Nyanra Njekawkulege 20:28 - Nouveau Testament en Gulay 2004

²⁸ Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nyanra Njekawkulege 20:28 ပူးပေါင်းရင်းမြစ်များ

Matthieu 16:18

Nè man m’edi titeke i i Pierre, dè kuberi her ke m’an m’unde njékebe nange le’m dè’t. Tɔgmong le yo ase ra se de nyan karé lé.

Matthieu 2:6

«I Bethléhem, ɓeekon le Juda nga, ɓee-bòge ke ɓeekon’t le Juda nga, d’a kur dèi ndan lé, tede ngar ke njèkul kosdooge le’m ke ei Juipge nga à in rai’t.»

Marc 13:9

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 21:34

Undei kumkunju dè ra si’t nè bainléa nyankuse éké nyankain ke ate se nyange gai-gai ke adi kêm dooge olé bɔt-bɔt à kadi ɓengre si wɔi darr, le kade ndɔ tel ree le’m man ke m’ee Ngonn doo nga ube sei nang bus lé.

Nyanra Njekawkulege 13:2

Ndɔ karé bè, d’ɔge kêm de ɓo a, d’an-in mann lé a tɔ. Loo ke dé ndi d’a d’ɔje tà se Nube ɓaa, Ndil-Kêmnda ede de ede nè: – Ɔri Barnabas se Saul undei de se ninn de adi man ɔje dè kule ke m’ɓar de tede nga.

Nyanra Njekawkulege 14:23

Paul se Barnabas tɔri ngatɔgege se loo kebe nan le Nube karé-karé malang adi an-in dè njétaakêm-Kristge. Loo ke ei tɔri de ɓá ɓaa, ei ɔgi kêm de ɓo a, an-in mann lé a tɔ, ɔji tà se Nube, ɓita umi ngatɔgege nè ji Kuwe-ɓee ke ei undei kêm de dènn’t.

Nyanra Njekawkulege 20:17

Nè né è bè géa, loo ke Paul tee kêm ɓee ke Milet ɓaa, è ule kule ɓar ngatɔgege le njékebe nange le Nube ke kêm ɓee-bò ke Ephèse.

Nyanra Njekawkulege 20:29

Man m’ger mbak, loo ke m’a m’in kaw ɓaa, heng-ge ke tooi ɓel à uri dann si’t le sanrin bate kosge nè nga.

Nje Ke Rome 16:16

Uwei nan kàde nan’t sêm i rai nan lapya tite ngakon nange ke njétaakêm-Kristge bè se kêmnda káng. Njékebe nange le Krist malang rai sei lapya tɔ.

1 Nje Ke Corinthe 1:2

jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.

1 Nje Ke Corinthe 10:32

Maje kade i teli sei jig le tuge nja Juipge, se njé ke ei Juipge lé éké njékebe nange le Nube nga lé.

1 Nje Ke Corinthe 11:22

Ké kei le si ke kade usei se an-in nyan tutu goto wa? Ké njékebe nange le Nube nga an-in de ke nyan lé kuwe sár wa? Ké i rai titeke bè tede kile’n rasɔl dè njé ke nyan le de goto nga wa? Ké i nginei kade m’ede sei m’ede nè ri wa? Ké è tà le kade m’pite sei dè nyan ra si’t nè nga gar-gar wa? Ḿ-m̀, m’a pite sei dè è ke nè’t ndan lé.

1 Nje Ke Corinthe 15:9

Man nga m’ee tà-mba le njékawkulege. M’tuwe kade dé ɓar’m njèkawkule lé tede m’ra kum njékebe nange le Nube ndoo ngain gée.

1 Nje Ke Corinthe 6:20

tede Nube ndogo sei se nar ke ngain ji ɓer’t le kaiya ade i ndii dè si pal ta. Gir’n ke nè á umi ra si ke nyan kile riɓar dè Nube’t.

Nje Ke Galatie 1:13

Sei ooi ser nyanra’m se pa njiye’m kété ke m’nain’n dann girkàge’t le Juipge ɓai nga mbak. Njékebe nange le Nube nga ndɔ ke m’ɔr de kororoi m’ade al dè loo’n a, m’sanrin de sakte-sakte a tɔ.

