Nyanra Njekawkulege 2:4 - Nouveau Testament en Gulay 2004

⁴ Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

Nyanra Njekawkulege 2:4 ပူးပေါင်းရင်းမြစ်များ

Matthieu 10:19

Nè loo ke d’a d’aw se si le kule sei ji de’t nga, adi kêm si tò kekek dè tà ke uwei dè nja le tam nga lé. Tede tà ke sei a i tami nga, d’a d’ule tà si’t kêm kàdenn’t nè kuwe.

Marc 16:17

Njé ke d’um kêm de dè Tà ke Maje’t nga, Nube à ade d’ade ra nyankɔbege ke nè: d’a rɔ ndilge ke majelé se ri’m, d’a tam tà tam dooge ke rang.

Tà ke Maje ke Luc ndang 1:15

Tede à è doo ke bò tàkum Kuwe-ɓee’t. E à kain yibe nduu ke ate éké yibe ke ate karé ke rang lé a tɔ. Loo ke è nain kêm konn’t ɓai kuwe Ndil-Kêmnda taa kêm’n pel-pel.

Tà ke Maje ke Luc ndang 1:41

Loo ke Elisabeth oo ndu Marie ke ra’n lapya ɓaa, ngonn ke kêmn’t unn gir tɔse’n gùl-gùl. Ke loon’t nè kuwe Ndil-Kêmnda taa kêm Elisabeth pel-pel.

Tà ke Maje ke Luc ndang 1:67

Ndil-Kêmnda taa kêm Zacharie bɔ ngonn nè nga pel-pel ade ɔr’n gir nyan ke Nube tɔje’n ede nè:

Tà ke Maje ke Luc ndang 12:12

Awi ɓaa Ndil-Kêmnda kuwe à ndó sei tà ke kade i tami kêm ndɔn’t nè gar-gar.

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Tà ke Maje ke Luc ndang 4:1

Ndil-Kêmnda taa kêm Jésu pel-pel loo ke in-in’n tà ba ke dé ɓar’n Jourdain ree’n. Ndil-Kêmnda ɔr non’n aw se’n kêm dile’t.

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 20:22

Loo ke è tam tà nè nga titeke bè ɓá ɓaa, è tó kebe dè de’t puu ede nè: – I taai Ndil-Kêmnda!

Nyanra Njekawkulege 1:5

Jean ule dooge manné njonm kété, nain ndɔ ngain lé kade d’ɔr sei d’unde sei se ninn si gai se Ndil-Kêmnda ɓai.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 10:46

Juipge ke njétaakêm-Kristge ooi tà tam dooge ke rang ɔji nan tà se njétaakêm-Kristge ke Juipge lé nga pɔt-pɔt ilei riɓar dè Nube’t.

Nyanra Njekawkulege 10:47

Pierre tam tà ede nè: – Dooge ke ingei Ndil-Kêmnda titeke jèi j’ingei bè tɔ nga, ké nan ase kɔge kade d’ule de manné njonm wa?

Nyanra Njekawkulege 11:15

Loo ke m’unn gir tam tà ɓaa, ke loon’t nè kuwe, Ndil-Kêmnda ree taa kêm dooge pel-pel titeke ndɔ ke kété ree taa’n kêm jéi pel-pel nga tɔ.

Nyanra Njekawkulege 11:24

Barnabas è doo ke maje. Ndil-Kêmnda se kundekêm taai kêm’n pel-pel. Gir’n ke nè á, kosdooge ngain teli nanmi kade Kuwe-ɓee’t.

Nyanra Njekawkulege 13:52

Nè né è bè géa, njékuwe-gir-Kristge ndii se ranel a, Ndil-Kêmnda taa kêm de pel-pel a tɔ.

Nyanra Njekawkulege 13:9

Ndil-Kêmnda taa kêm Saul ke dé ɓar’n Paul pel-pel. E an njè mbeli nè nga kàkàk, taɓai è tam se’n ede nè:

Nyanra Njekawkulege 15:8

Nube ke njè ger ngarankêm dooge tɔje titeke uwe njé ke ei Juipge lé ke rann’t. Gir’n ke nè á è ade’n de Ndil-Kêmnda titeke ndɔ ke kété ade’n jéi nga tɔ.

Nyanra Njekawkulege 19:6

Paul ile ji’n dè de’t ɓaa, Ndil-Kêmnda ree dè de’t. D’unn gir tam tà tam dooge gai-gai a, dé ribe dè tàge ke in tà Nube’t a tɔ.

Nyanra Njekawkulege 2:11

Jèi ke nange jèi Juipge ke koje ɓee, njé nange ei Juipge telge, njé ke nange in-in kêm ɓee ke Crète se ɓeekon ke Arabie a tɔ. Nè né è bè géa, dooge nè nga ɔri gir nyanrage le Nube ke maje dum adi j’ooi se tà koje jéi, koje jéi.

