Nyanra Njekawkulege 2:41 - Nouveau Testament en Gulay 2004

⁴¹ Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

Nyanra Njekawkulege 2:41 ပူးပေါင်းရင်းမြစ်များ

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Jean 21:11

Simon Pierre tel al kêm bato’t ndɔr bure ke kanjege rusi neĵ nga ile nata. Kanjege ke bòi-bòi ke kêmé nga ei aru se kɔr-mi-gidé-mute. Kanjege bulei ngain, nè né è bè géa bure gang lé.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 13:48

Loo ke njé ke ei Juipge lé ooi tà le Paul bè ɓaa, ei rai ranel. Ei rai Kuwe-ɓee Nube oiyo tede tà le’n ke ooi. Dooge malang ke Nube uwe dè nja ndikumgajer se non ɔje’n dè de nga, teli ei njétaakêm-Kristge.

Nyanra Njekawkulege 2:37

Loo ke kosdooge ooi tàge nè bè ɓaa, ɓengre de ayé gang dɔs. Dé deje Pierre se njékawkulege ke rang d’ede nè: – Ngakon jége, ké j’à ra bain ta wa?

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 27:37

Jè malang ke jè ndi kêm bato’t nga, jè dooge aru joo se kɔr-ji sejimute-gidé-mute-mute.

Nyanra Njekawkulege 3:23

Nanan ke ur mbi’n oo’n tà le njéribe-dè-tàge ke tà Nube’t nè nga lé ɓaa, d’a d’ade kum’n à udu dann kosdooge’t le Nube.»

Nyanra Njekawkulege 4:4

Nè né è bè géa, dooge ngain ke nange dann njé ke ooi tàge le de kété, teli ei njétaakêm-Kristge. Kɔr de ase aru dɔg loo mi.

Nyanra Njekawkulege 7:14

Go’t gugu Joseph ule ɓar bɔ’n Jacob se njénojege le’n malang adi ndɔti ɓee ingei nin. Dooge malang ke ndɔti ɓee ingei Joseph kêm ɓeekon ke Egypte nga ei kɔr-ji sejimute-gidé-mi.

Nje Ke Rome 13:1

Maje kade nanan géa ile koje dè ndukunnge’t le njékonɓeege ke d’unde de, tede gir konɓee ke nal kin ra Nube’t goto. Njékonɓeege ke d’unde de nga, è Nube kuwe á unde de.

1 Nje Ke Thessalonique 1:6

Sei i ndaji nyanra jé jè se nyanra Kuwe-ɓee. Sei taai Tà ke Maje se ranel le Ndil-Kem̂nda dann nyantosowurge gai-gai ke ndɔ ke ra sei.

1 Pierre 3:20

Ndilge ke tooi dangai’t nè nga, ei dooge ke njé dum nange ke kété mari kem̂ ndɔge’t le Noé. Nè ndɔ ke Nube ile kem̂’n sár ade Noé ra’n bato tɔl mbas. Bato nè nga dooge sɔsɔ bere á awi kem̂é aji yo ndɔ ke mann bêlm ndum’n gute dooge ndarak dè nang nè.

Lookilera’n 16:3

Doo ke danrán ke njèkon’t joo unn nyantosowurge ke kem̂ bai wong’t le’n ɓêngle dann ba-bò kate’t. Tajinan’t nè kuwe, mann ba-kate tel mese tite mese doo ke dé tɔl’n bè. Nyange malang ke awi kumgajer dann ba-kate’t nè nga weii kabak.