Nyanra Njekawkulege 2:33 - Nouveau Testament en Gulay 2004

³³ Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.

Nyanra Njekawkulege 2:33 ပူးပေါင်းရင်းမြစ်များ

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Tà ke Maje ke Luc ndang 24:49

Nyan ke Bɔ’m unn’n ndu’n ade sei nga, an-in! man kuwe m’a m’ule’n kade sei. Nè sei ɓaa, i ndii kêm ɓee-bò’t nè kuwe sár kade ingei tɔgmong ke à in ra Nube’t ɓita.

Jean 14:16

Man m’deje Bɔ’m le kade ade sei njè ra se si ke rang. E nè nga à nain se si sár se non.

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Nyanra Njekawkulege 1:4

Ndɔ karé bè, Jésu ndi se de nan’t tà nyankuse’t, è unn ndu’n ade de le kade d’inye ɓee-bò ke Jérusalem d’aw rang lé. E ede de ede nè: – I ndii Jérusalem nè kuwe i nginei ndukunn le Bɔ’m ke ndɔ ke m’ede sei tà’n kété nga.

Nyanra Njekawkulege 10:45

Juipge ke njétaakêm-Kristge malang ke danni Pierre reei se’n nga, tà ige de sêl. Kerɔte kuwe, Nube ade Ndil-Kêmnda taa kêm dooge ke ei Juipge lé géa pel-pel ɗarinè tɔ ta.

Nyanra Njekawkulege 2:17

«Nube tam ede nè: ndɔ ke ngeinn’t ɓaa, m’a m’ade Ndil’m à yal nan dè dooge’t malang titeke bè á: ngann sige ke dingem se njé ke dinye à teli k’eei njékɔrgo tàge le’m man Nube; ngann basage le si à an-in nyanpinde ngatɔgege le si à an-in nyan nige a tɔ.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

Nje Ke Rome 5:5

kundekêm tchên nga á ile rasɔl dè jéi’t lé, tede Nube tár jéi ade Ndil-Kêmnda ree urkei kêm ɓengre jéi’t.

Nje Ke Galatie 3:14

Krist ra titeke bè le kade dooge ke ei Juipge lé ingei ndutɔr ke ndɔ ke Nube unn’n ndu’n ade Abraham. Ndutɔr nè nga dooge ke ei Juipge lé ingei takul Jésu-Krist. Ndil-Kem̂nda ke ndɔ ke unn ndu’n le kade jéi nga, j’ingei takul kundekem̂.

Nje Ke Ephese 1:13

Takul Krist á sei géa ooi ngarankum tà, ke è Tà ke Maje ke aje sei. Takul kundekem̂ ke sei undei kem̂ si dè Krist’t á Nube unde’n nyankorji le’n ke è Ndil-Kem̂nda ra si’t, titeke ndɔ ke è unn’n ndu’n kété mari ade sei nga.

Nje Ke Ephese 4:8

Gir’n ke nè á Nube tam’n kem̂ Magtub’t le’n ede nè: «Loo ke è in aw dɔ ɓaa, è uwe njé tuwe made dege ɓer aw se de. E uwe noje se dooge a tɔ.»

Tite 3:6

Ndil-Kem̂nda nè nga, Nube ade taa kem̂ jéi pel-pel takul Jésu-Krist Njèkaje jèi.

Hebreuge 10:12

Nè Krist nga unn danra’n ade ke nyankuje-mese nja karé kuwe njing tede majelé le dooge. Go’t gugu ɓita è aw ndi dè jikon Nube’t sár se non ɓai.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.

1 Pierre 1:21

E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.

1 Pierre 3:22

Krist nga in aw ndi dè jikon Nube’t dɔ danrán. Dooge ke danrán se njékonɓeege a, se njé tɔgmong-ge malang a tɔ, ulei dè de adi nin.