Nyanra Njekawkulege 20:24 - Nouveau Testament en Gulay 2004

²⁴ Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 20:24 ပူးပေါင်းရင်းမြစ်များ

Tà ke Maje ke Luc ndang 16:28

Ngakonmge ke ndêin mi ndii tutu ɓai. Ade aw ede de kade turi hal de nè bainléa à reei ndii dann loo nyantosowur’t titeke man m’ndii’n danné nè bè tɔ.»

Jean 15:27

Sei géa a k’ei njékɔrgo tàge le’m tede sei se’m nan’t kété mari loo kunn gir kule’t le’m.

Jean 17:4

Man m’ile riɓar dèi’t dè nang nè ɓá ta. Kule ke i ade’m kade m’ra nga m’ɔr son’n njêt ɓá ta.

Nyanra Njekawkulege 1:17

Judas nga kété dé tute’n dann jéi’t kuwe. Kule ke jè ndi j’ade rai nga géa, d’ade’n gaje’n ke ɔje dè’n se jéi nan’t tɔ.

Nyanra Njekawkulege 11:23

Loo ke è aw inge de Antioche ɓaa, è an noje ke Nube uwe se dooge. E ra ranel a, ndeje de malang le kade dé labe ra de parr ra Kuwe-ɓee Jésu’t se kêmnda káng.

Nyanra Njekawkulege 13:25

Loo ke nain ngɔr kade Jean ɔr son ngɔde kan-in’n ɓaa, è deje de ede nè: «Ké sei i giri kété edi nè man nga m’ee nan wa? Man m’ee njèkaje dooge ke sei ngineii nga lé ɓai. Nè an-in! doo karé à ree goom’t non. Doo nè nga, gabang’t ke njann’t géa, m’ase tute lé.» Paul tel tam ede nè:

Nyanra Njekawkulege 14:3

Nè né è bè géa, Paul se Barnabas ndii kêm ɓee ke Icone ase tà’t. Ei geri tite Kuwe-ɓee è der-gir de. Gir’n ke nè á, ei tami tà se kêmnda káng adi dooge a, dè noje ke Kuwe-ɓee uwe se de a tɔ. Nube ade Paul se Barnabas rai nyankɔbege se nyange ke dum kum geti ngarankumtàge ke ei tami.

Nyanra Njekawkulege 15:7

Loo ke ei naji nan tà kò de heb ɗàk ɓá ɓaa, Pierre in dɔ ede de ede nè: – Ngakonmge, sei geri mbak titeke Nube ɔr’m dann si’t mari bere tede kade m’ile mber Tà ke Maje m’ade dooge ke ei Juipge lé ooi. Titeke bè á à undei kêm de dè Kuwe-ɓee Jésu’t.

Nyanra Njekawkulege 18:5

Loo ke Silas se Timothée in-in kêm ɓeekon ke Macédoine reei ɓá ɓaa, Paul tel orè kum’n dè kɔrgirtà’t le Nube kuwe deri. E ede Juipge ndàt titeke Jésu nga è Krist kuwe.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 20:23

Nè nyan karé ɓaa, Ndil-Kêmnda ede’m ndàt ede nè: Kêm ɓee-bòge karé-karé malang ke m’a m’aw tutu nga, sulge se nyantosowurge tooi nginei man.

Nyanra Njekawkulege 20:32

Ɗarinè, m’um sei ji Nube’t a, m’um sei dann tà kêmnoje’t le’n a tɔ. Tà kêmnoje le Nube nga asekum ra se sei kade ingei nyange malang ke Nube uwe dè nja unde konn tede le njétaakêm-Kristge malang.

Nyanra Njekawkulege 21:13

Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.

Nyanra Njekawkulege 22:21

Kuwe-ɓee tel ede’m ede nè: «Aw, tede è man kuwe á m’a m’ulei heb ke ra dooge ke ei Juipge lé.»

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nje Ke Rome 11:6

E tɔr de se go kêmnoje le’n m se go kule ra de lé. Ke nè á né Nube tɔr de se go kule ra dege ɓaa, kêmnoje le’n nga è kêmnoje ke get lé.

Nje Ke Rome 4:4

Nyan ke doo ra kule á inge’n nga, è nar kuge dè ji’n m è nyan kunde nja’n lé: nè è nar kuge dè ji’n è kuwe.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

2 Nje Ke Corinthe 12:10

Gir’n ke nè á m’ra’n ranel dè yai’t le’m, dè tajege ke dooge taji man éké dè nyange ke nal’m. Man m’ra ranel dè ra ke dé ra kum’m ndoo, dè ra ke dé ra’m d’ade kàde’m gete get-get tede tà le Krist. Tede loo ke m’an ra’m ke njè tɔg goto ɓaa, lotbè á tɔg’m in dè made’t ɓai.

