Nyanra Njekawkulege 2:6 - Nouveau Testament en Gulay 2004

⁶ Loo ke doobulege ke kebi nan ooi ká nyan ke ɓar nè nga ɓaa, ei an-in nan som-som reei ndai dè nan’t girm. Nanan géa oo tà ke d’ede’n se tà koje’n-koje’n.

Nyanra Njekawkulege 2:6 ပူးပေါင်းရင်းမြစ်များ

Matthieu 2:3

Loo ke ngar Hérode se dooge malang ke kêm ɓee-bò ke Jérusalem ooi tà nè nga titeke bè ɓaa, tà ige de sêl.

Tà ke Maje ke Luc ndang 21:25

Nyange ke tooi ɓel ngain ke doo an ndɔ karé lé ɓai à undei loo teei kum kàde’t a, kum nan’t a tɔ. Dooge malang ke dè nang nè ɓel à unde de ndàt gang de kade tà ige de sêl. D’a d’an nyan karé ke kum ra lé tede mann ba-bò ke ule ade kɔr’n tal bungus-bungus a, tede ká’n ke ɓar ngain a tɔ.

Nyanra Njekawkulege 2:2

Ke loon’t nè kuwe ká nyan in danrán ɓar asenan se nel-bò bè ree taa kêm kei ke dé ndi tutu pel-pel.

Nyanra Njekawkulege 3:11

Njèdɔgemete nè nga liger go Pierre se Jean lagr-lagr. Ndil kosdooge malang tee an-in soin-soin ade an-in nan som-som reei ra de’t gir pal’t le Salomon.

1 Nje Ke Corinthe 16:9

Tà rebe teen ra’n inye wei bendeng ade’m kade m’ra kule kêm ɓee-bò ke Ephèse nè nga. Nè njébange le’m á bulei ngain tutu.

2 Nje Ke Corinthe 2:12

Loo ke Kuwe-ɓee ɔr tà rebe ade m’ree kêm ɓee-bò ke Troas ɓaa, è gɔl loo ke kanm ade m’ile mber Tà ke Maje le Krist tutu.