Nyanra Njekawkulege 20:19 - Nouveau Testament en Gulay 2004

¹⁹ M’ra kule ɓer m’ade Kuwe-ɓee se ngonn koje ke deri se mann non kum’t dann nyange ke nan-in man, se go kɔr ke Juipge ɔri nan tà dèm’t a tɔ.

Nyanra Njekawkulege 20:19 ပူးပေါင်းရင်းမြစ်များ

Tà ke Maje ke Luc ndang 19:41

Loo ke Jésu an dè ɓee-bò ke Jérusalem ngɔr ɓaa, è non se mann-non kumn’t tede nyan ke à tee dè dooge ke kêm ɓee’t nè nga.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Nyanra Njekawkulege 17:13

Nè loo ke Juipge ke Thessalonique ooi tite ke Paul ile mber tà le Nube kêm ɓee ke Bérée tɔ ɓaa, ei reei sulei dooge. Juipge rai titeke bè adi kos dookêmɓeege awi dè nan’t kutri taɓai.

Nyanra Njekawkulege 17:5

Nè jang ra Juipge ade ɔri dooge ke njékile dɔ se njékêmyêr ke nange umi de go de’t ade sulei dooge. Ei rai titeke bè adi tà oso’n ade dookêmɓeege awi dè nan’t kutri. Go’t gugu, ei in-in awi kêm kei le Jason sangi Paul se Silas tede le kaw se de non kosdooge’t nata.

Nyanra Njekawkulege 20:3

Loo ke nain ngɔr kade Paul al kêm bato’t le kaw kêm ɓeekon ke Syrie ɓá ɓaa, d’ede’n mêt titeke Juipge ɔri nan tà dènn’t le kumi nin rebe. E ɔse wan tel dè njann’t se rebe ke ɓeekon ke Macédoine.

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nyanra Njekawkulege 21:27

Loo ke nain ngɔr kade ndɔ ke ji sejimute ke ɔje dè kɔr ra gonm ase deĵ ɓaa, Juipge ke kêm ɓeekon ke Asie an-in Paul kêm kei’t le Nube. Juipge nè nga sulei doobulege malang adi awi dè nan’t kutri a, adi uwei Paul a tɔ.

Nyanra Njekawkulege 27:23

Nube ke m’ɗɔi’n nga ule doo le’n ke danrán ade ree ram’t ndɔɔ laa ede’m ede nè:

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 1:9

Tede Nube ke m’ndi m’ra kule m’ade’n se ngarankêm’m bere mbak loo kile mber Tà ke Maje’t le Ngonn’n nga, ger titeke m’tam ngarankum tà. Loo ke m’ɔje tà se Nube ɓaa, m’ɓar ri si se ndɔge malang nonn’t.

Nje Ke Rome 12:11

Adi ra si wɔi sei lé. Nè i rai kule se rakɔlé adi Kuwe-ɓee.

2 Nje Ke Corinthe 2:4

M’ndi dann nyantosowur’t se dann ɓel’t. Magtub ke m’ndang nè nga m’ade sei se mann non kum’t tede kade’n sei kêmkon gugu lé ta. Nè m’ndang magtub nè m’ade sei kade i geri njai titeke m’tár sei ngain m’ade al dè loo’n.

2 Nje Ke Corinthe 3:5

Jè se dè ra jé j’asekum ra nyan karé bè géa lé. Nè Nube á è njè tel jè ke dooge ke asi rai nyan kade’n.

2 Nje Ke Corinthe 7:5

Loo ke ndɔ ke jè tee kêm ɓeekon ke Macédoine nga, j’inge loo taa kebe ke ndêin bè ndɔ karé ndan lé. Nè nyantosowur an-in dè jé king-king se loo malang. Dooge an-in dè jé king-king ade ɓel rusu kêm jé njin-njin.

Nje Ke Galatie 1:10

Ɗarinè, ké m’aw ndoo taa kum dooge éké m’aw ndoo taa kum Nube wa? Ke nè á m’sang le taa kum dooge karè ɓaa, bainléa ɓila man m’ee le Krist lé ta.

Nje Ke Ephese 6:7

I rai kule adi de se kem̂nda káng titeke è kule ɓer le Kuwe-ɓee á i rai bè, m è kule le dooge karè lé.

Nje Ke Philippes 3:18

Tede doo ke nange bule awi ke njébange le kage-ke-dese le Krist. Titeke dɔ-dɔ m’ede’n sei nga, ɗarinè m’tel m’ede sei se mann non kuwe ɓai.

Nje Ke Colosses 3:24

Sei geri mbak titeke Kuwe-ɓee à unde nja si a, a ingei nyan-ndube ke è unde konn tede le njé ke le’n. Kuwe si è Krist, è è á i rai kule adi nin.

1 Nje Ke Thessalonique 1:9

Loo ke ndɔ ke j’aw ɓéee le si nga, sei uwei jè ke ra si’t. Sei turi gide si adi mage polége ɔsi wan i teli ke ra Nube’t tede le ra kule kade’n è Nube ke get ke njèndi kumgajer. Nyange nè malang ke ndɔ ke i rai nga, dooge à ɔdi nan kɔr ser’n ɓai.

2 Timothee 1:4

Kem̂’m olé dè mann non ke ndɔ ke tee kumi’t. Gir’n ke nè á ngur tel kaw kan kumi kade dè ranel le’m ɔr’n njêt ra’m pênn-pênn.

Jacques 1:2

Ngakonmge, ke nè á nja si tuge sei dè nyan nange’t gai-gai ɓaa, an-in ke nyan ranel ke deri.

1 Pierre 1:6

Nyantosowurge gai-gai nan-in sei ɗarinè mbɔr. Nè né è bè géa, i rai ranel ɔje dè kaje ke Nube uwe dè nja unde konn tede si nga.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

Lookilera’n 7:15

Gir’n ke nè á dé nda’n non kutu-ngar’t le Nube, dé ɗɔi’n kada a, ndɔ a, gile kei’t le’n ke tò se ninn’n gai. E ke ndi kutu-ngar’t à ra kei kubu dè de’t.