Nyanra Njekawkulege 20:27 - Nouveau Testament en Gulay 2004

²⁷ Kerɔte kuwe, m’ɓɔyɔ se si dè nyan karé bè lé, nè nyan malang ke Nube ɔje nga m’ede sei m’ade ooi mbak.

Nyanra Njekawkulege 20:27 ပူးပေါင်းရင်းမြစ်များ

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Tà ke Maje ke Luc ndang 7:30

Nè Pharisienge se njéndó dooge gute-ndu Nube d’ute nyan ke Nube ndige kade dé ra nga mbeng mbati kade Jean ule de manné njonm.

Jean 15:15

Ɗarinè man m’ɓar sei ngann njéndige gugu lé ta, tede ngonn njèndi nga ger nyanra kuwe’n lé. Man m’ɓar sei kotárge le’m tede nyan malang ke m’oo tà’n ra Bɔm’t nga, m’ribe se si dè m’ade i geri ɓá.

Nyanra Njekawkulege 13:36

Loo ke ndɔ ke David ndi se dè’n dɔ ɓai nga, è ngonn njèndi le Nube. E ra nyan se go kêmndige le Nube. Nè è wei ade dé dubu’n dè ɓade kànnge’t d’ade danra’n jɔri pɔtɔk.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 20:20

Sei geri mbak, man m’ɓɔyɔ se si dè nyan karé bè ke maje tede le si nga lé. M’ebe ra’m kɔrgir tà éké ndó sei nyan nata tàkum dooge’t ndái-ndái éké kêm keige’t nga lé a tɔ.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

1 Nje Ke Corinthe 11:23

Nyan ke m’ndó sei nga, m’inge ra Kuwe-ɓee’t. Dann ndɔ ke d’a d’ule Kuwe-ɓee Jésu ji dooge’t kade tɔli nin nga, è unn mapa karé uwe jinn’t.

2 Nje Ke Corinthe 4:2

Jè mbate nyan rasɔlge ke ra se go ngein. Jè ra nyan karé le libe’n kum doo lé a, j’ur mann dann tà’t le Nube lé a tɔ. Nè jè tee se ngarankum tà j’ade tò nata ndái-ndái a, j’ɔrgir ra jé njai j’ade dooge malang geri se kêm de non Nube’t a tɔ.

Nje Ke Galatie 4:16

Ké ngarankum tà ke m’ede sei nga á m’tel m’ee’n njèban le si ta wa?

Nje Ke Ephese 1:11

Takul’n è á j’inge’n gaje nyan-ndube ke ɔje dè jé tede Nube tɔr jè kété mari se go nyan ke è ɔje. Nube ra nyan malang ade aw loon’t deĵ se go nyan ke è ɔje se go kem̂ndige le’n.

1 Nje Ke Thessalonique 2:4

Nè Nube ter jè njúng ɓita um kule kile mber Tà ke Maje le’n nga ji jé’t ɓai. Jè j’ile mber Tà ke Maje tede taa’n kum dooge lé, nè le taa’n kum Nube ke njè ter ɓengre jé.