Nje Ke Ephese 1:14

Ndil-Kem̂nda ke Nube ade jèi nga, è tàpitem nyan-ndube ke è unde konn tede le kosdooge le’n. J’a j’ingei nyange ke Nube unde konn nè nga bere mbak ndɔ ke j’à j’ɔri dè jéi gir tɔgmong’t le ɓer. Adi j’ɔsi pa j’ulei ndubra dè Nube’t a tɔ.

Nje Ke Ephese 1:7

Takul Krist ke wei ade mese’n an-in nang á j’ingei nyankuge dè jéi ɓee ɓer’t a, Nube ade kem̂’n tin’n mbit dè kaiyage’t le jéi a tɔ. E kem̂noje ke bò ke gar’n goto á Nube uwe se jéi!

Nje Ke Ephese 4:11

E è kuwe á uwe noje se dooge ade njé ke nange ei njékawkulege a, ade njé ke karége ei njéribe-dè-tàge ke tà Nube’t a, ade njé ke nange ei njékile mber Tà ke Majege a, ade njé ke karége ke rang ei njékul dooge a, è ade njé ke nange ei njéndó dooge nyan a tɔ.

Nje Ke Philippes 1:1

Man Paul se Timothée, ɓer kulege le Jésu-Krist. Jè ndang magtub nè j’ade njé ke tooi se ninn de ke umi nan’t bɔk se Jésu-Krist. Jè ndang magtub nè nga j’ade njékɔr non dege se njékan dè nyange le njékebe nange le Nube ke ndii kem̂ ɓee-bò ke Philippes tɔ.

Nje Ke Colosses 1:14

Takul ngonn’n nè nga á j’ingei nyan gang dè jéi a, j’ingei kem̂ tin mbit dè kaiyage’t le jéi a tɔ.

Nje Ke Colosses 4:17

Edi Archippe edi nè: I ndi kum dè kule ke Kuwe-ɓee um jii’t le kade i ra ɔr son’n njêt.

1 Timothee 3:1

Tà nè nga è tà kerɔte kuwe: ke nè á doo karé sang le k’ee njèkan dè njékebe nange le Nube ɓaa, è aw ndoo ngar kule.

1 Timothee 3:2

Doo nè nga, gar-gar à è njègel goto, njè dinye karé luk-luk, njè kain yibe kade ule mbe dènn’t lé, à è njè kunde kumkunju dè rann’t, à è njè kan go ra’n sêw-sêw, à è njè ra mba, a è doo ke ase ndó nyan njé ke rang a tɔ.

1 Timothee 3:5

Ke nè á doo ger rebe kɔr non njékem̂keige le’n ke kinge’n maje lé ɓaa, ké à ger tɔse kum’n dè njékebe nange’t le Nube titeke bain wa?

1 Timothee 4:14

Nyan-noje ke Ndil-Kem̂nda uwe’n sei noje nga i tɔse kumi dè’t maje. Nyan-noje nè nga ndɔ ke inge se go tà ke in tà Nube’t loo ke ndɔ ke ngatɔgege kebi nan ilei ji de dèi’t.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

1 Timothee 5:17

Ngatɔgege ke ɔri non njékebe nange le Nube maje nga, è soo’t kade d’ile riɓar dè de’t nja joo. Nè njé ke ulei ra de ndibe dè kule kɔrgir tà’t éké dè kule ndó dooge nyan’t kuwe mbain á ei dooge ke maje kile riɓar dè de’t nja joo.

Tite 1:7

Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 12:15

An-in go ra si maje le kade doo karé bè géa tel uwe ndube kem̂noje le Nube nga lé ta. Taɓai undei kumkunju dè ra si’t tede kade ngire wurkate ke ase tuju dooge ube dann si’t lé, nè bainléa ngire wurkate nè nga à kin tuju dooge bule ngain.

Hebreuge 13:17

Ilei koje dè njékɔr non sige’t a, ulei dè si adi de a tɔ. Dé nè nga, dé tɔse kum de dè ngarankum ra si’t se ndɔge malang. E dé nè á ndɔ ke rang d’a d’ɔrgir tà ke ɔje dè ngarankum ra si kade Nube. Ilei koje a, ulei dè si adi de titeke bè le kade dé ra’n kule nè nga se ranel anje ɓar tà. Ke nè á dé ɓar tà ɓaa, ayé maje dè si’t lé.

1 Pierre 2:25

Kété sei tooi asinan se batege ke ndemi awi yo-yo, nè-nè bè. Nè ɗarinè, dé tel se si ke ra è ke njèkul si se njèkan dè ngarankum ra si a tɔ.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.