Nyanra Njekawkulege 20:22 - Nouveau Testament en Gulay 2004

²² An-in! m’ee dangai le Ndil-Kêmnda. Gar-gar m’a m’aw loo ke è ndige kɔr non’m kaw se’m tutu. Gir’n ke nè á ɗarinè m’ndi m’aw’n ke Jérusalem nal ger nyan ke à tee dèm’t tutu.

Nyanra Njekawkulege 20:22 ပူးပေါင်းရင်းမြစ်များ

Tà ke Maje ke Luc ndang 12:50

Gar-gar nyankêmkon à pujur dè’m tite doo ke d’ule’n manné njonm bè. Nyan nè nga à nder dèm’t sár kade aw’n loon’t deĵ.

Tà ke Maje ke Luc ndang 9:51

Ndɔ ke d’a d’unn Jésu dè nang nè kaw se’n danrán nain ngɔr ta. E ɔje njáng le kaw kêm ɓee-bò ke Jérusalem.

Jean 13:1

Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 18:4

Jésu ger nyan malang ke ayé tee dènn’t nga mbak. E njiye ngatat tile kum de, è deje de ede nè: – Ké i sangi nan wa?

Nyanra Njekawkulege 17:16

Loo ke Paul ndi à ngine Silas se Timothée kêm ɓee-bò ke Athènes nga ɓaa, è an magege taai kêm ɓee-bò nè nga pel-pel. Gir’n ke nè á wong ra’n ade kêm’n aw biriri-biriri.

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 20:16

Paul ɔje njáng le kunde kêm ɓee-bò ke Ephèse se nja’n dɔ gang m è ndige nda nang tuju ndɔge le’n kêm ɓeekon ke Asie lé. E ute ra’n kalang ké n’a kasekum tee Jérusalem se ndɔ ra nan Pentecote nga lé wa?

2 Nje Ke Corinthe 5:14

Tár ke Krist tár jè nga ɔse jè balang-balang. Ke nè á doo karé inye ra’n ade yo tede dooge malang ɓaa, dooge malang kuwe weii se’n tɔ.

Jacques 4:14

Nè sei geri nyan karé bè ke à tee dè si’t barè nga lé. Ké ndikumgajer le si nga è nyan ri wa? Sei i tooi tite kundu mann ke tee, nè mbɔr ɓaa sanrin sakte bè.

2 Pierre 1:14

Jésu-Krist Kuwe-ɓee le jéi ade m’ger ɓá titeke nain ngɔr ɓaa, danra’m à inye nang nè ta.