Nyanra Njekawkulege 20:21 - Nouveau Testament en Gulay 2004

²¹ M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 20:21 ပူးပေါင်းရင်းမြစ်များ

Matthieu 3:2

– I turi hal si tede Konɓee ke danran nain ngɔr ta.

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Marc 1:15

– Ndɔ ke Nube ɔje nga ase deĵ ɗarinè ta, Konɓee le Nube nain ngɔr. I turi hal si, undei kêm si dè Tà ke Maje’t a tɔ.

Marc 6:12

Njékuwe-gir-Jésuge ke dɔg-gidé-joo ɔti awi ilei mber edi nè: – I turi hal si le kade i ndii kumgajer se non.

Tà ke Maje ke Luc ndang 13:3

Ḿ-m̀, è bè lé. Nè sei géa, ke nè á sei turi hal si lé ɓaa, a tuji malang titeke dooge ke Galilée tujii bè tɔ.

Tà ke Maje ke Luc ndang 13:5

Ḿ-m̀, è bè lé. Nè sei géa, ke nè á sei turi hal si lé ɓaa, a i tuji malang titeke bè tɔ.

Tà ke Maje ke Luc ndang 15:10

Titeke bè á man m’ede sei ndàt, Nube se ngann njéndige le’n ke danrán ali ra de ngain tede tà le njèkaiya karé ke inye go kaiya le’n tel tur hal’n.

Tà ke Maje ke Luc ndang 15:7

Titeke bè á man m’ede sei ndàt, Nube se dooge le’n ke danrán ali ra de ngain tede tà le njèkaiya karé ke inye go kaiya le’n tel tur hal’n. Kalra le de dum dè kalra ke d’a d’inye ɔje dè njè ke kɔr-jisɔ-jimi-gidé-jisɔ-jimi ke an-in ra de ke njéra nyan danné sêwge.

Tà ke Maje ke Luc ndang 16:28

Ngakonmge ke ndêin mi ndii tutu ɓai. Ade aw ede de kade turi hal de nè bainléa à reei ndii dann loo nyantosowur’t titeke man m’ndii’n danné nè bè tɔ.»

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 16:31

Paul se Silas ilei nin dè’t edi nè: – Unde kêmi dè Kuwe-ɓee Jésu’t ɓaa, d’a d’aji i se njénojege lei.

Nyanra Njekawkulege 17:30

Nyanra dooge kêm ndɔge ke kété mari ke geri Nube lé ɓai nga, Nube unn kum’n mbeng dè’t kɔke. Nè ɗarinè è unn ndu’n ade dooge malang se loo malang kade turi hal de.

Nyanra Njekawkulege 19:17

Dooge malang ke ndii kêm ɓee-bò ke Ephèse, Juipge se njé ke ei Juipge lé geri nyan ke tee nè nga. Ɓel unde de ndàt gang de malang ade ilei riɓar dè ri Kuwe-ɓee Jésu’t.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 2:40

Pierre ede de ede nè ndukunn nè nga ɔje dè dooge ke ndɔ ke rang Nube à ɓar de ɓai nga a tɔ. Pierre unn tàge ke rang bule ndeje’n de a, ule’n dingem kêm de’t a tɔ, ede nè: – Dooge ke ɗarinè ndii dè nang nè nga, ei njé ra nyan pás-pàsge. Utei ra si mbeng ra de’t kɔke ɓaa, a aji.

Nyanra Njekawkulege 20:23

Nè nyan karé ɓaa, Ndil-Kêmnda ede’m ndàt ede nè: Kêm ɓee-bòge karé-karé malang ke m’a m’aw tutu nga, sulge se nyantosowurge tooi nginei man.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 24:24

Mbɔr go’t gugu baa, Félix se neen’n Drusille reei Césarée. Drusille nga è Juip. E ule kule ɓar Paul ade ree inge’n. E deje’n le kade ede’n tà ke ɔje dè kundekêm dè Jésu-Krist’t.

Nyanra Njekawkulege 26:18

M’a m’ulei kade i teen kum de ade undei loo teei dann tilkus’t teli reei dann lookar’t. M’a m’ulei ra de’t le kade ɔr de ji tɔgmong’t le Sú le tel ree se de ra Nube’t. Ke nè á d’unde kêm de dèm’t ɓaa, d’a d’inge kêm tin mbit dè kaiyage’t le de a, d’a d’inge loo ndi de dann njé ke ei le Nube’t a tɔ.»

