Nyanra Njekawkulege 2:46 - Nouveau Testament en Gulay 2004

⁴⁶ D’um kêm de nan’t karé a, dé ree kêm kei le Nube se ndɔ de, ndɔ de a, d’use mapa se nan kêm keige’t le de se ranel a, se kêmnda káng a tɔ.

Nyanra Njekawkulege 2:46 ပူးပေါင်းရင်းမြစ်များ

Matthieu 6:22

Kum jéi tò asenan se lampe le danra jéi bè. Ke nè á kum jéi an loo njai ɓaa, danra jéi bere mbak è ke unju njai a tɔ.

Tà ke Maje ke Luc ndang 11:41

Ngarankêm si tá adi Nube ke nyan-noje ɓaa, nyankain mannge se nyankuse nyange le si malang à unji.

Tà ke Maje ke Luc ndang 24:30

Loo ke è ndi se de tà nyankuse’t ɓaa, è unn mapa karé ra Nube oiyo pa ɓita uwe tête danné ade de ɓai.

Tà ke Maje ke Luc ndang 24:53

Dé ndi kêm kei le Nube se ndɔ de-ndɔ de a, dé pite’n dɔ-dɔ a tɔ.

Nyanra Njekawkulege 16:34

Nè njè ngonm tà dangai ade Paul se Silas awi se’n ɓéee le’n ra de mba. E se njénojege le’n malang rai ranel tede kêm de ke undei dè Nube’t.

Nyanra Njekawkulege 2:42

Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nyanra Njekawkulege 20:7

Ndɔ ke desêin ke njè kutu go ndɔ taa kebe, jè kebe nan le tête nan mapa. Paul ndi dè njann’t le kin kaw barè. E ɔje tà se njékebe nange le Nube sár dann loo bɔp.

Nyanra Njekawkulege 3:1

Ndɔ karé bè, loo ke kàde tel ra’n se mbɔr’n, Pierre se Jean à awi ke kêm kei’t le Nube le kɔji se’n tà.

Nyanra Njekawkulege 5:21

Loo ke njékawkulege ooi tà ke doo ke danrán ede de nè nga bè ɓaa, ei ɔti awi kêm kei le Nube se ndɔgé ɓat unni gir ndói dooge nyan. Nè maw njèkuje nyan-mese se njé ke ei se’n reei ɔsi nja njégangtàge le Juipge se ngatɔgege le kosdooge ke Israel malang. Go’t gugu ulei kule kei dangai’t adi dé ree se njékawkulege.

Nyanra Njekawkulege 5:42

Se ndɔ karé-karé malang, njékawkulege ebi ra de dè ndó nyan dooge éké kile mber Tà ke Maje le Jésu-Krist nga lé. Dé ra titeke bè kêm kei le Nube a, se kêm kei-kei a tɔ.

Nje Ke Rome 12:8

Ke nè á doo karé inge nyan-noje ke ɔje dè ndeje madennge ɓaa, maje kade tɔse kum’n dè ndeje madennge’t. Nanan ke inge nyan-noje ke ɔje dè kade nyan dooge ɓaa, maje kade ade se kêm’n ke karé. Nanan ke inge nyan-noje ke ɔje dè kɔr non dooge ɓaa, maje kade ra se rakɔlé. Nanan ke inge nyan-noje ke ɔje dè ra kêmkanm ɓaa, maje kade ra se ranel.

1 Nje Ke Corinthe 10:16

Jè ra Nube oiyo tede nyankain ke jè deje ndutɔr le Kuwe-ɓee dè’t nga. Ké è nè nga è nyan ke um jéi nan’t bɔk se mese Krist nga lé ɓai wa? Mapa ke jè tête nga, ké è nyan ke um jéi nan’t bɔk se danra Krist nga lé ɓai wa?

2 Nje Ke Corinthe 1:12

Nyan ke ade dè jé in’n tchakm nga, è tàgir ke kêm jé’t. Jè ger kêm jé’t titeke nyanra jé taa kum dooge ke dè nang nè. Sei kuwe mbain géa, i geri titeke nyanra jé è nyanra ke se dè naje’n. E kêmnoje le Nube á ɔr non jé ade jè ra’n nyan se dè naje’n m è kumkunju le doo lé.

2 Nje Ke Corinthe 11:3

Titeke ndɔ ke li ra’n gos sú’n kum Eve nga, m’ɓel kade tàgir le si tel tur gide’n ade noje kêmnda ke Krist uwe se si.

Nje Ke Ephese 6:5

Sei ɓerge, ilei koje dè kuwe sige ke ɔje dè danra si. I ɓeli ndil de a, ilei koje dè de’t se kem̂nda káng titeke ilei koje dè Kuwe-ɓee’t bè tɔ.

Nje Ke Colosses 3:22

Ɓolège, ilei koje dè kuwe sige’t ke ɔje dè danra si dè nyange’t malang. Ilei koje dè de’t tàkum de’t karè lé a, tede taa’n kum dooge lé a tɔ. I rai se kem̂nda káng i ɓeli Ndil Kuwe-ɓee.