Nyanra Njekawkulege 2:7 - Nouveau Testament en Gulay 2004

⁷ Ndil de tee an-in soin-soin, tà ige de sêl ade d’ede nè: – An-in! dooge nè malang ke ndai à tami tà nè nga, ké ei dooge ke kêm ɓeekon ke Galilée nga lé wa?

Nyanra Njekawkulege 2:7 ပူးပေါင်းရင်းမြစ်များ

Matthieu 21:11

Njé ke nange dann doobulege’t nè tami edi nè: – E Jésu njèribe-dè-tà ke tà Nube’t ke ɓee ke Nazareth ɓeekon ke Galilée.

Matthieu 26:73

Mbɔr go’t gugu ɓaa, njé ke ndai kêm geng’t reei ra Pierre’t edi nin edi nè: – Loo naje’n goto, i nga géa ndɔ ke i dann de’t tɔ. Tà tami kuwe ɔr giri.

Matthieu 8:10

Loo ke Jésu oo tà tam doo nè nga bè ɓaa, è an’n ke dɔ ke nang. Taɓai è tur tà’n ede njé ke ndolèi goo’n ede nè: – Kerɔte kuwe, man m’ede sei ndàt, kêm ɓeekon ke Israel nga géa, m’inge njèkunde kêm dè Nube’t titeke bè ndɔ karé lé ɓai.

Marc 1:27

Ndil dooge malang tee an-in soin-soin ade deji nan tà edi nè: – Ké nyan nè nga è ri wa? E nyan-ndó ke gai se tɔgmong ke in ra Nube’t. Ndilge ke majelé géa Jésu on de njanm-njanm ade ulei dè de adii.

Marc 2:12

Ke loon’t nè kuwe, dingem nè nga ɔse nang in dɔ, ɓir nyan too’n, unde loo tee tàkum dooge’t malang ade teli ndii giw. Dooge malang ulei ndubra dè Nube’t edi nè: – Jè j’an nyan ke titeke bè nja karé ndan lé ɓai.

Jean 7:52

Dé deje Nicodème d’ede nè: – Ké i kuwe géa i tel rai doo ke Galilée tɔ wa? Ke nè á i nder gir tà kêm Magtub’t le Nube maje an ɓaa, njèribe-dè-tà ke tà Nube’t à in kêm ɓeekon ke Galilée lé. [

Nyanra Njekawkulege 1:11

– Sei dooge ke ɓeekon ke Galilée, ké bain á i ndai an-in loo ke danrán sikm bè wa? Jésu nè ke d’unn’n dann si’t d’aw se’n danrán nga, ndɔ ke rang à tel ree kade an-in titeke an-in nin loo kin kaw’n danrán’t nè nga bè tɔ.

Nyanra Njekawkulege 2:12

Ndil de tee an-in soin-soin malang ade dé tel ndi tchên. Njé ke nange deji nan tà edi nè: – Ké nyan nè nga gir’n è ri wa?

Nyanra Njekawkulege 2:8

Ké gir’n è bain á jéi j’ooi tà karé-karé malang ke edi jéi se tà koje jéi, koje jéi wa?

Nyanra Njekawkulege 3:10

Dé ger’n njai titeke è nga kuwe á ndɔ ke ndi nang à kɔ nyan tàbit kei’t le Nube ke ri’n nè: «Tàbit kei ke maje ngain.» Loo ke dooge an-in nyan ke tee dè dingem ke njèdɔgemete’t nè nga bè ɓaa, ɓel unde de ndàt gang de ade ndii tikn.