2 Nje Ke Corinthe 4:1

Nube ade jè ra kule nè nga se go kêmkanm le’n. Gir’n ke nè á j’ade kêm jé tête’n mann lé.

2 Nje Ke Corinthe 4:12

Titeke bè á yo ndi ra kule ra jé’t, nè sei ɓaa, ndikumgajer ndi ra kule ra si’t.

2 Nje Ke Corinthe 5:8

Jè nda kêm jé káng ade j’an titeke kinye danra kaw ndi ra Kuwe-ɓee’t nga è soo’t ngain.

2 Nje Ke Corinthe 7:4

M’nda kêm’m káng dè si’t a, dè’m in tchakm tede tà le si a tɔ. M’ndi se kêmsɔl lom a, ra’m nel’m ngain dann nyantosowurge’t malang ke ra jè.

Nje Ke Galatie 1:1

Kule ke man Paul m’ndi m’ra nga, gir’n in ra dooge’t éké doo karé á ade’m lé. Nè man m’ee njèkawkule se go kem̂ndige le Jésu-Krist se Bɔ’n Nube ke njè kade unde loo tee dann njé ke koo’t nga.

Nje Ke Ephese 1:6

Ade jè ɗɔyi Nube tede noje le’n ke maje dum ke è uwe se jéi. Nube uwe se jéi noje nè nga takul kotár le’n Krist kuwe karé luk-luk.

Nje Ke Ephese 3:13

Gir’n ke nè á m’deje’n sei le kade adi kem̂ si tête mann ɔje dè nyantosowurge ke m’inge tede tà le si nga lé. Nyantosowurge nè nga ei riɓar le si.

Nje Ke Philippes 2:17

Ké nè á d’ayé kile mese’m nang ke nyankuje-mese dè made’t ɓai tede kundekem̂ le si géa, m’ra ranel se si nan’t malang.

Nje Ke Philippes 2:30

E tede kule le Krist á ndɔ ke Epaphrodite ube’n tà be tête’n ile’n ra’n kɔke taa’n gute si sei malang loo kule ke sei kuwe asi rai kadi man lé nga.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

1 Nje Ke Thessalonique 2:2

Sei geri titeke ndɔ ke nyankem̂kon se taje ndu ase jè nák-nák kem̂ ɓee-bò ke Philippes. Nè né è bè géa, Nube ade j’oré tà jè njak j’ile’n mber Tà ke Maje le’n j’ade sei dann nyange gai-gai ke rɔi se jé.

1 Nje Ke Thessalonique 3:3

Jè ra titeke bè le kade nyantosowurge ke rai jèi nè nga yei doo karé géa dann si’t lé. Sei kuwe i geri mbak titeke nyantosowurge nè nga è nyan ke Nube ɔje’n dè jéi.

2 Timothee 1:12

E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

Tite 1:3

Loo ke ndɔ le’n ke è kuwe ɔje nga ase deĵ ɓaa, è ribe dè tà le’n nga ke nata se go Tà ke Maje ke m’ile mber’n. E Nube ke njèkaje jèi kuwe á unn’n ndu’n ade’m kade m’ile’n mber Tà ke Maje nga.

Tite 2:11

Nube njèkaje jèi ade kem̂noje le’n kile ra’n ke nata tede kade dooge malang ingei kaje.

Hebreuge 10:34

Sei an-in kumndoo le dangaige. Loo ke dooge ɔyi nyankinge sige géa, sei rai ranel tede sei geri mbak titeke nyankinge le si ke maje dum ke doo à taa ji si’t lé tò ra Nube’t non ɓai.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.

1 Jean 3:16

Ɗarinè, jè geri ngarankum tár nan takul kinye ke Krist inye ra’n ade yo tede le jéi. Gir’n ‘ke nè á, jèi géa, gar-gar j’à kinyei ra jéi kadi yo tede le ngakon jéige tɔ.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 6:11

Dooge karé-karé malang ke ndɔ ke dé tɔl de nga, d’ade de kubu ke nda ke bòi ɔr gide nja de nang ndêt-ndêt. Taɓai d’ede de kade taai kebe ndêin ɓai a, le kade kɔr njémade kulege le de se ngakon dege ke d’ade tɔl de ase deĵ ɓita.