Nyanra Njekawkulege 20:2 - Nouveau Testament en Gulay 2004

² E unde kêm ɓeekon nè nga gang ndeje njétaakêm-Kristge se tàge ngain ɓita in aw ɓeekon ke Grèce ndi tutu ase nan mute.

Nyanra Njekawkulege 20:2 ပူးပေါင်းရင်းမြစ်များ

Tà ke Maje ke Luc ndang 3:18

Jean ede dooge ke rang tàge bule ndeje’n de titeke bè a, ile’n mber Tà ke Maje ade’n de a tɔ.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 15:41

E aw se loo-loo kêm ɓeekonge ke Syrie se Cilicie ule dingem kêm njékebe nange’t le Nube.

Nyanra Njekawkulege 16:12

J’in loon’t nè j’aw kêm ɓee-bò ke Philippes; è ɓee-bò ke desêin le ɓeekon ke Macédoine. Nè njékonɓeege ke Rome taai ndii dè’t. Jè ndi kêm ɓee-bò’t nè nga ase tà’t.

Nyanra Njekawkulege 17:1

Paul se Silas undei kêm ɓee-bò ke Amphipolis se Appolonie gangi reei kêm ɓee-bò ke Thessalonique. Kei kebe nan le Juipge tò kêm ɓee-bò ke Thessalonique.

Nyanra Njekawkulege 17:10

Ke loon’t nè kuwe, njétaakêm-Kristge ulei se Paul se Silas ndɔɔ kêm ɓee-bò ke Bérée. Loo ke Paul se Silas teei nú ɓaa, ei awi kêm kei kebe nan’t le Juipge.

Nyanra Njekawkulege 2:40

Pierre ede de ede nè ndukunn nè nga ɔje dè dooge ke ndɔ ke rang Nube à ɓar de ɓai nga a tɔ. Pierre unn tàge ke rang bule ndeje’n de a, ule’n dingem kêm de’t a tɔ, ede nè: – Dooge ke ɗarinè ndii dè nang nè nga, ei njé ra nyan pás-pàsge. Utei ra si mbeng ra de’t kɔke ɓaa, a aji.

Nyanra Njekawkulege 20:1

Loo ke ká loo tel pan keng ɓaa, Paul ade dé ɓar njétaakêm-Kristge ade reei ingei nin. E ndeje de a, è ra de lapya a tɔ, ɓita è inye de ɔte aw kêm ɓeekon ke Macédoine ɓai.

Nyanra Njekawkulege 20:11

Loo ke Paul tel al aw dɔ gugu ɓaa, è tête mapa use. Taɓai è tel ɔje se de tà sár loo din-in dil ɓita unde loo tee aw.

Nyanra Njekawkulege 20:3

Loo ke nain ngɔr kade Paul al kêm bato’t le kaw kêm ɓeekon ke Syrie ɓá ɓaa, d’ede’n mêt titeke Juipge ɔri nan tà dènn’t le kumi nin rebe. E ɔse wan tel dè njann’t se rebe ke ɓeekon ke Macédoine.

1 Nje Ke Corinthe 4:19

Ke nè á Kuwe-ɓee ndige ɓaa, m’a m’tel ɓéee le si ngɔr. M’a m’aw tede le koo tà le njé ti ra dege nè nga á se kar de lé, nè m’a m’aw le kan nyange ke d’ase ra se tɔgmong le Nube.

Nje Ke Colosses 1:28

E Krist nè nga kuwe á j’ile mber tà le’n j’ade dooge malang. Jè j’ede nanan a, jè ndó nanan a tà le’n se kumkunju ke deri le kade nanan géa ra’n tɔge dè kum nan’t bɔk se Krist a tɔ.

1 Nje Ke Thessalonique 2:11

Taɓai sei geri mbak titeke jè tɔse kum jé dè si’t karé-karé malang titeke bɔ ngonn ra’n se ngannenge bè.

1 Nje Ke Thessalonique 2:3

Tà ke j’ede dooge jè ndeje’n de nga tò gai. Tà nè nga j’unde gir’n dè tà ke à ur se doo walé lé a, j’unde gir’n dè tàgir ke majelé’t lé a, jè sang le libe kum doo karé taa’n nyan le’n ndan lé a tɔ.

1 Nje Ke Thessalonique 4:1

Ngakon jége, pa njiye ke le taa’n kum Nube nga sei i ndói ra jé’t ɓá. Kerɔte kuwe, sei rai titeke jè ndó’n sei nga ɓá. Nè né è bè géa, jè deje sei a, jè ndeje sei se ri Kuwe-ɓee Jésu a tɔ, le kade awi kum si ke kété-kété ɓai.