Nyanra Njekawkulege 21:24 - Nouveau Testament en Gulay 2004

²⁴ Aw se de ade d’ɔr sei gonm. Uge dè de ade dé ndise dè de kɔke. Titeke bè á dooge malang à geri titeke sertà ke ɓar tchoo ɔje dèi nga, è tà lanm karè. Nè i kuwe géa, an dè gute-ndu Moise sêw-sêw tɔ.

Nyanra Njekawkulege 21:24 ပူးပေါင်းရင်းမြစ်များ

Jean 11:55

Ndɔ ra nan Paque le Juipge nain ngɔr. Dooge ngain in-in se kêm ɓee-ɓee reei kêm ɓee-bò ke Jérusalem kété tede kɔr ra de gonm.

Jean 3:25

Ndɔ karé bè, tà naje ke ɔje dè kɔr se-ra oso dann pajage’t le Jean se Juip karé bè.

Nyanra Njekawkulege 18:18

Paul tel ndi kêm ɓee-bò ke Corinthe ase tà’t. Go’t gugu, è inye njétaakêm-Kristge, è al kêm bato’t tel aw ɓeekon ke Syrie. Priscille se Aquilas géa awi se’n nan’t tɔ. Paul ade dé ndise dè’n nda kêm ɓee ke Cenchrées tede ndu’n ke ndɔ ke è unn.

Nyanra Njekawkulege 21:26

Ke loon’t nè kuwe, Paul in se dingemge ke sɔ nè nga aw se de. Barè lookar’n, è ɔr ra’n gonm se de nan’t. Go’t gugu, Paul aw kêm kei le Nube. E ede de ede nè: ndɔ ke bè ɓaa, n’a n’ɔri ra de gonm ndɔ kɔr ra gonm’t. Loo ke gir ndɔ kɔr gonm gang ɗás ɓá ɓaa, d’a d’unn nyan-noje le kade tede le de karé-karé malang.

Nyanra Njekawkulege 24:18

M’ndi m’ade d’a d’ɔr’m gonm kêm kei le Nube. Juipge ke nange in-in ɓeekon ke Asie reei ingei man dè’t. Doobulege gotoi se’m a, tà ɓar jiki ade dooge awi dè nan’t kutri lé a mbak.

1 Nje Ke Corinthe 9:20

Loo ke man m’ee se Juipge ɓaa, m’ra ra’m ke Juip bè tɔ tede le kinge’n Juipge kade Krist. M’ndi gir gute-ndu’t lé. Nè loo ke m’ndi dann njé ke ilei koje dè gute-ndu Moise’t ɓaa, m’ra ra’m m’ase nan se doo ke ndi gir gute-ndu’t le Nube ke Moise ndang. M’ra titeke bè tede le kinge’n njé ke ndii gir gute-ndu’t kade Krist.

Nje Ke Galatie 2:12

Kété ɓita kade Jacques ule Juipge ke nange ade reei Antioche ɓai nga, Pierre use nyan nan’t se dooge ke ei Juipge lé kem̂’n karé a tɔ. Nè loo ke dooge nè nga reei teei pan ɓaa, è ebe ra’n kuse nyan se njé ke ei Juipge lé ɔr ra’n ndi mbeng tede ɓel kum Juipge.