Nyanra Njekawkulege 2:5 - Nouveau Testament en Gulay 2004

⁵ Kêm ndɔn’t nè nga, Juipge ke ilei koje dè Nube’t in-in dann dooge ke ei Juipge lé dè nang malang reei ndii kêm ɓee-bò ke Jérusalem.

Nyanra Njekawkulege 2:5 ပူးပေါင်းရင်းမြစ်များ

Matthieu 24:14

Konɓee le Nube nga, d’a d’ile mber’n kade dooge malang ke geri Nube lé ke ndii dè nang nè bere mbak ooi kété ɓita dè nang nè à tuju ɓai.

Tà ke Maje ke Luc ndang 17:24

Titeke ndi têl loo tee’t le kàde aw sár tee loo kur’t le kàde éké têl dè jikon sár aw dè jigel nga, ndɔ tel ree le’m man nga géa à è titeke bè tɔ.

Tà ke Maje ke Luc ndang 2:25

Dingem karé bè, ri’n nè Siméon, è ndi kêm ɓee-bò ke Jérusalem. Dingem nè nga, è njè ra nyan se dè naje’n tàkum Nube’t a, è njè kile koje dènn’t a tɔ. E ndi ngine è ke njèkaje ngannkà Israel nga tchên. Ndil-Kêmnda nain se Siméon.

Tà ke Maje ke Luc ndang 24:18

E ke karé ke ri’n nè Cléopas deje Jésu ede nè: – Ké i kuwe se kari bere á i tite mba ke ndi kêm ɓee ke Jérusalem anje ger nyange ke teei kêm ndɔge’t nè nga wa?

Jean 12:20

Dooge reei kêm ɓee-bò ke Jérusalem loo ra nan’t tede le ɗɔi Nube. Grec ke nange ei se de tɔ.

Nyanra Njekawkulege 10:2

Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.

Nyanra Njekawkulege 10:7

Loo ke doo ke danrán ke nda ɔje’n se’n tà ɔte aw ɓá ɓaa, ke loon’t nè kuwe, Corneille ɓar ngann njéndige le’n joo se njèrɔ karé ke ilei koje dè Nube’t. Dooge ke mute ke Corneille ɓar de le kule nga ei dann dooge ke rai kule girn’t mari sár tee ɓila.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 2:1

Loo ke ndɔ Pentecote ase deĵ ɓá ɓaa, njétaakêm-Kristge kebi nan loo karé.

Nyanra Njekawkulege 22:12

Dingem karé bè ndi Damas ri’n nè Ananias. E doo ke ile koje dè gute-ndu’t le Moise. Juipge malang ke ndii kêm ɓee-bò ke Damas tami tà le’n maje.

Nyanra Njekawkulege 8:2

Dooge ke njékile koje dè Nube’t ke nange unni ninn Etienne dubi. Ndoo Etienne ra de ade d’unde kàde de dài-dài dé non’n jik-jik.

Nyanra Njekawkulege 8:27

Philippe in ke loon’t kuwe aw. Dingem karé ke ɓeekon ke Ethiopie unde loo tee pan. Dingem nè nga è njèkuju. E doo ke bò ke njèkan dè nyanbawge le Kandas dinye le ngar ke ɓeekon ke Ethiopie. Doo nè nga ree mba kêm ɓee-bò ke Jérusalem le ɗɔi Nube.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.