malang, jè gudu nang bɔlɔk. M’oo ndu doo karé ɓar’m se tà hébreu ede nè: «Saul, Saul, ké tede ri á ɔr’m kororoi bè wa? I ndɔje rai ile rɔ ɔr tite sinde ke dè ngang ke ra ndáng se kuwe’n bè lé.»

Nyanra Njekawkulege 6:1

Kêm ndɔnge’t nè nga, kɔr njékuwe-gir-Jésuge in dè made’t ke kété kété. Juipge ke tami tà Grec ɓari Juipge ke njéɓeege tede loo ke à noboi nyankuse ɓaa, ei oréi dè njékei-kinge le Juipge ke dè ɓee’t nang se ndɔ de-ndɔ de.

Lookilera’n 16:16

Ndilge ke majelé nè nga ɔsi nja ngar-ɓeege nan’t loo karé ke dé ɓar’n se tà Hébreu d’ede nè: «Harmagédon.»

Lookilera’n 9:11

Ngar le bêteĝe nè nga è doo karé ke ndi kem̂ bolè ke son’n goto. Ngar le de nga, ri’n tà Hébreu nè «Abaddon», ke se tà grec ɓaa è «Apollyon», tel se tà koje jéi è «Njè tɔ ko dooge.»