Nyanra Njekawkulege 2:30 - Nouveau Testament en Gulay 2004

³⁰ Nè David nga kété è njèribe-dè-tà ke tà Nube’t. E ger titeke Nube mann ra’n ade’n kété ede nè: «M’a m’ɔr ngonnkài karé ke kêmi’t dann ngannkàige’t kade ndi kutu-ngar’t lei.»

Nyanra Njekawkulege 2:30 ပူးပေါင်းရင်းမြစ်များ

Matthieu 22:43

Jésu tel deje de ede nè: – A ɓaa ké bain Ndil-Kêmnda ɔse David ade ɓar’n Kuwe-ɓee le’n wa? Tede David nga ndɔ ke Ndil-Kêmnda ule tà tànn’t ade tam ndàt ede nè:

Matthieu 27:35

Loo ke njérɔge ɓeri nin kàde kage-ke-dese’t ɓá ɓaa, ei tɔri kubuge le’n ke rann’t turi jala dè’t le kan ké à ei le nan wa?

Marc 12:36

E David nga géa, Ndil-Kêmnda ɔse’n balang-balang ade tam ede nè: «Nube ede Kuwe-ɓee le’m ede nè: I ndi dè jikonm’t sár le kade m’ade njébange lei teli nyan-sure-nja kum lei.»

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Nyanra Njekawkulege 1:16

– Ngakonmge se kon nannemge, tà ke Ndil-Kêmnda tam kété kêm Magtub ke tò se ninn’n nga, aw loon’t deĵ. Ndil-Kêmnda ule tà tà David’t ade tam ɔje’n dè Judas kété. Judas nè ɔse wan tel è njèkɔr non njé kuwe Jésuge.

Nje Ke Rome 1:3

Tà ke Maje nè nga dé ndang d’ɔje dè Kuwe-ɓee le jéi Jésu-Krist, Ngonn Nube. Krist nga d’oje’n girkà’t le ngar David se go danra.

Nje Ke Rome 15:12

Esaie njèribe-dè-tà ke tà Nube’t géa tam bè tɔ, ede nè: «Ngar karé ke kige à in girkà’t le Jessé le ree. A ree le kon dooge ke ei Juipge lé. Dooge ke ei Juipge lé à undei kêm de dènn’t.»

2 Timothee 2:8

Ade kem̂i olé dè Jésu-Krist ngonnkà David. Jésu-Krist nga unde loo tee dann njé ke koo’t titeke Tà ke Maje ke m’ile mber’n tam’n ndàt.

Hebreuge 1:1

Kété mari, Nube ade njéribe-dè-tàge ke tànn’t edi kà jéige tà se rebege gai-gai nja bule.

Hebreuge 3:7

Gir’n ke nè á Ndil-Kem̂nda tam’n ede nè: «Ke nè á ɓila ooi ndu Nube ɓaa,

Hebreuge 4:7

Gir’n ke nè á Nube tel ɔje’n ndɔ karé ke rang. Ndɔ nè nga dé ɓar’n «Ɓila». E tam tà nè nga ra ɓal aru bule ngain ɓita ade ngar David ndang tà’n kem̂ Magtub Pa’t ke j’ooi tà’n kété ɓá ede nè: «Ke nè á ɓila ooi ndu Nube ɓaa, adi ɓengre si nder titeke kété nga lé ta.»

Hebreuge 6:17

Ndɔ ke Nube ra se Abraham titeke bè tɔ. Ngannkà Abrahamge ayé kingei nyange ndɔ ke Nube unn’n ndu’n ade’n. Nube ndige kade ngannkà Abraham geri njai titeke kunn-ndu le’n n’ee Nube nga, è kunn-ndu ke tò njáng. Gir’n ke nè á è tɔl’n tà’n se kubu ra.

Hebreuge 7:21

Nè loo ke Nube ɔr Jésu unde’n ke njèkuje nyan-mese nga, è ede’n ndàt ede nè: «Kuwe-ɓee mann ra’n. E mann-ra ke à tò sár m è à tur ndu’n rang ndan lé: I a i Njèkuje nyan-mese sár se non.»

2 Pierre 1:21

Oiyo, tà ke in tà Nube’t nga è se go kem̂ndige le doo karé ndan lé. Nè Ndil-Kem̂nda á ɔse dooge balang-balang ade ilei mber tà ke in tà Nube’t.

Lookilera’n 17:14

D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»

Lookilera’n 19:16

Doo ke danrán ke al dè sinde-gaglam’t nga, dé ndang ri doo tu kubu’t le’n ke bòi yul a, dè bingenn’t a tɔ, d’ede nè: «Ngar dè ngarge a, Kuwe-ɓee le kuwe-ɓeege a tɔ.»