Nyanra Njekawkulege 2:39 - Nouveau Testament en Gulay 2004

³⁹ Ndɔ ke Nube unn ndu’n le kule se Ndil-Kêmnda kade ree taa kêm dooge pel-pel. Ndukunn nè nga ɔje dè si sei se ngann sige. Ndukunn nè nga ɔje dè dooge malang ke ɗarinè ndii ebe se Kuwe-ɓee Nube le jéi.

Nyanra Njekawkulege 2:39 ပူးပေါင်းရင်းမြစ်များ

Nyanra Njekawkulege 10:45

Juipge ke njétaakêm-Kristge malang ke danni Pierre reei se’n nga, tà ige de sêl. Kerɔte kuwe, Nube ade Ndil-Kêmnda taa kêm dooge ke ei Juipge lé géa pel-pel ɗarinè tɔ ta.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

Nyanra Njekawkulege 15:14

Kété mari kuwe, Nube ɔje le tɔr dooge dann dooge ke ei Juipge lé le kade ei kosdooge le’n ke kinge’n. E tà nè á Simon ɔrgir ɗarinè ade jèi.

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 15:8

Nube ke njè ger ngarankêm dooge tɔje titeke uwe njé ke ei Juipge lé ke rann’t. Gir’n ke nè á è ade’n de Ndil-Kêmnda titeke ndɔ ke kété ade’n jéi nga tɔ.

Nje Ke Rome 11:29

Dooge ke Nube ɓar de nga, è tel girtà ke rang dè de’t ndan lé a, nyan ke è ade de nga à tel taa ji de’t gugu ndan lé a tɔ.

Nje Ke Rome 8:30

Njé ke Nube ɔje kade ei ngannenge kété mari ke desêin nga, è ɓar de tɔ. Njé ke è ɓar de nga, è tel de ke njé ra nyan se dè najennge a, è ile riɓar dè de’t a tɔ.

Nje Ke Rome 9:24

Dooge ke Nube ra se de kêmkanm nga, è jèi ke è ɓar jèi. E dann jéi jèi Juipge kuwe se kar jéi á Nube ɓar jèi lé, nè è ɓar njé ke ei Juipge lé nga tɔ.

Nje Ke Rome 9:4

Dé nè nga, dé dooge ke ndɔ ke Nube tel de ke ngann’n. D’an ndubra le’n se kum de a, è mann ra’n ade de a, è ade de gute-ndu’n a, inye loo ade dé ra kule d’ade’n a, è unn ndu’n ade de a tɔ.

1 Nje Ke Corinthe 7:14

Dingem ke njètaakêm-Krist lé nga, è doo ke ndi heb ngain se Nube lé ta tede tà le neen’n ke njètaakêm-Krist. Dinye ke njètaakêm-Krist lé nga, è doo ke ndi heb ngain se Nube lé ta tede tà le ngaw’n ke njètaakêm-Krist a tɔ. Ke nè á è bè lé ɓaa à ei dooge ke mine. Nè ɗarinè ɓaa, ngann sige géa ei dooge ke tooi se ninn de.

Nje Ke Ephese 1:18

M’deje Nube le kade ade kum ɓengre si gang tchat. Titeke bè á a i geri nyan kundekem̂ tchên dè’t ke è ɓar sei tede nga. Taɓai sei a geri bò ndubra le’n se bò nyan-ndube ke uwe dè nja unde konn tede le njé ke tooi se ninn de.

Nje Ke Ephese 2:12

Adi kem̂ si olé titeke ndɔ ke kété mari nga, sei i ndii anje Krist a, gaje nyan ke ndêin bè ke ɔje dè si goto kem̂ ɓeekon ke Israel a tɔ. Sei sei dooge ke dɔ, nyange ke Nube ɔje le kade ngann njéɓeege nga ɔje dè si lé. Taɓai sei dooge ke nyan kundekem̂ dè’t le si goto a, Nube nga géa sei dooge ke i nali nin dè nang nè a tɔ.

Nje Ke Ephese 4:4

Sei sei balkum danra ke karé bere luk-luk, Ndil-Kem̂nda è karé bere luk-luk a tɔ. Titeke bè á sei géa Nube ɓar sei le kade ingei nyan kundekem̂ tchên dè’t ke karé bere luk-luk nga.

2 Nje Ke Thessalonique 1:11

Gir’n ke nè á j’ɔje’n tà se Nube se ndɔge malang tede si. Jè deje Nube le jéi le kade ade nyanra si uwe made nan se ndikumgajer se non ke è ɓar sei tede nga. Maje kade ra se si se go tɔgmong le’n ade i rai nyange malang ke maje ke i ndigi rai. Maje kade Nube ade i ndii kum dè ra kule dè kundekem̂’t le si.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

Hebreuge 9:15

Gir’n ke nè á Krist ee’n njè nda dann dooge se Nube ɔje’n dè mann-ra ke kige nè nga. E wei uge dè dooge ke ali tà kété mari gir mann-ra ke desêin’t. Titeke bè á dooge ke Nube ɓar de à asi kingei nyan-majege ke tooi se non ke ndɔ ke è unn’n ndu’n le kade de nga.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

2 Pierre 1:10

Gir’n ke nè á ngakonmge, utei ra si kalang ke kété le nda njáng dè ɓar ke Nube ɓar sei’t a, dè kɔr ke è ɔr sei unde sei se ninn si nga a tɔ. Ke nè á i rai nyange nè nga malang ɓaa, nyan karé géa à tuge sei kile sei ndan lé.

2 Pierre 1:3

Kuwe-ɓee Jésu nga ade jèi nyange malang ke j’awi ndoo’n se go tɔgmong le’n le kade jè ndii kumgajer a, j’ilei koje dè Nube’t a tɔ. Kuwe-ɓee Jésu-Krist ade jè geri nin è ke njè ɓar jèi kade j’oréi nan se’n dè ndubra’t le’n a, dè tɔgmong’t le’n a tɔ.

Lookilera’n 17:14

D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»

Lookilera’n 19:9

Doo ke danrán ede’m ede nè: «I ndang tà nè nga: Njé ke dé ɓar de loo mur dann ɓee’t le Ngonn bate nga, ra de à nel de.» Taɓai, è ede’m ede nè: «Tàge nè nga ei ngarankum tàge le Nube kuwe.»