Nyanra Njekawkulege 2:42 - Nouveau Testament en Gulay 2004

⁴² Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nyanra Njekawkulege 2:42 ပူးပေါင်းရင်းမြစ်များ

Tà ke Maje ke Luc ndang 24:30

Loo ke è ndi se de tà nyankuse’t ɓaa, è unn mapa karé ra Nube oiyo pa ɓita uwe tête danné ade de ɓai.

Tà ke Maje ke Luc ndang 24:35

Ei njékuwe-gir-Jésuge ke joo nè géa unni gir kɔri ser nyange ke teei dè de’t rebe a, kum de ke tel gang reng dè Jésu’t loo ke à tête’n mapa danné a tɔ.

Nyanra Njekawkulege 1:14

Dé malang d’um kêm de nan’t bɔk, d’aw kum de ke kété-kété dè kɔje tà se Nube’t. Dinyege ke nange tite Marie kon Jésu a, se ngakon Jésuge ndii se de nan’t tutu a tɔ.

Nyanra Njekawkulege 11:23

Loo ke è aw inge de Antioche ɓaa, è an noje ke Nube uwe se dooge. E ra ranel a, ndeje de malang le kade dé labe ra de parr ra Kuwe-ɓee Jésu’t se kêmnda káng.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 2:46

D’um kêm de nan’t karé a, dé ree kêm kei le Nube se ndɔ de, ndɔ de a, d’use mapa se nan kêm keige’t le de se ranel a, se kêmnda káng a tɔ.

Nyanra Njekawkulege 20:11

Loo ke Paul tel al aw dɔ gugu ɓaa, è tête mapa use. Taɓai è tel ɔje se de tà sár loo din-in dil ɓita unde loo tee aw.

Nyanra Njekawkulege 20:7

Ndɔ ke desêin ke njè kutu go ndɔ taa kebe, jè kebe nan le tête nan mapa. Paul ndi dè njann’t le kin kaw barè. E ɔje tà se njékebe nange le Nube sár dann loo bɔp.

Nyanra Njekawkulege 4:23

Loo ke d’inye Pierre se Jean dɔ ɓá ɓaa, ei teli reei ra njé ke le de’t ɔri sertàge malang ke maw njékuje nyan-mesege se ngatɔgege tami se de adi ooi.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

Nyanra Njekawkulege 6:4

Nè jè ɓaa, j’à j’aw kum jé ke kété de kɔje tà se Nube’t a, se dè kile mber tà’t le Nube a tɔ.

Nje Ke Rome 12:12

I rai ranel dè nyan ke sei undei kêm si tchên dè’t nga. Oréi tà si njak dann nyantosowur’t ɔji tà se Nube se ndɔge malang m ebi’t lé.

1 Nje Ke Corinthe 10:21

Sei asikum kain nyankain le Kuwe-ɓee se ndilge ke majelé nan’t mbak lé. Sei asikum ndi tà nyankuse’t le Kuwe-ɓee se ndilge ke majelé nga nan’t mbak lé.

1 Nje Ke Corinthe 11:2

M’an nyan kum si’t tede kêm si olé dèm’t se loo malang. M’an nyan kum si’t tede nyange ke m’ndó sei nga géa, an-in dè sêw-sêw a tɔ.

1 Nje Ke Corinthe 14:6

Ngakonmge, ke nè á m’aw ra si’t á m’tam tà tam dooge ke rang gai-gai ke sei geri lé; ke nè á tà ke m’tam nga tee se dè tà ke tò loo ɓɔyɔn’t éké tee se dè nyanger éké ribe dè tà ke tà Nube’t éké ndó sei nyan lé ɓaa, ké ri á è nyan ke tò soo’t ke m’ra m’ade sei wa?

Nje Ke Galatie 1:6

Tà ige’m sêl tede kin ke sei in-in kalang i turi gide si adi è ke njè ɓar sei se go kem̂noje le Krist. Sei nga in-in kalang i turi gide si ade è ke njè ɓar sei tede le tur ra si go nyan ke rang’t m go Tà ke Maje’t nga lé ta.

Nje Ke Ephese 2:20

Sei nga, dé rɔte sei dè gir kei’t le njékawkulege se njéribe-dè-tàge ke tà Nube’t a tɔ. Jésu-Krist á è kuberi her ke mong dè kum kei’t.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

Nje Ke Philippes 1:5

tede unn gir kem̂ ndɔ ke desêin sár tee ɓila, sei i rai se’m dè kile mber Tà ke Maje’t.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

Nje Ke Colosses 4:2

Uwei ra si mong ɔji tà se Nube se ndɔge malang a, i ndii kum dè ra’n oiyo’t a tɔ.

2 Timothee 3:14

Timothée, i ɓaa, i liger lagr-lagr dè nyange ke ndɔ ke i ndó a, um kem̂i dè’t bɔk-bɔk. Dooge ke ndɔ ke ndói nin nyange nè nga, i ger de mbak.

Hebreuge 10:25

Adi j’inyei loo kebe nan le jéi titeke njé ke nange ebi ra de dè’t se ndɔge, ndɔge nga lé. Adi j’ulei dingem kem̂ nan’t dum ke kété tede sei an-in ndɔ tel le Kuwe-ɓee Krist nain ngɔr ta.

Hebreuge 10:39

Dooge ke nange inyei go kundekem̂ le de kɔke awi dann tuju’t. Jèi nga jèi tite de lé. Jèi ɓaa, j’undei kem̂ jéi dè Nube’t tede kaje’n ngarankum ra jéi.

1 Jean 1:3

Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

Jude 1:20

Nè sei kotárge le’m ɓaa, sei kuwe ulei dingem kem̂ nan’t, awi kum si ke kété dè kundekem̂’t le si ke tò se ninn’n nga. Ɔji tà se Nube se go Ndil-Kem̂nda.