Nyanra Njekawkulege 20:20 - Nouveau Testament en Gulay 2004

²⁰ Sei geri mbak, man m’ɓɔyɔ se si dè nyan karé bè ke maje tede le si nga lé. M’ebe ra’m kɔrgir tà éké ndó sei nyan nata tàkum dooge’t ndái-ndái éké kêm keige’t nga lé a tɔ.

Nyanra Njekawkulege 20:20 ပူးပေါင်းရင်းမြစ်များ

Marc 4:34

Jésu unn gostà ede’n doobulege tà. Nè loo ke è ndi se kar’n se njékuwe-girnge ɓaa, è ɔrgir gostàge nè malang ade de.

Nyanra Njekawkulege 2:46

D’um kêm de nan’t karé a, dé ree kêm kei le Nube se ndɔ de, ndɔ de a, d’use mapa se nan kêm keige’t le de se ranel a, se kêmnda káng a tɔ.

Nyanra Njekawkulege 20:27

Kerɔte kuwe, m’ɓɔyɔ se si dè nyan karé bè lé, nè nyan malang ke Nube ɔje nga m’ede sei m’ade ooi mbak.

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nyanra Njekawkulege 5:2

Ananias se neen’n umi tà le de nan’t ɔri tà nar loo le de pa ɓita reei se gute umi non njékawkulege’t ɓai.

Nyanra Njekawkulege 5:42

Se ndɔ karé-karé malang, njékawkulege ebi ra de dè ndó nyan dooge éké kile mber Tà ke Maje le Jésu-Krist nga lé. Dé ra titeke bè kêm kei le Nube a, se kêm kei-kei a tɔ.

1 Nje Ke Corinthe 12:7

Nanan géa dann jéi’t Nube ade’n nyan-noje ke ɔje dè’n le tɔje’n tɔgmong le Ndil-Kêmnda ke nata tede kade njétaakêm-Kristge malang ubei maje’n.

1 Nje Ke Corinthe 14:6

Ngakonmge, ke nè á m’aw ra si’t á m’tam tà tam dooge ke rang gai-gai ke sei geri lé; ke nè á tà ke m’tam nga tee se dè tà ke tò loo ɓɔyɔn’t éké tee se dè nyanger éké ribe dè tà ke tà Nube’t éké ndó sei nyan lé ɓaa, ké ri á è nyan ke tò soo’t ke m’ra m’ade sei wa?

1 Nje Ke Corinthe 15:3

Krist wei ɓá tede majelége le jéi titeke Magtubge ke tooi se ninn de tami nga. E ke nè á è nyan-ndó ke desêin ke m’inge á m’tel’n m’ade sei.

Nje Ke Philippes 3:1

Gute tàge ke nain ɓaa, ngakonmge, i rai ranel dè kum nan’t le si bɔk se Kuwe-ɓee. Tel ndang magtub kade sei ɔje dè nyange ke kété m’ede sei ɓá nga, m’a m’ɔr go’t lé tede è gir ndi lom le si.

Nje Ke Colosses 1:28

E Krist nè nga kuwe á j’ile mber tà le’n j’ade dooge malang. Jè j’ede nanan a, jè ndó nanan a tà le’n se kumkunju ke deri le kade nanan géa ra’n tɔge dè kum nan’t bɔk se Krist a tɔ.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.