Nyanra Njekawkulege 21:13 - Nouveau Testament en Gulay 2004

¹³ Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.

Nyanra Njekawkulege 21:13 ပူးပေါင်းရင်းမြစ်များ

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 20:37

Dé malang d’um non sut, d’ul nan kɔbe Paul’t a, d’uwe’n kàde de’t sêm a tɔ.

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

Nyanra Njekawkulege 9:16

Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

1 Nje Ke Corinthe 15:31

Ngakonmge, m’ndi tà yo’t se ndɔ karé-karé. Man m’ede sei ndàt, tede sei nyan pite ra le’m takul kum ke j’umi nan’t bɔk se Kuwe-ɓee le jéi Jésu-Krist nga.

Nje Ke Philippes 2:17

Ké nè á d’ayé kile mese’m nang ke nyankuje-mese dè made’t ɓai tede kundekem̂ le si géa, m’ra ranel se si nan’t malang.

Nje Ke Philippes 2:26

Ngur tel kaw kan sei malang ra’n pênn-pênn. Kem̂’n tò kekek tede ser ratur le’n ke ndɔ ke ooi.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

2 Timothee 1:4

Kem̂’m olé dè mann non ke ndɔ ke tee kumi’t. Gir’n ke nè á ngur tel kaw kan kumi kade dè ranel le’m ɔr’n njêt ra’m pênn-pênn.

2 Timothee 4:6

Man ɓaa, d’a d’um mese’m nang lɔtch kade Nube. M’tò m’asenan se nyan ke d’a d’unn le kuje’n nyan mese bè. Ndɔ kin kaw le’m ase ɓá ta.

2 Pierre 1:14

Jésu-Krist Kuwe-ɓee le jéi ade m’ger ɓá titeke nain ngɔr ɓaa, danra’m à inye nang nè ta.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 3:10

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.