Nyanra Njekawkulege 21:34 - Nouveau Testament en Gulay 2004

³⁴ Nè dé ra nyan wuu-wuu dé taa’n mbur nan ke yo ke nè, dann doobulege’t nè nga. Njèkan dè njérɔge ke aru dɔg nè nga ase ger gir nyan ke gete lé tede doobulege awi dè nan’t kutri. E unn ndu’n ade d’aw se Paul gêrgêr’t loo ndi njérɔge.

Nyanra Njekawkulege 21:34 ပူးပေါင်းရင်းမြစ်များ

Nyanra Njekawkulege 19:32

Dooge rai nyan wuu-wuu táai mbur nan yo ke nè tede dooge ke njékebe nange awi dè nan’t ngater-ngater ade njé ke nange ngain dann de’t geri gir nyan ke kebi nan tede nga lé.

Nyanra Njekawkulege 21:37

Loo ke nain ngɔr kade d’ur se Paul kêm kei loo ndi njérɔge’t ɓaa, è deje njèkan dè njérɔge ke aru dɔg ede nè: – Ké a inye’m kade m’edi tà karé lé wa? Nè è deje Paul ede nè: – Ké i ger tà Grec wa?

Nyanra Njekawkulege 22:24

Titeke bè á, njèkan dè njérɔge ke aru dɔg unn ndu’n ade njérɔge le’n ede nè: – Awi seyé loo ndi njérɔge’t. I deji n’ee tà se ndêin maru tede kade tà tee tàyé’t. M’ndige le ger gir nyan ke dooge uri kɔl ɔji dèyé nè nga.

Nyanra Njekawkulege 22:30

Njèkan dè njérɔge ke aru dɔg ndige le ger nyan ke gete ke Juipge ilei tà dè Paul’t. Gir’n ke nè á barè lookar’n ɓaa, è ade dé tutu sul ke rann’t ke dé tɔɔ’n kɔke. Taɓai è unn ndu’n ade maw njékuje nyan-mesege se njégangtàge le Juipge malang kebi nan. Go’t gugu, è ade dé ree se Paul d’unde’n nang non de’t.

Nyanra Njekawkulege 23:10

Dé kɔl nan ke kété-kété d’ade oso mbo-bò. Njèkan dè njérɔge ke aru dɔg ɓel kêmn’t ede nè d’a kin gang Paul danné mbêt-mbêt. Gir’n ke nè á è unn’n ndu’n ade njérɔge le kade awi ɔri nin dann doobulege’t kɔke teli reei se’n loo ndi de’t.

Nyanra Njekawkulege 23:16

Kɔr ke Juipge ɔri nan tà dè Paul’t le tɔl’n nga nann’n karé oo tà’n. E aw loo ndi njérɔge’t kei go Paul’t ede’n tà’n.

Nyanra Njekawkulege 23:32

Barè lookar’n ɓaa, d’inye njé sindege á d’ade awi se’n. Nè gute kos njérɔge teli awi loo ndi de’t gugu.

Nyanra Njekawkulege 25:26

Kerɔte kuwe, m’an tà karé ke gete le ndang’n magtub kade kuwe jéi César Auguste ɔje dè doo nè nga lé. Gir’n ke nè á m’ɓar’n m’ade ree nda’n non-in i ngar Agrippa’t se non si sei’t malang. I deje’n tà oo tá bainléa m’a m’inge tà ndang.