Nyanra Njekawkulege 2:3

Ndon nyange ke taai nan se ndon por bè undei loo teei pitring-pitring kayai nan ndii dè de’t karé karé malang.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

Nyanra Njekawkulege 4:8

Ndil-Kêmnda taa kêm Pierre pel-pel ɔse’n ade ede de ede nè: – Sei njékɔr non Juipge se ngatɔgege ke Israel,

Nyanra Njekawkulege 6:3

Gir’n ke nè á, ngakon jége, i sangi dingemge ji sejimute dann si’t ɔri de le kade jè tel se kule nobo nyankuse j’umi ji de’t. Nè maje kade ei dooge ke d’ɔr tà le de maje. Maje kade ei dooge ke Ndil-Kêmnda se kumkunju taai ra de pel-pel a tɔ.

Nyanra Njekawkulege 6:5

Tà nè nga nel njétaakêm-Kristge malang ade ɔri Etienne dingem ke kundekêm le’n ii ngain a, Ndil-Kêmnda taa kêm’n pel-pel. D’ɔr Philippe se Procore se Nicanor se Timon se Parménas se Nicolas dingem ke ɓee le’n è Antioche ke tel ra’n ke Juip nga a tɔ.

Nyanra Njekawkulege 6:8

Etienne è doo ke ndutɔr se tɔgmong le Nube taa ra’n pel-pel. E ra nyange ke dum kum se nyankɔbege ke bò dann kosdooge’t.

Nyanra Njekawkulege 7:55

Nè Etienne nga Ndil-Kêmnda taa kêm’n pel-pel. E an loo ke danran sêw-sêw ɓaa, an ndubra le Nube. Taɓai è an Jésu nda se nja’n dɔ dè jikon Nube’t.

Nyanra Njekawkulege 8:17

Gir’n ke nè á Pierre se Jean undei ji de dè dooge’t ade ingei Ndil-Kêmnda.

Nyanra Njekawkulege 9:17

Ananias in aw kêm kei go Saul’t ɓaa, è unde ji’n dènn’t ede’n ede nè: – Ngokon’m Saul, Kuwe-ɓee Jesu ke kété tee dèi’t pan rebe ke a i ree’n nga ule’m le kade i tel an loo a, le kade Ndil-Kêmnda taa kêmi pel-pel a tɔ.

Nje Ke Rome 15:13

Maje kade Nube ke j’undei kêm jéi tchên dènn’t ade sei ranel se kêmlom ke deri takul kêm si ke undei dènn’t nga. Titeke bè á kundekêm tchên le si à ra’n tɔge ke kété-kété se go tɔgmong le Ndil-Kêmnda.

1 Nje Ke Corinthe 12:10

Ndil á ade doo karé ke nè tɔgmong kade ra’n nyankɔbege, ade doo karé ke rang Ndil ade è njèribe-dè-tàge ke tà Nube’t. Ndil ke karé nè kuwe ade doo karé gos ter nyan ke in ra Ndil-Kêmnda’t se nyan ke in rann’t lé. Ndil-Kêmnda ade doo karé ke rang gos tam tà koje dooge ke rang gai-gai a, ade doo karé ke rang ɓai gos tel gir tàge gai-gai a tɔ.

1 Nje Ke Corinthe 13:1

Ke nè á m’tam tà tam dooge ke dè nang nè éké ke danrán malang nè tár nan goto kêm’t ɓaa, m’tò titeke ninge-kase ke ɓar kêng-kêng éké ganga ke ɓar ase loo nák-nák karè.

1 Nje Ke Corinthe 13:8

Tár nan à kudu ndan lé. Tàge ke njéribe-dè-tàge ke tà Nube’t tami nga à udi ɓai. Nyan-noje ke le tam’n tà tam dooge gai-gai à ɔsi ngei ɓai a, d’a d’ade gos nyanger à goto ɓai a tɔ.

1 Nje Ke Corinthe 14:18

M’ra Nube oiyo tede ade m’tam tà tam dooge ke rang ngain dum sei malang.

1 Nje Ke Corinthe 14:5

Kerɔte kuwe, m’ndige kade sei malang i tami tà tam dooge ke rang gai-gai kuwe, nè nyan ke m’aw ndoo’n ngain ɓaa, è le kade i ribei dè tà ke tà Nube’t. Doo ke njèribe-dè-tà ke tà Nube’t nga dum dè doo ke njè tam tà tam dooge ke rang gai-gai. Doo ke tam tà tam dooge ke rang gai-gai nga, ke nè á doo tel gir ade njékebe nange le Nube tede kade rai tɔge dè kundekêm’t le de tá bainléa à asenan se njèribe-dè-tà ke tà Nube’t ɓai.

Nje Ke Ephese 3:19

Sei a geri titeke tár ke Krist tár jèi nga, è nyanger ke dum dè nyangerge ke rang malang dè nang nè tede kade i geri gel Nube bere mbak a tɔ.

Nje Ke Ephese 5:18

Adi yibe ule mbe dè si’t lé. Tede yibe aw se doo ke loo nyanra ke pás-pàs’t kade tuju. Nè adi Ndil tá taa kem̂ si pel-pel.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

1 Pierre 1:12

Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.

2 Pierre 1:21

Oiyo, tà ke in tà Nube’t nga è se go kem̂ndige le doo karé ndan lé. Nè Ndil-Kem̂nda á ɔse dooge balang-balang ade ilei mber tà ke in tà Nube’t.