Nyanra Njekawkulege 20:4 - Nouveau Testament en Gulay 2004

⁴ Sopater ngonn le Pyrrhus ke ɓee le’n è Bérée dann Paul aw se’n. Aristarque se Secondus ke ɓee le de è Thessalonique a, Gaius doo ke Derbe kêm ɓeekon ke Macédoine a, se Timothée a, Tychique se Trophime ke kêm ɓeekon ke Asie géa danni Paul a tɔ.

Nyanra Njekawkulege 20:4 ပူးပေါင်းရင်းမြစ်များ

Nyanra Njekawkulege 14:20

Nè loo ke pajage le’n d’an-in dè’n girm ɓaa, è ɔse nang in tel aw kêm ɓee’t gugu. Barè lookar’n Paul in aw se Barnabas kêm ɓee-bò ke Derbe.

Nyanra Njekawkulege 14:6

Paul se Barnabas ooi kɔbe nyan ke d’ɔje le ra se de nga kété ɓaa, in-in an-in nan awi Lystre se Derbe, ɓee-bòge ke kêm ɓeekon ke Lycaonie se ɓeege ke an-in dè de.

Nyanra Njekawkulege 16:1

Paul ree tee kêm ɓee-bòge ke Derbe se Lystre. An! njètaakêm-Krist karè bè ri’n nè Timothée ndi kêm ɓee-bò ke Lystre. E ngonn le dinye karé ke è Juip ke njètaakêm-Krist. Nè Timothée nga, bɔ’n è Grec.

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 17:1

Paul se Silas undei kêm ɓee-bò ke Amphipolis se Appolonie gangi reei kêm ɓee-bò ke Thessalonique. Kei kebe nan le Juipge tò kêm ɓee-bò ke Thessalonique.

Nyanra Njekawkulege 17:13

Nè loo ke Juipge ke Thessalonique ooi tite ke Paul ile mber tà le Nube kêm ɓee ke Bérée tɔ ɓaa, ei reei sulei dooge. Juipge rai titeke bè adi kos dookêmɓeege awi dè nan’t kutri taɓai.

Nyanra Njekawkulege 19:29

Dooge malang ke kêm ɓee-bò’t nè awi dè nan’t ngater-ngater, an-in ɗiriri reei loo ra nyan-tɔjege’t. D’uwe njémade-loo-kawge le Paul, Gaius se Aristarque dé ndɔr de ngander-ngander dé ree se de loo ra nyan-tɔjege’t nè nga. Gaius se Aristarque nga, ei dooge ke ɓeekon ke Macédoine.

Nyanra Njekawkulege 2:9

Njé ke nange dann jéi’t in-in kêm ɓeekon ke Parthes se Médie se Elam se njé ke in-in ɓeekon ke Mésopotamie se Judée se Cappadoce se Pont se Asie,

Nyanra Njekawkulege 20:16

Paul ɔje njáng le kunde kêm ɓee-bò ke Ephèse se nja’n dɔ gang m è ndige nda nang tuju ndɔge le’n kêm ɓeekon ke Asie lé. E ute ra’n kalang ké n’a kasekum tee Jérusalem se ndɔ ra nan Pentecote nga lé wa?

Nyanra Njekawkulege 20:18

Loo ke ei reei ingei nin ɓá ɓaa, è ede de ede nè: – Unn gir kêm ndɔ ke desêin ke m’ile’n nja’m kêm ɓeekon ke Asie nga, sei geri pa njiye’m ke m’njiye’n se si se loo malang.

Nyanra Njekawkulege 21:29

Ndɔ ke kété d’an Trophime, dingem ke Ephèse se Paul nan’t kêm ɓee-bò’t. Gir’n ke nè á d’ede nè bainléa Paul ade’n aw se’n nan’t kêm kei’t le Nube.

Nyanra Njekawkulege 27:2

J’al kêm bato’t ke in Adramytte à aw kum’n ke loo nda batoge kêm ɓeekon ke Asie. Bato ɔte se jé aw se jé. Aristarque, doo ke Thessalonique, ɓeekon ke Macédoine nga è se jé nan’t tɔ.

Nje Ke Rome 16:21

Timothée, njèmade kule le’m ra sei lapya. Lucius se Jason se Sosipater ke ei njénojege le’m, rai sei lapya tɔ.

Nje Ke Rome 16:23

Gaius ke njè kei mba le’m ke njétaakêm-Kristge malang kebi nan kêm kei le’n, ra sei lapya. Eraste njè ngonm nar le njékonɓeege se ngokon jéi Quartus, rai sei lapya ngain. [

2 Nje Ke Corinthe 1:1

Man Paul, njèkawkule le Jésu-Krist se go kêmndige le Nube. Jè se ngokon si Timothée, jè ndang magtub nè j’ade njékebe nange le Nube ke ndii kêm ɓee-bò ke Corinthe. Magtub nè nga jè ndang j’ade njé ke tooi se ninn de malang ke ndii kêm ɓeekon ke Achaie bere mbak a tɔ.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

Nje Ke Ephese 6:21

Sei géa, ngokon’m Tychique ke è kotár le’m à ede sei tàge malang ke ɔje dè’m kade ooi. E nga è ke maje kule le Kuwe-ɓee Jésu-Krist.

Nje Ke Philippes 2:19

M’unde kem̂’m tchên ke dè Kuwe-ɓee Jésu’t le kule Timothée kalang ra si’t le kade ree se tàge ke ɔje dè si ade m’oo. Titeke bè á m’a m’inge’n tɔge’m.

Nje Ke Colosses 4:10

Aristarque njèmade dangai le’m ei se Marc ngonn le ngokon Barnabas rai sei lapya tɔ. Marc nga ndɔ ke m’ede sei tàge ke ɔje dè’n kété ɓá. Ke nè á aw tee ra si’t ɓaa, uwei nin ke ra si’t se maje’n.

Nje Ke Colosses 4:7

Nyan malang ke ɔje dè’m nga, ngokon’m Tychique ke è kótar le’m à ɔrgir maje kade ooi. Tychique nga è ngarankum njè gete’m a, è njèmade kule le’m gir Kuwe-ɓee’t a tɔ.

1 Timothee 1:1

Man Paul njèkawkule le Jésu-Krist tede Nube njèkaje jéi se Jésu-Krist nyan kundekem̂ tchên dè’t le jéi unni ndu de adi man.

2 Timothee 1:2

M’ndang magtub nè m’ade Timothée ngonn kotár le’m. Maje kade kem̂-maje se kem̂kanm a, se kem̂lom ke in ra Nube’t se ra Kuwe-ɓee’t le jéi Jésu-Krist nain se si.

2 Timothee 4:12

Tychique ɓaa, m’ule’n kem̂ ɓee-bò ke Ephèse.

2 Timothee 4:20

Eraste nain kem̂ ɓee-bò ke Corinthe. Trophime nga ndɔ ke ra’n tur’n ade m’inye’n kem̂ ɓee ke Milet.

Tite 3:12

M’a m’ule Artémas éké Tychique rai’t. Loo ke ndɔn’t à awi teei rai’t ɓaa, in kalang i ree inge’m kem̂ ɓee ke Nicopolis. Tede m’ɔje njáng le kaw kem̂ ɓar’t nè kuwe le ndi Nicopolis nú.

Philemon 1:24

Njé made kulege le’m, Marc, Aristarque, Démas se Luc rai nin lapya ngain.

3 Jean 1:1

Man ngatɔge doo nga, m’ndang magtub nè m’ade kotár le’m Gaius ke m’tár’n ke kerɔte kuwe.