Nyanra Njekawkulege 20:25 - Nouveau Testament en Gulay 2004

²⁵ An-in! sei malang ke ndɔ ke m’aw m’ile mber Konɓee le Nube dann si’t nga, ɗarinè m’ger titeke a an-in kum’m gugu lé ta.

Nyanra Njekawkulege 20:25 ပူးပေါင်းရင်းမြစ်များ

Matthieu 10:7

Loo ke a awi ɓaa, ilei mber dɔ-dɔ edi nè: «Konɓee ke danrán nain ngɔr ta.»

Matthieu 13:19

Loo ke doo oo tà ke ɔje dè Konɓee le Nube nè ger gir tà nè nga lé ɓaa, njèkêmyêr ree ɔr tà ke dé dubu dè ɓengrenn’t nga wont kɔke. Doo nè nga tò asenan se njar ko ke dubu ngang rebe’t bè.

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Tà ke Maje ke Luc ndang 16:16

Gute-ndu Nube ke Moise ndang se magtubge ke njéribe-dè-tàge ke tà Nube’t ndangi a tɔ nga, dé ndó dooge sár d’ade Jean ke njèkule dooge manné njonm ree’n. Nè unn gir ndɔ ree le Jean sár tee ɓila nga, m’ile mber Tà ke Maje m’ade dooge. Gir’n ke nè á nanan géa uwe’n ra’n mong le kum nan’t bɔk se Nube.

Tà ke Maje ke Luc ndang 9:60

Jésu tel ile doo nè nga dè’t ede nè: – Dubu ninn dooge nga, è kule ke ɔje dèi lé ta. Nè i ɓaa, aw ile mber Konɓee le Nube ade dooge ke rang.

Nyanra Njekawkulege 20:38

Tam ke Paul tam ede nè d’a kan kum’n gugu lé ta nga, è tà karé ke ree se kumndoo ade de ngain. Nè né è bè géa, dé dann’n sár d’aw se’n tà bato’t.

Nyanra Njekawkulege 28:31

E ile mber Konɓee le Nube ade de a, è ndó de tà ke ɔji dè Kuwe-ɓee Jésu-Krist se kêmnda káng m doo karé bè géa ɔge’n dè’t lé.

Nyanra Njekawkulege 8:12

Nè ɗarinè loo ke Philippe ile mber Tà ke Maje ke ɔje dè ɓeekon le Nube se ri Jésu-Krist ade de ɓaa, dingemge se dinyege ke umi kêm de dè tà’t le’n nga, adi d’ule de manné njonm.

Nje Ke Rome 15:23

Nè ɗarinè, m’tɔl ngang kule le’m kêm ɓeege’t nè nga ɓá. Ɓal bule, ngur kaw kan sei ra’m pênn-pênn.

Nje Ke Galatie 1:22

Njékebe nange le Krist ke ndii kem̂ konɓee ke Judée nga, geri kum’m lé ɓai.

Nje Ke Colosses 2:1

Man m’ndige kade i geri titeke m’ra rɔ ke bò tede le si sei, tede le njé ke ndii kem̂ ɓee-bò ke Laodicée a, tede le njé ke an-in kum’m nja karé lé ɓai a tɔ.