Nyanra Njekawkulege 2:40 - Nouveau Testament en Gulay 2004

⁴⁰ Pierre ede de ede nè ndukunn nè nga ɔje dè dooge ke ndɔ ke rang Nube à ɓar de ɓai nga a tɔ. Pierre unn tàge ke rang bule ndeje’n de a, ule’n dingem kêm de’t a tɔ, ede nè: – Dooge ke ɗarinè ndii dè nang nè nga, ei njé ra nyan pás-pàsge. Utei ra si mbeng ra de’t kɔke ɓaa, a aji.

Nyanra Njekawkulege 2:40 ပူးပေါင်းရင်းမြစ်များ

Matthieu 12:34

Sei ke i tooi asinan se li jênênnge ke njékêmyêrge! Ké a asikum tam tàge ke maje loo ke ra’t wa? Nyan rusu kêm ɓengre doo njin-njin ɓita tà’n tee tànn’t ɓai.

Matthieu 16:4

Sei dooge ke njé kêm majelége se njétur gide si kade Nube ke ɗarinè i ndii dè nang nè nga, i sangi le kan-in nyankɔbe. Nè nyankɔbe karé ke rang géa a an-in lé. Jonas njèribe-dè-tà ke tà Nube’t ke è nyankɔbe ke ndɔ ke an-in kété ɓá non kuwe ase. Loo ke Jésu tam tà nè nga bè ɓaa, è inye de ɔte aw.

Matthieu 17:17

Jésu tel tam ede de ede nè: – Sei njé kunn mbi dè tà’tge se njéndɔje lɔk-lɔkge. Ké m’a m’ndi se si ndɔ kandang ɓai wa? I reei se ngonn nè nga ke ram’t nè.

Matthieu 23:33

Sei i tooi asinan se li jênênnge, tà ke d’a gang dè si’t dann loo ke tur’t nga, ké à nal sei titeke bain wa?

Marc 8:38

Man Ngonn doo nga m’a m’tel ree dann ndubra’t le Bɔ’m se njékêmndage ke danrán. Nanan ke ra’n sɔl’n dèm’t se dè tà’t le’m non njé ra majelége ke njé mbate Nubege ke ndii dè nang nè ɓaa, man Ngonn doo nga géa ra’m à sɔl’m dènn’t tɔ.

Tà ke Maje ke Luc ndang 16:28

Ngakonmge ke ndêin mi ndii tutu ɓai. Ade aw ede de kade turi hal de nè bainléa à reei ndii dann loo nyantosowur’t titeke man m’ndii’n danné nè bè tɔ.»

Tà ke Maje ke Luc ndang 21:36

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

Jean 21:25

Kété Jésu ra nyange ke rang bule ngain. Ke nè á ndɔ ke dé ndang tà’n karé-karé malang kêm magtub’t ɓaa, m’gir titeke à ubei loo bang-bang dè nang nè.

Nyanra Njekawkulege 10:42

E Jésu nè nga kuwe á unn ndu’n ade jè le kade j’ile mber j’ade kosdooge. Taɓai è unn ndu’n le kade j’ede kosdooge ndàt titeke è nè nga kuwe á Nube ɔr’n unde’n ke njègangtà le dooge ke ndii kumgajer se njé ke wei ɓá a tɔ.

Nyanra Njekawkulege 15:32

Jude se Silas ei njéribe-dè-tàge ke tà Nube’t. Ei géa edi de tàge ngain a, ndeji de a, ulei dingem kêm de’t a tɔ.

Nyanra Njekawkulege 20:11

Loo ke Paul tel al aw dɔ gugu ɓaa, è tête mapa use. Taɓai è tel ɔje se de tà sár loo din-in dil ɓita unde loo tee aw.

Nyanra Njekawkulege 20:2

E unde kêm ɓeekon nè nga gang ndeje njétaakêm-Kristge se tàge ngain ɓita in aw ɓeekon ke Grèce ndi tutu ase nan mute.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 20:9

Ngonn basa karé bè ri’n nè Eutique ndi tàkum bolè loo’t ngɔr. Ɓi ase’n nák loo ke Paul ndi ɔje’n se de tà ade kò’n ebe ɗàk. Ɓi ase ngonn basa nè nga nák ade in dè kei ke njekon’t mute ke d’unde dè made’t oso njanm. Dooge reei utei yo’n dɔ kɔnonn.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 4:36

Titeke bè á Joseph, ke njékawkulege ilei ri tɔyi’n nè Barnabas aw se loo ndɔr le’n. Barnabas nga tel se tà koje jéi ɓaa, è «Ngonn Njèkule dingem kêm madennge’t.» Joseph nga è girkà le Lévi njèkuje nyan-mese. Ɓee koje’n è Chypre.

2 Nje Ke Corinthe 5:20

Jè jè ngann njékulege tede le Krist. Nube ɓar dooge ke rann’t takul jé jè. Bè ɓaa, jè ndête sei se ri Krist kade umi nan’t bɔk se Nube.

2 Nje Ke Corinthe 6:17

Gir’n ke nè á Kuwe-ɓee tam’n ede nè: «Undei loo i teei dann de’t kɔke i ndii gai, ɔdi ra nyan ke mine lé ɓaa, m’a m’uwe sei ke ram’t.

Nje Ke Galatie 5:3

M’tel m’ede sei tà nè nga ndàt kuwe ɓai. Doo ke rara ke ade d’uje tà mɔte’n ɓaa, gar-gar à ra nyange ke gute-ndu ɔje nga bere mbak se ndɔ’n-ndɔ’n.

Nje Ke Ephese 4:17

Man m’ede sei ndàt se ri Kuwe-ɓee: Maje kade i teli i njiyei tite dooge ke geri Nube lé nga lé ta, tede ei nga njiyei se go tàgir le de ke raikarè.

Nje Ke Philippes 2:15

I rai titeke bè le kade unji nyang-nyang a, d’a kile’n tà dè si’t lé a tɔ. Sei a teli k’ei ngann Nube a, tà karé à uwe dè si lé dann girkoje dooge ke ndi dè nang nè nga lé. Dooge ke ndii dè nang nè nga , ei njé ndɔje lɔk-lɔkge se njé ra nyan majelége a tɔ. Sei a ndon-in dann de’t asenan se nyan-ndogó bè.

1 Nje Ke Thessalonique 2:11

Taɓai sei geri mbak titeke jè tɔse kum jé dè si’t karé-karé malang titeke bɔ ngonn ra’n se ngannenge bè.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.