Nyanra Njekawkulege 20:30 - Nouveau Testament en Gulay 2004

³⁰ Man m’ger mbak titeke dooge à in-in dann si sei’t le têti tà tchap-tchap ndɔri njétaakêm-Kristge go de’t.

Nyanra Njekawkulege 20:30 ပူးပေါင်းရင်းမြစ်များ

Matthieu 23:15

Sei njékɔrgir gute-nduge se sei Pharisienge ke njékede gosge, a an-in ɓai! Sei asi loo nák-nák dann ba-bò’t se dè nang nè, tede kinge doo karé ke njè ger Nube tite si. Nè loo ke è tel è njè ger Nube ɓá ɓaa, sei telii ke doo ke aw dann loo ke tur’t dum sei nja joo ɓai.

Nyanra Njekawkulege 11:26

Loo ke Barnabas inge’n ɓá ɓaa, è ree se’n Antioche. Ase ɓal karé deri, Barnabas se Saul rai kule nan’t se njékebe nange le Nube ke Antioche ɓeekon ke Syrie. Ei ndói doobulege nyan ase tà’t. Antioche nga è loo ke kété desêin dooge ɓari njékuwe-gir Kristge «njétaakêm-Kristge» tutu.

Nyanra Njekawkulege 21:38

Ké i doo ke Egypte ke ndɔ ke sule dooge ade in-in rai wong nga lé wa? Ké i nga kuwe á ndɔ ke ɔr njé tɔl dooge aru dɔg loo sɔ uru’n walé kêm dile’t nè lé wa?

2 Nje Ke Corinthe 11:13

Dooge nè nga ei njékawkulege ke lanm; ei rai ra de ke njékawkulege, nè kule ra de è kule libe kum dooge. Ei kuwe in-in se dè de teli ra de ke njékawkulege le Krist.

1 Timothee 5:13

Dé njékei-kingege ke titeke bè nga kule ra de ke get goto, nè d’ase loo nák-nák se tà kei, tà kei. E ke nè á se kar lé ɓai, nè dé njé kɔje tà neng-neng-ge a, se njé kal bal kur dann nyange ke ndête de’t lé a tɔ. Tà ke kum tam lé géa, dé tam a tɔ.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

2 Jean 1:7

Njé tam tà lanm sú’n dooge kade ndemi bule ngain undei loo teei ɗarinè ɓá ta. Njé lanmge nè nga mbati tami ndàt titeke Jésu-Krist ree dè nang nè se danra’n. Doo ke tam ndàt ede nè Jésu-Krist ree se danra’n dè nang nè lé nga, è njè tà lanm a, è njè kɔse tà se Krist a tɔ.

Lookilera’n 2:6

I ɔr njé ke le Nicola njêt tede kule ra dege, titeke man géa m’ɔr’n de njêt bè tɔ. E ke nè á è nyan karé ke soo’t ndêin tedei.