Nyanra Njekawkulege 26:20

Nè m’ile mber m’ade dooge ke ndii Damas pa ɓita, go’t gugu m’ile mber m’ade njé ke Jérusalem se Juipge malang a, se njé ke ei Juipge lé a tɔ. M’ede de m’ede nè: I turi hal si, ɔsi wan i teli ke ra Nube’t. I rai nyange ke uwe made nan se tur hal si.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nyanra Njekawkulege 8:25

Loo ke Pierre se Jean ɔri go tà le Kuwe-ɓee a, ilei mber tà le’n ɓá ɓaa, ei teli awi kêm ɓee-bò ke Jérusalem. Pierre se Jean ilei mber Tà ke Maje se kêm ngann ɓeege gai-gai ke kêm ɓeekon ke Samarie.

Nje Ke Rome 1:14

Gar-gar è tà le’m le kaw ra dooge’t malang: Njé nyangerge se njé ger nyan lége, njé gos kumkunjuge se njékumkunju lége a tɔ.

Nje Ke Rome 1:16

Ma m’ra rasɔl dè tà kile mber Tà ke Maje’t nga lé, tede è tɔgmong le Nube le kaje’n nanan ke um kêm’n dè’t, Juipge kuwe kété ɓita njé ke ei Juipge lé ɓai.

Nje Ke Rome 10:9

Ke nè á tà tee tài’t ade i tam ndàt ede nè: Krist ke Nube ade unde loo tee dann njé ke koo’t nga è Kuwe-ɓee ɓaa, Nube à aji kerɔte kuwe.

Nje Ke Rome 2:4

Ké bò kêm-maje se kêmkile se korè ke Nube orè tà’n njak ndi nginei nga, ké i an ke nyan lé wa? Bò kêm-maje le Nube ke ɔsi balang-balang le kade i tur hali nga, ké i ger lé wa?

Nje Ke Rome 4:24

nè dé ndang tà nè d’ɔje’n dè jéi jèi ke Nube ɔr tà dè jéi’t takul kêm jéi ke j’undei dè’n è ke njè kade Kuwe-ɓee le jéi Jésu unde loo tee dann njé ke koo’t nga.

Nje Ke Rome 5:1

Oiyo, Nube ɔr tà dè jéi’t se go kundekêm le jéi. Gir’n ke nè á jè ndii se’n se kêmlom ɗarinè takul Kuwe-ɓee le jéi Jésu-Krist.

1 Nje Ke Corinthe 1:22

Juipge à ɔdi nan deji nyankɔbege, nè njé ke ei Juipge lé à ɔdi nan sangi gos nyanger.

2 Nje Ke Corinthe 7:10

Kumndoo ke se go kêmndige le Nube nga à ade doo à tur’n hal’n kinge’n kaje m à tel ndinge ra’n gugu lé. Nè kumndoo ke in ra dooge ke dè nang nè nga oje yo.

Nje Ke Galatie 2:16

Nè né è bè géa, jè ger maje titeke Nube ɔr tà dè doo’t se go kule rannge ke ɔje dè gute-ndu nga lé. Nè è ɔr tà dè doo’t se go kundekem̂ dè Jésu-Krist’t. Gir’n ke nè á jè Juipge géa, j’unde’n kem̂ jé dè Jésu-Krist’t le kade Nube ɔr’n tà dè jé’t takul kem̂ jé ke j’unde dè Jésu-Krist’t nga. Nube ɔr tà dè jé’t se go kule ra jége ke ɔje dè gute-ndu nga lé. Ḿ-m̀, Nube à ɔr tà dè doo karé’t se go kule rage ke ɔje dè gute-ndu nga lé.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Nje Ke Galatie 3:22

Nè Magtub ke tò se ninn’n tam ndàt ede nè: Dooge malang ndii gir tɔgmong’t le kaiya. Nyan ke Nube unn’n ndu’n le kade dooge nga, njétaakem̂-Kristge ingei takul kundekem̂ le de.

Nje Ke Ephese 1:15

Gir’n ke nè á, loo ke m’oo kɔbe kem̂ si ke kundei dè Kuwe-ɓee Jésu’t a, m’oo ser tár ke sei tári njé ke tooi se ninn de malang a tɔ ɓaa,

Nje Ke Colosses 2:5

Kerɔte kuwe, danra’m ndi ebe se si, nè se tàgir le’m ɓaa m’ee se si nan’t. M’ra ranel tede nyange ke dann si’t aw maje se gonan-gonan a, tede ba ke sei bai nja si nang dè kundekem̂ dè Krist’t a tɔ.

Philemon 1:5

Tede m’oo kɔbe tár ke i tár Kuwe-ɓee Jésu se njé ke tooi se ninn de malang. Taɓai m’oo kɔbe kem̂i ke unde dè Kuwe-ɓee Jésu’t nga a tɔ.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

1 Jean 5:5

Ké nan á è doo ke asekum tête rɔ dooge ke ei le nang nè nga wa? Doo ke unde kem̂’n dè Jésu’t titeke è Ngonn Nube kerɔte kuwe á asekum tête rɔ dooge ke ei le nang nè.