Nyanra Njekawkulege 2:9 - Nouveau Testament en Gulay 2004

⁹ Njé ke nange dann jéi’t in-in kêm ɓeekon ke Parthes se Médie se Elam se njé ke in-in ɓeekon ke Mésopotamie se Judée se Cappadoce se Pont se Asie,

Nyanra Njekawkulege 2:9 ပူးပေါင်းရင်းမြစ်များ

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 18:2

Kêm ɓee’t nè nga, Paul inge Juip karé bè ri’n nè Aquilas, ɓee koje’n è Pont. Aquilas se neen’n Priscille in-in kêm ɓeekon ke Italie reei ngɔr ɓai, tede Claude unn ndu’n le kade Juipge malang undei loo teei kɔke kêm ɓee-bò ke Rome. Paul aw ra de’t um se de nan’t bɔk.

Nyanra Njekawkulege 19:10

E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 19:27

Tuju ke à oso nga à ɔje dè kule le jéi á se kar’n lé. Nè kei ke bò le mage ke dinye ke ri’n nè Artémis nga géa à tel k’ee nyan ke raikarè. Taɓai riɓar le’n ke oso se loo mbit-mbit ade dooge ke kêm ɓeekon ke Asie se dè nang ndi dooge bere mbak ilei koje dènn’t nga à ɔse ngei ngai a tɔ.

Nyanra Njekawkulege 19:31

Dooge ke nange kêm ɓeekon ke Asie ke ei made Paulge ulei rann’t gɔri nin le kade aw loo nyan-tɔjege’t nè nga lé, nè bainléa à inge tuju.

Nyanra Njekawkulege 2:8

Ké gir’n è bain á jéi j’ooi tà karé-karé malang ke edi jéi se tà koje jéi, koje jéi wa?

Nyanra Njekawkulege 20:16

Paul ɔje njáng le kunde kêm ɓee-bò ke Ephèse se nja’n dɔ gang m è ndige nda nang tuju ndɔge le’n kêm ɓeekon ke Asie lé. E ute ra’n kalang ké n’a kasekum tee Jérusalem se ndɔ ra nan Pentecote nga lé wa?

Nyanra Njekawkulege 20:18

Loo ke ei reei ingei nin ɓá ɓaa, è ede de ede nè: – Unn gir kêm ndɔ ke desêin ke m’ile’n nja’m kêm ɓeekon ke Asie nga, sei geri pa njiye’m ke m’njiye’n se si se loo malang.

Nyanra Njekawkulege 20:4

Sopater ngonn le Pyrrhus ke ɓee le’n è Bérée dann Paul aw se’n. Aristarque se Secondus ke ɓee le de è Thessalonique a, Gaius doo ke Derbe kêm ɓeekon ke Macédoine a, se Timothée a, Tychique se Trophime ke kêm ɓeekon ke Asie géa danni Paul a tɔ.

Nyanra Njekawkulege 21:27

Loo ke nain ngɔr kade ndɔ ke ji sejimute ke ɔje dè kɔr ra gonm ase deĵ ɓaa, Juipge ke kêm ɓeekon ke Asie an-in Paul kêm kei’t le Nube. Juipge nè nga sulei doobulege malang adi awi dè nan’t kutri a, adi uwei Paul a tɔ.

Nyanra Njekawkulege 24:18

M’ndi m’ade d’a d’ɔr’m gonm kêm kei le Nube. Juipge ke nange in-in ɓeekon ke Asie reei ingei man dè’t. Doobulege gotoi se’m a, tà ɓar jiki ade dooge awi dè nan’t kutri lé a mbak.

Nyanra Njekawkulege 27:2

J’al kêm bato’t ke in Adramytte à aw kum’n ke loo nda batoge kêm ɓeekon ke Asie. Bato ɔte se jé aw se jé. Aristarque, doo ke Thessalonique, ɓeekon ke Macédoine nga è se jé nan’t tɔ.

Nyanra Njekawkulege 6:9

Kêm ndɔn’t nè nga, Juipge ke nange ke kêm ɓee-bò ke Cyrène, Alexandrie se njé ke kêm ɓeekon ke Cilicie a, se Asie a tɔ reei kêm kei kebe nan’t . Kei kebe nan nè nga d’ede nè è kei kebe nan le ɓerge ke teli ndii dè de pal. Juipge nè nga malang in-in naji tà se Etienne.

Nyanra Njekawkulege 7:2

Etienne unn tà tam ede nè: – Sei bɔmge se ngakonmge, ooi tà lem maje: kété ɓita kade kà jéi Abraham in kêm ɓeekon ke Mésopotamie aw ndi kêm ɓee ke Haran ɓai nga, Nube ke njè ndubra tee dènn’t pan

Nje Ke Rome 16:5

I rai lapya njétaakêm-Kristge ke kebi nan kêm kei le de adi man tɔ. I rai lapya kotár le’m Epainète adi man. E kuwe è doo ke desêin kêm ɓeekon ke Asie ke unde kêm’n dè Krist’t nga.

1 Nje Ke Corinthe 16:19

Njékebe nange le Nube ke kêm ɓeekon ke Asie rai sei lapya. Aquilas se Prisca rai sei lapya ngain se ri Kuwe-ɓee. Njékebe nange le Nube ke kebi nan kêm kei le de géa rai sei lapya ngain tɔ.

2 Nje Ke Corinthe 1:8

Ngakon jége, jè ndige le kade i ndii dè mbe’t ɔje dè nyantosowur ke ndɔ ke ra jè nga lé. Nyantosowur ke ndɔ ke tee dè jé’t kêm ɓeekon ke Asie nga ade wur jé ndir njàk-njàk al dè tɔg jé. Nyantosowur ke ndɔ ke ra jè ade wur jé ndir jè njàk-njàk nè nga al dè tɔg jé ade tep̂léa danra bere mbak kuwe ayé kudu.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

1 Pierre 1:1

Man Pierre, njèkawkule le Jésu-Krist, m’ndang magtub nè m’ade njé ke Nube ɔr de unde de se ninn de ke ei njé nanmge ke sanrin nan awi ndii kem̂ ɓeekonge ke Pont, Galatie, Cappadoce, Asie a, se Bithynie a tɔ.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.