Nyanra Njekawkulege 2:45 - Nouveau Testament en Gulay 2004

⁴⁵ D’ige looge le de se nyan-majege le de ɓaa, dé kaiya nan nar’n se go nyange ke d’aw ndoo’n.

Nyanra Njekawkulege 2:45 ပူးပေါင်းရင်းမြစ်များ

Matthieu 19:21

Jésu ede dingem nè nga ede nè: – Ke nè á i ndige le k’ee doo ke maje ɔr njêt ɓaa, aw ige nyanbawge lei malang inye nar’n i kai njéndooge ɓaa a inge nyanbaw ra Nube’t danrán nú. Aw i ra nyange nè pa ɓita i tel ree unn rebe goom’t ɓai.

Tà ke Maje ke Luc ndang 16:9

Jésu tel ede de ede nè: – Man m’ede sei, nar ke get lé ke tò ji si’t nga uwei made nan se dooge. Titeke bè á loo ke gir nar nè à gang ɗás ji si’t ɓaa, Nube à uwe sei ke rann’t loo ndi ke à tò se non.

Tà ke Maje ke Luc ndang 18:22

Loo ke Jésu oo tà le doo nè bè ɓaa, è ede’n ede nè: – Nyan karé nain kade i ra ɓai. Aw ige nyange lei mbak inye nar’n i nobo njéndooge ɓaa, i a kinge nyanbaw ra Nube’t nú ɓai. Aw i ra nyange nè pa ɓita i tel i ree unn rebe goom’t ɓai.

Tà ke Maje ke Luc ndang 19:8

Zachée in nda dɔ non Kuwe-ɓee’t ede’n ede nè: – Njèdum dè nyange malang, man m’kai nyange ke m’inge danné loo joo, m’ade è ke karé njéndooge. Loo ke m’banm doo m’taa nyan le’n ɓaa, m’tel m’ade’n made dè’t loo sɔ.

Nyanra Njekawkulege 11:29

Njékuwegir-Kristge ɔji njáng le kulei se nyan, ra’n se njétaakêm-Kristge ke ndii kêm ɓeekon ke Judée. Nanan géa unn nyan ade se go nyankinge’n-kinge’n.

Nyanra Njekawkulege 4:34

Doo karé bè ke nyan nal’n goto dann de’t tede njé ke awi se loo ndɔrge se keige le de nga, ei igi ɓaa reei se nar’n,

Nyanra Njekawkulege 4:35

umi non njékawkulege’t ade dé kai de karé-karé malang se go nyan ke d’aw ndoo’n.

2 Nje Ke Corinthe 9:1

Tà ke ɔje dè nyan-noje ke le ra’n se njétaakêm-Kristge nga, m’ebe ra’m ndang magtub kade sei ke dè nan’t, nan’t.

2 Nje Ke Corinthe 9:9

Dé ndang kêm magtub’t d’ede nè: «E kai nyan-majege le’n. E uwe noje se njé ndooge se kêmnda káng. Nyanra ke se dè naje’n le’n tò sár-sár se non a tɔ.»

1 Jean 3:17

Ke nè á doo karé aw se nyankinge ngain dè nang nè, nè è unn kum’n mbeng dè ngokon’n ke nyan nal’n. A ɓaa, ké tár ke doo nè ede nè n’tár Nube nga tò ra wa?