Nyanra Njekawkulege 20:31 - Nouveau Testament en Gulay 2004

³¹ Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nyanra Njekawkulege 20:31 ပူးပေါင်းရင်းမြစ်များ

Matthieu 13:25

Nè loo ke dooge tooi ɓi sibik ɓaa, njèban le’n ree dubu jer danné ɓaa, ɔte ɗák aw.

Matthieu 3:7

Loo ke Jean an Pharisienge se Saddusienge bule reei rann’t le kade ule de manné njonm ɓaa, è tam se de ede nè: – Sei ke i tooi asinan se li jênênnge, ké nan tɔje sei rebe kan-in wong le Nube ke ndi à ree nga wa?

Tà ke Maje ke Luc ndang 21:36

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

Nyanra Njekawkulege 19:10

E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 20:11

Loo ke Paul tel al aw dɔ gugu ɓaa, è tête mapa use. Taɓai è tel ɔje se de tà sár loo din-in dil ɓita unde loo tee aw.

Nyanra Njekawkulege 20:19

M’ra kule ɓer m’ade Kuwe-ɓee se ngonn koje ke deri se mann non kum’t dann nyange ke nan-in man, se go kɔr ke Juipge ɔri nan tà dèm’t a tɔ.

Nyanra Njekawkulege 20:7

Ndɔ ke desêin ke njè kutu go ndɔ taa kebe, jè kebe nan le tête nan mapa. Paul ndi dè njann’t le kin kaw barè. E ɔje tà se njékebe nange le Nube sár dann loo bɔp.

Nyanra Njekawkulege 24:17

Ase loge bule ɓita m’tel m’ree le kuwe noje se kosdooge le’m a, se le kunn nyan-noje kade Nube a tɔ.

1 Nje Ke Corinthe 4:14

M’ndang tàge nè nga bè m’ade sei tede kile’n rasɔl dè si’t lé. Nè m’ede sei tàgir nè bè tede sei ngann kotárge le’m.

Nje Ke Philippes 3:18

Tede doo ke nange bule awi ke njébange le kage-ke-dese le Krist. Titeke dɔ-dɔ m’ede’n sei nga, ɗarinè m’tel m’ede sei se mann non kuwe ɓai.

Nje Ke Colosses 1:28

E Krist nè nga kuwe á j’ile mber tà le’n j’ade dooge malang. Jè j’ede nanan a, jè ndó nanan a tà le’n se kumkunju ke deri le kade nanan géa ra’n tɔge dè kum nan’t bɔk se Krist a tɔ.

1 Nje Ke Thessalonique 5:14

Ngakon jége, jè ndeje sei le kade in-in se njé ke ndii à rai nyange ke pás-pàs. Ulei dingem kem̂ njé kem̂ tête mannge. I geti njé tɔg gotoge a, ilei kem̂ si pon dè dooge’t malang a tɔ.

2 Nje Ke Thessalonique 2:5

Loo ke ndɔ ke m’nain’n ra si’t nú ɓai nga, m’ede sei tà nè nga. Ké kem̂ si wei nal dè’t ta wa?

2 Nje Ke Thessalonique 3:8

Doo karé bè géa ndɔ ke ade jè mapa j’use karè lé. Nè j’ule ra jé ndibe, jè ra kule j’ɔr yàl-yàl ndɔ a, kada a tɔ. Jè ra titeke bè tede le kɔi’n dè doo karé dann si’t lé.

2 Timothee 4:5

Nè né è bè géa, i ɓaa, unde kumkunju dè rai’t ɔje dè nyange malang. Oré tài njak dè nyankem̂konge’t, i ra kule ra njèkile mber Tà ke Maje. I ra kule lei ɔr son’n njêt a tɔ.

Hebreuge 13:17

Ilei koje dè njékɔr non sige’t a, ulei dè si adi de a tɔ. Dé nè nga, dé tɔse kum de dè ngarankum ra si’t se ndɔge malang. E dé nè á ndɔ ke rang d’a d’ɔrgir tà ke ɔje dè ngarankum ra si kade Nube. Ilei koje a, ulei dè si adi de titeke bè le kade dé ra’n kule nè nga se ranel anje ɓar tà. Ke nè á dé ɓar tà ɓaa, ayé maje dè si’t lé.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»