Nyanra Njekawkulege 21:31 - Nouveau Testament en Gulay 2004

³¹ Dé sang le tɔl Paul, nè tà’n oso mbi njèkan dè njérɔge ke aru dɔg titeke dooge ke kêm ɓee ke Jérusalem bere mbak awi dè nan’t ngater-ngater.

Nyanra Njekawkulege 21:31 ပူးပေါင်းရင်းမြစ်များ

Matthieu 26:5

Nè ei tami edi nè: – E tà le kuwe’n tàkum dooge ndɔ ra nan’t lé, tede kosdooge à in-in se jéi se tà.

Matthieu 27:27

Njérɔge le Pilate njèkonɓee ɔri Jésu awi se’n kei le Pilate. Ei ɔsi nja njérɔge nan’t malang an-in dè Jésu kíng-kíng.

Marc 14:2

Ei edi nan edi nè: – Gar-gar ade j’adi d’uwé, dé tɔlé se go ngein nè bainléa kosdooge ke reei loo ra nan’t nè à in-in rɔi se jéi.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Jean 18:12

Njèkan dè njérɔge ke aru dɔg se njérɔge le’n a, se ngann njé ngonm looge le Juipge uwei Jésu tɔi nin njanm-njanm.

Nyanra Njekawkulege 10:1

Dingem karé bè ndi kêm ɓee-bò ke Césarée, ri’n nè Corneille. E njèkan dè njérɔge ke aru karé. Njérɔge nè nga ei njérɔge le ɓeekon ke Italie.

Nyanra Njekawkulege 17:5

Nè jang ra Juipge ade ɔri dooge ke njékile dɔ se njékêmyêr ke nange umi de go de’t ade sulei dooge. Ei rai titeke bè adi tà oso’n ade dookêmɓeege awi dè nan’t kutri. Go’t gugu, ei in-in awi kêm kei le Jason sangi Paul se Silas tede le kaw se de non kosdooge’t nata.

Nyanra Njekawkulege 19:40

Ke nè á d’ile tà ke ɔje dè sule dooge dè njékonɓeege’t dè jéi’t, ɔje dè gir kebe nan le jéi ke ɓila nè ɓaa, j’asikum kingei tà karé bè le tam kedi de lé.

Nyanra Njekawkulege 21:38

Ké i doo ke Egypte ke ndɔ ke sule dooge ade in-in rai wong nga lé wa? Ké i nga kuwe á ndɔ ke ɔr njé tɔl dooge aru dɔg loo sɔ uru’n walé kêm dile’t nè lé wa?

Nyanra Njekawkulege 22:22

Juipge uri mbi de ooi tà le Paul sár tee dè tà’t nè ɓaa, ei unni gir tami tà beng-beng edi nè: – Doo ke titeke bè nga, ndête kade ndi kumgajer dè nang nè lé. Adi kum’n udu kɔke.

Nyanra Njekawkulege 23:17

Paul ɓar njèkan dè njérɔge ke aru karé ede’n ede nè: – Ngonn ke basa nè nga aw se tà karé le kede njèkan dè njérɔge ke aru dɔg. Aw se’n rann’t.

Nyanra Njekawkulege 24:22

D’ede Félix tà ke ɔje dè Jésu-Krist ade ger maje. Gir’n ke nè á è unde’n gangtà le de dɔ ede nè: – Loo ke Lysias, njèkan dè njérɔge ke aru dɔg à ree ɓita m’a tel nder gir tà le si rang koo ɓai.

Nyanra Njekawkulege 24:6

Ndɔ ke è sang rebe le kade doo ke è Juip lé aw se’n kêm kei le Nube ke tò se ninn’n á j’uwe’n dè’t. [Jè ndige le gangtà dènn’t se go gute-ndu le jé.

Nyanra Njekawkulege 24:7

Nè Lysias, njèkan dè njérɔge ke aru dɔg tee pan, uwe’n wont ɔr’n ji jé’t aw se’n.

Nyanra Njekawkulege 25:23

Barè lookar’n ɓaa, Agrippa se Bérénice njiyei masas reei kei gangtà’t. Njèkan dè njérɔge se dooge ke bò-bò ke kêm ɓee’t reei se de nan’t loo gangtà’t nè tɔ. Festus unn ndu’n ade dé ree se Paul.

Nyanra Njekawkulege 26:21

Gir’n ke nè á, ndɔ ke Juipge uwei man kêm kei’t le Nube sangi le tɔli man ke loon’t nè.